Pusuana 33:9 - Syin Chin Bible

⁹ A sungah Moses a tum zawkciang, meeikhuam tuaksuk in Puanbuk kongbiang ah tawlnga a, Topa in meei sung pan Moses paupui hi.

Pusuana 33:9 Iomraidhean Croise

Pianciilna 17:22

Abraham tungah a thuson tu teng a man ciang, Pathian in ama nusia hi.

Pianciilna 18:33

Abraham taw a thu son tu teng a man zawkciang, Topa paisuak a, Abraham sia inn ah cia kik hi.

Psalm Late 99:7

Ama in meeikhuam panin amate paupui hi; amate tungah ama ii piak thukhamte le a thupiakte amate in zui uh hi.

Pusuana 25:22

Tualai ah kong kisikpui tu a, cherub te ii a thate nii kilaklaw, a sitna tung panin Israel mite atu, ka thukhamte theampo nang kong pia tu hi.

Pusuana 31:18

Sinai Mual tungah Pathian in Moses a paupui zawkciang, Pathian ama tatak ii thupiak teng a tungah a at sa suangpheakte nii sia Moses pia hi.

Pusuana 33:10

Mipite in Puanbuk kongbiang ah meeikhuam a mu po ciang kun uh hi.

Pusuana 33:11

Ngualtamh khat thuson tu bang keakin maitang kisi a Topa in Moses paupui hi. Tuaciang Moses ngiaphual ah heak kik hi. Ahizong Nun ii tapa, ama a hu, tangvalpa Joshua sia Puanbuk sungah om lai hi.

Pusuana 33:8

Tualai ah Moses a pai simin, mipite a Puanbuk kongbiang ah ding tek a, Moses a sungtan dong en uh hi.

Pusuana 34:3

Khat zongh kaato pui heak in a; mual tung koima ah kuama omsak heak in; tuu ahizong, khui ahizong, mualpeang ah tha heak in,” ci hi.

Pusuana 34:5

Meeilom khat sungah Topa hong tuaksuk a, tualai ah ama taw ding khawmin, Topa ci in a min thiangtho thangsak hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Ezekiel 3:22

Topa hong ompuina ii vaang neina ka phawk a, ama in, “Ding in a, ngamkuam sungah pai in, tua munah nang kong paupui tu hi,” hong cina aw ka za hi.

Mi Simna 11:17

Kong paisuk tu a, tualai ah kong paupui tu hi. Nang kong piaksa thaa pawlkhat la in, amate ka pia tu hi. Tuasia ciang amate in hi mihingte atu vaipuak teng hong hu thei tu a, nangma bek in tua vaipuak na la buatu hi.

Mi Simna 7:89

Topa taw kipaupui tu in Puanbuk sungah Moses a tum ciang, Thuciamna Thingkuang sitna tungah a om Cherubim nii kilaklaw pan Topa paupuina ama in za hi.

Thuhil kikna 31:14

Tuaciang Topa in Moses tungah, “Khuangei nungta nawn ngawl tu ni hi. Keima in Joshua thu ka hil thei natu in ama samin Puanbuk ah hong paipui ta'n,” ci hi. Moses le Joshua Puanbuk ah pai a,

Thuhil kikna 31:15

tualai Puanbuk kongbiang ah meeikhuam khat sung pan amate tungah Topa hong kilangh hi.