Pusuana 33:16 - Syin Chin Bible

¹⁶ Kote nong tonpui bua ahile, keima le na mite tungah na lungkimna thu akua in bangbangin hong he tu ziam? Kote nong ompuina in leitung midangte sung pan kote hong kilamdangsak tu hi,” ci in zo kik hi.

Pusuana 33:16 Iomraidhean Croise

2 Samuel 7:23

Nangma mi tatak a suak tu in na suatak Israel bang peuma leitung ah a dang minam om ngawl hi. Amate atu in na vawt a lian le a lamdang nate in na minthanna leitung buppi kizelsak hi. Egypt ngam pan nangma mi tu in na suataksak na mite maisang a nawk ciangin minam dangte le a pathian te na notkeak hi.

1 Kumpite 8:53

Koma taanghpupite Egypt pan na pusuapui lai in na naseampa Moses tungah na sonsa bangma in mihing theampo sung pan amate sia nangma mi tu in na teal hi,” ci hi.

Psalm Late 147:20

Ama in minam dangte tungah hi bangin a seam bua hi; amate in ama thukhamte a he bua uh hi. Topa pok vun!

Pusuana 34:10

Topa in Moses tungah, “Tu in Israel mite taw thuciamna khat ka vawt hi. Hi leitung minamte sungah a kivawt ngeingawl na thupite amate mai ah ka vawt tu hi. Keima, Topa ii na thupi ka vawt theinate mihing theampo in hong mu tu uh hi, banghang ziam cile note atu in nalamdang khat ka vawt tu hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Pusuana 8:22

Ahizong ka mite teenna Goshen ngam sia tho om ngawl tu in ka khe tu hi. Keima Topa in hi ngam le lei ah naseam hi ci in nong heak natu in hi bangin ka vawt tu hi.

Thiampite 20:24

Ahizong hi ngamhoi ngampha lua tu in, hong ciam zo ka hi ciang kong pia tu hi. Keima in Topa na Pathian ka hi a, minam dangte sung pan kong tuamkoi zo hi.

Thiampite 20:26

Note na thiangtho tu uh a, keima neisa bek na hi tu uh hi, banghang ziam cile keima in Topa ka hi a, ka thiangtho hi. Keima neisa bek na hi thei natu in minam dangte sung pan kong tuamkoi hi.

Mi Simna 14:14

hi ngam a teang mite tungah son tu uh hi. Topa, nangma in kote taw nong om a, kote tungah na meei a tawlngak ciang in, thiang sitset a hong kimu na thu le sun in meeikhuam taw, zan in meikhuam taw ka mai uh ah na pai na thute hi mite in za siat zo hi.

Mi Simna 23:9

Suangpi saang tung pan amate ka mu thei a; Mualtung pan amate ka en thei hi. Amate minam khat in nungta bek a; Minam dangte sangin thupha a nga zawkna thu amate in he uh hi.

Matthew 1:23

Ngaknu thiangtho khat naungil om tu a, tapa khat hing tu hi, a min Immanuel kiphuak tu hi.” (Tua in “Eite taw Pathian omkhawm hi,” a cinopna hi.)

2 Corinth te 6:17

Tuaciangin Topa in, “Amate nusia nanak in a, amate taw kikhen tavun. A thiangtho ngawlte taw kipeena bangma nei heak vun, tua hile note kong saang tu hi, ci hi.

Thuhil kikna 4:34

Topa na Pathian in Egypt ah note atu hong vawtsak bangin pathian khat pawpo in minam dangte khut sung pan la in ama mi sua ngam ngei na ziam? Ama in note mitmu in a hatna le a vaangletna hong kilanghsak a; natna le ngal thengsakin, nalamdang laknate le a lamdangte vawt a, a lauhuai nate piangsak hi.

Thuhil kikna 4:7

“Bang zata minam lian hikale Topa ih Pathian ii ih kitaangsap sim hong nai bangin minam dangte in tuabangin a hu tu pathian khat nei tuan ngawl hi. Ama in hong hu tu in ih ko simin hong zo hi.