Pusuana 33:4 - Syin Chin Bible

⁴ Hi thu mite in a zaak uh ciang amate khuangai in, suangmanpha kizepna te bun nawn ngawl uh hi.

Pusuana 33:4 Iomraidhean Croise

2 Samuel 19:24

Tua zawkciang Saul ii tupa Mephibosheth sia David taw kisi tu in hong pai hi. Ama in kumpipa ii Jerusalem a nusiat hun pan ngalzo a hong cia kik dong, a peang le sil ngawl, a khamul le meet ngawl, a puan le sawp ngawlin omcip hi.

1 Kumpite 21:27

Elijah ii a pau tu teng a man ciang Ahab in a puansilh lai te baltham in, suut a, khau-ip puan silh hi. Ama in an ne ngawlin khau-ippuan te taw lum a, mainuu in thin lalin vavak hi.

2 Kumpite 19:1

Kumpipa Hezekiah in amate ii a puak thu a zaak po ciang he mama in a puansilh eaukeak in, khau-ip puan silhin Topa Biakinnpi sungah tum hi.

Ezra 9:3

Hi thu ka zaak ciang thinkiam in ka puan ka eaukeak a, ka sam le ka khamul bot in khuangai in ka to cip hi.

Job 1:20

Tuasia ciang Job dingto a, khuangai in a puansilh teng baltham hi. A sam meet a, lei ah bokcip hi.

Job 2:12

Amate in a khuala pan Job ngalmu a, ahihang tel ngawl uh hi. A tel tak uh ciang amate nasia tak kapin, khuangai in a puansilhte baltham a, leivui lawnto in a lu tungah the uh hi.

Pusuana 33:6

Tua ahikom, Sinai Mual a nusiat zawkciang, Israel mite in suangmanpha kizepnate bun nawn ngawl uh hi.

Isaiah 32:11

Thinngimna le nei ngawlin, nuntak ol in na nungta uh hi; ahihang tu in, patau in liing vun! Na puante suutkeak vun a na kawngah puansia lom sawm vun.

Ezekiel 24:17

Naang in na om hunlam kuama in zasak heak in. Khuangaina lim na lakna in lukhu khu ngawl, peangnguakin vak heak in. Na maitang seal heak in a, a khuangaite neak ante ne heak in,” hong ci hi.

Ezekiel 24:23

Lukhu khu ngawl ahibuale peangnguakin vak heak vun a, khuangai ahibuale kapin om heak vun. Na mawnate hu in na hingkiam tu a, na tau hon tu uh hi.

Ezekiel 26:16

Tuipi tungah a vak a cia minamte ii kumpi theampo in kumpi tokhum panin tuak tu uh hi. Amate in a puantual te le a kizepna puansilhte suutin, lei ah liingin to tu uh hi. Noma ii thuakna hu in a liinna thim thei ngawl tu uh hi.

Hosea 7:14

Amate in thin tak taw thu ngen ngawl uh hi, tua sangin amate lei ah kisepin lawkite ngamtat bangin kapin mau uh hi. Sapittui le antang atu thu a nget ciang doaibiate bangin amate le amate kikuikeak uh hi. Bangza in hong langpan ziam!

Thiampite 10:6

Tua zawkciang Moses in Aaron le a tapate Eleazar le Ithamar tungah, “Na khuangaina na lakna in sam pot ngawl ahibuale puan balkeak in om heak vun. Tuabang na om uh le, na thi tu uh a taangpi bup tungah Topa thin uuk tu hi. Ahizong Topa ii puak mei taw a kaanghlumte hu in na Israel mipuite theampo in a khuangaina lak thei tu uh hi.

Jonah 3:6

Nineveh kumpipa in hi thu a zaak ciang, a kumpi tokhum pan dingto in, a puantual suut a, khau-ip puan silhin vuttun sungah tosuk hi.

Zechariah 7:3

thiampite le kamsaangte tungah hi bangin thu dongh tu in paisak hi, “Biakinnpi a kilalsak hu in kum tam mama sung ka vawt sa uh bangma, tu in a tha nga tha in, an tanna taw khuangai in om lai tu khu ziam?” ci hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Mi Simna 14:1

Mipite lungmang a thinkiam in zankhuateak kap in au hi.

Mi Simna 14:39

Moses in Topa thusonte Israel te tungah a son ciang, amate nasia takin khuangai uh hi.

1 Samuel 6:19

Thuciamna Thingkuang sungsang a et hu in Beth Shemesh khua mite 70 Topa in thatlum hi. Tuaciang Topa in tuabangin nasia tak thalupna a thuaksak hu in mipite khuangai in tau uh hi.