Pusuana 33:12 - Syin Chin Bible

¹² Moses in Topa tungah, “Tua ngam ah hi mihingte lampui tu in nong sawlna thu thumaan ahi hi, ahizong kei taw a paikhawm tu sia nong son bua hi. Nangma in kei, nong telthiang a, dik kong sa hi nong ci zo hi.

Pusuana 33:12 Iomraidhean Croise

Pianciilna 18:19

A tapate le a suan a paalte tungah ka thu ni a, thumaan thutang a vawt natu, thu a piak natu in ama ka teal zo hi. Tuabang a vawt uh le ka kamciamsa bangin ama ta tu ka hisak siat tu hi,” ama le ama kici hi.

2 Samuel 15:25

Tuasia ciang kumpipa in Zadok munah, “Thuciamna Thingkuang khuapi sungah heak pui kik ta'n. Topa in kei tungah hong lungkim ahile ni khat ni ciangin kei hong heak kiksak tu a, tuasia le a omna mun hong musak tu hi.

Psalm Late 1:6

Thutangte Topa in lamlakin dal a, ahizong a ngilote sia amate lalcip natu munah a pai uh hi.

Pusuana 3:10

Tu in ka mite Egypt ngam pan lam na pui thei natu in, a kumpipa kungah nangma kong puak tu hi,” ci hi.

Pusuana 3:4

Moses ii a nai a neak vaial Topa in a mu ciang Topa in sawlpaang sung pan, “Moses! Moses!” ci in sam hi. Ama in, “Hi khi hi, keima hilai ah om khi hi,” ci in zo hi.

Pusuana 32:34

Tu in pai in kong sonna munah mihingte paipui in. Ka vantunglalang in lam hong lak tu phawkin a, ahizong a hun a cin ciang hi mihingte a mawna daan ka pia tu hi,” ci in zo hi.

Pusuana 33:1

Topa in Moses tungah, “Nangma le Egypt pan na pusuapui mite in hi mun nusia in, Abraham, Isaac, Jacob le a suan a paalte tungah piak tu a, ka kamciamna munah pai tavun.

Pusuana 33:17

Topa in Moses tungah, “Nong nget sa bangin kong seam tu hi, banghang ziam cile nang kong tel sitset a, na tungah ka lungkim hi,” ci hi.

Pusuana 33:2

Vantunglalang khat note lam hong lak tu in kong puak tu a, Canaan te, Amor te, Hit te, Periz te, Hiv te le Jebus te ka notkeak tu hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Isaiah 43:1

Israel awng, nang hong bitphua Topa in, “Lau heak in — kong ngum tu hi. Na min taw kong sam zo hi — nang sia Keima mi na hi hi.

Isaiah 45:3

A zingna munah, a thimtham munah a kiphual sumngumte nang kong pia tu hi; tuasia ciang keima in Topa ka hi hunlam le Israel ii Pathian in na minlo in nang hong sam zo hi cisia na tel tu hi.

Jeremiah 1:5

“Nuntakna kong piak ma in kong tealtuam zo a, na nu sung pan na sua ma in minamte tungah kamsaang khat tu in kong teal hi,” hong ci hi.

Haggai 2:5

Egypt ngam pan nong pusua uh lai in a tawntung note taw kong omkhawm tu hi ci in kamciam kong pia hi. Tu zonghin note taw kong omkhawm nginge lai hi, tua ahikom lau heak vun.

2 Timothy 2:19

Ahitazong Pathian ii a phaa sa, a kip tawdap sia kingawksak thei ngawl hi; tuaciang tua tungah hi kammalte ki at hi. “Topa in ama ii neisate he hi,” tuaciang “A kuama po Topa ii neisa ka hi a cite in ngamtat khialna pial tu hi.”