Pusuana 32:9 - Syin Chin Bible

⁹ Hi mihingte thinpuizia ka he hi.

Pusuana 32:9 Iomraidhean Croise

2 Kumpite 17:14

Ahihang amate in a thu ni ngawl uh hi; Topa a muang ngawl a taanghpupite uh bangma in thinpui uh hi.

2 Khangtaanghthu 30:8

Amate bangin thinpui ngawlin Topa thu ni vun. Topa note Pathian in no tungah a thin uuk nawn ngawl natu in a tawntungin a thianthosak sa Jerusalem Biakinnpi ah hong pai in ama bia vun.

Nehemiah 9:16

Ahizong koma ii taanghpupite kiphasak in thinpui a, na thupiakte zui tu nial uh hi.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Psalm Late 78:8

Amate in a langpante le thu ni ngawl, Pathian a upna uh a kho ngawl, ama tungah a thumaan top ngawl a taanghpupite bang ahi buatu uh hi.

Pusuana 33:3

Note ngampha le ngamnuam ah pai tu nu hi. Ahizong kei note taw kong pai buatu hi, banghang ziam cile mihing thinpuite na hi uh a, lampi ah kong mon tha tu hi,” ci hi.

Pusuana 33:5

Amate tungah Moses ii a son natu in Topa in, “Note sia mihing thinpuite hi nu hi. Note taw tawmveino sung ih kithawl bek zong kong mon tha tu hi. Tu in na suangmanpha kizepnate suut vun, tuaciang note tungah ka sep tu sia ka khensat tu hi,” ci in a thupiak hang hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Paunakte 29:1

Nang hong kipau hong kihil simin na thin na puisak vaial le ni khat ni ciang sukcipna na thuak tu a, na lu na phong kik zo nawn buatu hi.

Isaiah 48:4

Na thinpui uh sia thik le taau bangin sak mama tu ci sia ka he hi.

Jeremiah 13:27

Ama ii huasaak nate na vawt uh sia ama in mu zo hi. Pa khat in a innpaampa ii zi a khialpui nop bang, ahibuale siphu tal lan khat ii anu khat a zuzui bangin doai biakna mualtung ah hikale, lo sungah hikale pathian dangte na zot uh sia ama in hong mu zo hi. Jerusalem mite awng, a lal hi nu hi! Bang hun ciangin thiangtho ngei tu nu ziam?

Hosea 6:10

Israel ngam sungah a cizat huai na khat ka mu zo hi: ka mite sia amate le amate milim biakna taw kininsak uh hi.

Mi Simna 14:11

Topa in Moses tungah, “Hi mipite in bang tanvei kei hong nial lai tu ziam? Amate sungah nalamdang lakna tam mama vawt zo napi, hong muang ngawlin bang tanvei hong nial tu ziam?

Sawltakte 7:51

Stephen in, “Note bangza in thinpui nu ziam! Bangza in note thin in Pathian he ngawl ziam? Pathian kammal na zaak ngawl natu in, bangza in nangong nu ziam! Na taanghpupite bang lian hi nu hi: note zongh in Thaa Thiangtho nalh tawntung nu hi!

Thuhil kikna 10:16

Tua ahiciang tu pan kipan Topa thu ni tavun a, na thinpuisak nawn heak vun.

Thuhil kikna 31:27

Amate bang zata thinpui in bangbang hong langpan nuam cisia ka he hi. Ka nuntak sungin amate in Topa sia hi zata langpan ahile ka thi zawkciang langpan seseam tu uh hi.

Thuhil kikna 9:13

“Topa in kei tungah, ‘Hi mihingte thin puizia ka he hi.

Thuhil kikna 9:6

Note ii kilawm manin Topa in hi ngampha hong pia ahi ngawlna thu telthiang vun. Tuabang hi ngawl hi, note sia mihing thinpuite na hi uh hi.