Pusuana 33:13 - Syin Chin Bible

¹³ Tu in tuabang na hile, na tupnate hong son ta'n, tua hile nangma na seamin, kong lungkimsak tawntung tu hi. Hi minam nangma atu in na tealsa a hina thu zongh phawk in,” ci hi.

Pusuana 33:13 Iomraidhean Croise

2 Samuel 15:25

Tuasia ciang kumpipa in Zadok munah, “Thuciamna Thingkuang khuapi sungah heak pui kik ta'n. Topa in kei tungah hong lungkim ahile ni khat ni ciangin kei hong heak kiksak tu a, tuasia le a omna mun hong musak tu hi.

Psalm Late 103:7

Ama ii ngealnate Moses tungah ama in pualaak a, ama ii sepna liante Israel mite musak hi.

Psalm Late 119:33

Topa awng, na thukhamte ii khiakna hong hil ta'n, tua hile a tawntungin ka zui tu hi.

Psalm Late 25:4

Topa awng, na zia na tong hong hil ta'n a, tuate hong telsak ta'n.

Psalm Late 27:11

Topa awng, nong sepsak nop thute, hong hil ta'n, Ngal tam mama ka nei hu in, a ngammuanhuai lampi ah lam hong pui ta'n.

Psalm Late 51:13

Tuasia ciangin mimawte sia nangma thupiakte ka hil tu a, amate in nang hong zuan kik tu uh hi.

Psalm Late 86:11

Seam a nong oaite hong hil ta'n, Topa awng, thumaan takin na thu kong ni tu hi; a kicing kipiakna taw, na na ka sep natu hong hil ta'n.

Pusuana 3:10

Tu in ka mite Egypt ngam pan lam na pui thei natu in, a kumpipa kungah nangma kong puak tu hi,” ci hi.

Pusuana 3:7

Tua zawkciang Topa in, “Egypt ah ka mite bang zata vawtsiatna thuak cisia ka mu zo hi, sila ukte khut sung pan suakta nuam in a kaana aw zongh ka za zo hi. A ngim thuakna theampo ka he siat hi,

Pusuana 32:12

A mite mual tungah that in a mot nop manin, nangma in Egypt pan pusua pui hi banghang Egypt te in ci theisak tu ni ziam? Na thin uuk thaisak in; na ngaisutna kheal in a, na mite tungah tuasiatna tungsak heak in.

Pusuana 32:14

Tua ahiciang Topa in a ngaisutna khealin, a mite tungah a tawn bangin tuasiatna tungsak ngawl hi.

Pusuana 32:7

Topa in Moses tungah, “Manlang in ciasuk ta'n, banghang ziam cile Egypt pan na paipui na mite khialin kei hong nial uh hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Pusuana 5:1

Tuaciang Moses le Aaron Egypt kumpipa kungah pai in, “Topa Israel te ii Pathian in, ‘Ka mite sennealngam ah kei zatak piakna poai khat a khaam thei natu in paisak in’ hong ci hi,” ci hi.

Isaiah 30:21

Lam ziat, ahibuale lam vei ah na pial tha uh le na nungsang pan ama in, “A lampi in hisia hi. Zui in,” hong cina aw na za tu hi.

Isaiah 63:17

Banghangin na lampi panin kote lam hong pialsak ni ziam? Banghangin nang kung pan lampial tu in thinpui mama tu in hong vawt ni ziam? Na na a seam mihingte atu le nangma mihing ahi tawntungte atu in hong heak kik ta'n.

Isaiah 63:19

Nangma in kote hong ukpa ahi ngeingawl bangkeak, kote in nangma mi ahi ngeingawl bang keakin nong vawt hi.

Joel 2:17

Biaknatau le Biakinnpi tumna kilaklaw a, Topa na a seam thiampite kapin thu a nget uh kul tu hi: “Topa awng, na mite hesuak in. Minam dangte in, ‘Na Pathian koisung om ziam?’ ci in hong zawngsak hong nunausak heak in,” ci tu uh hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

Romete 11:28

Jew te in Lungdamna Thupha a nial uh hu in no Gentile te phattuam natu in Pathian ngalte suak uh hi. Ahihang Pathian tealna hangin a pute a pate hu in amate in, Pathian ii lawmte ahi uh hi.

Ephesus te 1:17

ih Topa Jesus Christ ii Pathian, a vaanglian Pa tungah nang hong ciimsak a ama na heak natu le Pathian hong lak tu Thaa hong piak natu in, ka ngen hi.

Thuhil kikna 9:26

Tuaciang keima in, ‘Vaanglianpipa Topa awng, na thahatna le na vaangletna taw Egypt pan pusua in, na suatak sa na mite mon heak in.

Thuhil kikna 9:29

Bangbang po ahitazong, hi mihingte sia nangma atu na tealsa te hi a, na vaangletna le na thahatna taw Egypt pan na pusuapui mihingte ahi hi,’ ci in thu ka ngen hi.

Colossae te 1:10

Tuaciang Topa deina bangin na nungta thei tu uh a, ama ii diksak bangin na vawt tawntung tu uh hi. Na nuntakna in nasep pha theampo piangsak tu a, Pathian heakna sungah na khangto tu uh hi.

2 Peter 3:18

Ahihang ih Topa le Hunpa Jesus Christ heakna le thuthiamna sungah na khangto suak vun. Ama tungah minthanna, tu le a tawntungin om tahen! Amen.