Pusuana 32:4 - Syin Chin Bible

⁴ Aaron in tua bilbaate la in tuisak a, khui milim vawtna sungah sung in khamh khuitalno khat vawt hi. Mipite in, “Israel awng, hisia in Egypt pan hong pusuapui ih pathian ahi hi!” ci uh hi.

Pusuana 32:4 Iomraidhean Croise

1 Kumpite 12:28

Khua a ngai susut zawkciang ama in khamh khuital no nii ii lim vawtin a mite tungah, “Biakna vawt tu in Jerusalem ah na pai zawk uh ngei zo hi. Israel mite awng, hi sungah Egypt pan hong pusuasak na pathiante om hi!” ci hi.

1 Kumpite 12:32

Judah poaipi taw kibangin Jeroboam in biakna poaipi khat zongh tha liat tha, ni sawm le ni nga ni in phuan hi. Ama in Bethel biaknatau tungah a khamh khuitalno a vawtte a tu in biakpiaknate pia a, ama saksa Bethel biakna tu munte ah a seam tu in thiampite koi hi.

2 Kumpite 10:20

Tua zawkciang Jehu in thupia a, “Baal zatak piak natu biakna ni khat thangsak vun,” ci hi. Thu thansakna kivawt a,

2 Kumpite 10:29

Ahihang khamh khuital limte Bethel le Dan ah koi in Israel te in biasak a, mawna sungah a lampui kumpipa Jeroboam ii ngamtatna teng ama in zui hi.

2 Khangtaanghthu 11:15

Jeroboam in doai sepna munte ah a seam tu le doai te le khuitalno lim in a vawt milimte biakna ah naseam tu in ama aituam thiampite panmun pia hi.

2 Khangtaanghthu 13:8

Topa in David suan le paalte tungah a piak a kumpi thuneina sia tu in do tu in na vaihawm uh hi. Ngalkaphonpi tam mama le na pathian tu in Jeroboam ii hong vawtsa khamh khui milimte na nei uh hi.

Nehemiah 9:18

Amate in khuitalno bang milim khat vawtin Egypt pan a paipui pathian hi ci uh hi! Topa awng amate in bangzata nang hong selno ziam!

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 20:23

Keima nong biak banah note biak tu in ngunn le khamh pathiante vawt heak vun.

Pusuana 20:4

“Vantung ahizong, leitung ahizong leinuai tui sungah ahizong note atu in na khat pawpo ii lim vawt heak vun.

Pusuana 28:11

Suang manpha a zeamthiamte khat in hi suangte nii tungah Jacob tapa sawm le niite min atsak in a, tua suangte khamh dapphate tungah suang in.

Pusuana 28:9

Suangmanpha san nii la in, a tungah Jacob tapa sawm le niite min at in,

Pusuana 32:1

Moses mual tungah ngei hialma om in hong tuaksuk ngawl sia mipite in a mu ciang Aaron kungah kikhawmin ama tungah, “Egypt pan lam hong pui Moses hisia pa bang tat ziam ih he bua hi; tua ahikom eite lam hong pui tu in pathian khat hong vawtsak ta'n,” ci uh hi.

Pusuana 32:24

Amate ii kizepna manpha khamhte hong paipui natu in ka sawl a, a nei peuma in suutin kei hong pia uh hi. Tua a manpha kizepnate mei sungah ka vawk a, khuitalno milim suak hi,” ci in zo hi.

Pusuana 32:3

Tuaciang mi theampo in a khamh bilbaate suutin Aaron kungah paipui uh hi.

Pusuana 32:35

Tua ahikom, Topa in mite tungah natna tungsak hi, banghang ziam cile amate in Aaron khamh khuitalno milim a vawtsak hang ahi hi.

Pusuana 32:5

Tua zawkciang Aaron in khamh khuital mai ah biaknatau khat vawtin, “Zing ciangin Topa patoaina in poai kikhaam tu hi,” ci in taangko hi.

Pusuana 32:7

Topa in Moses tungah, “Manlang in ciasuk ta'n, banghang ziam cile Egypt pan na paipui na mite khialin kei hong nial uh hi.

Pusuana 32:8

A zui tu in ka thupiak lampi pan pial zo hi; khamh khuital vawtin bia uh a, sangaw biakpiakna pia zo uh hi. Amate in hisia Egypt pan a pusua pui amate ii pathian hi ci uh hi.

Isaiah 30:22

Ngunn taw kizut in khamh taw a kituam, na milimte na la tu uh a, tuaciang ninteak bangin vawkkeak in, “Ka muna ah om heak vun!” ci in na ausan tu uh hi.

Isaiah 46:6

Mihingte in a dangka ipte hongin khamhte suakeak hi; khaikhin taw ngunnte tee uh hi. Amate in pathian khat vawt tu in khamh seak khat cial hi; tuaciang amate kunin tuasia bia uh hi!

Ezekiel 23:8

Egypt ngam ah ngaknu thiangtho a hina bosua a, pumpi zuak khat in a kipat sia zom suak lai hi. A ngaknutno lai pan ma in, pate in luppui a, pumpi zuak khat bangma in a zak sa ahi hi.

Hosea 10:5

Samaria khuapi ah a teang mite lau in, Bethel ah khamh khuital a bo hu in khuangai tu uh hi. Amate le milim biakna ah a seam thiampite sia tuasia thangai in kap tu uh hi. A khamhcii kizepna hoi teng a kihawkeaksak ciang amate mau tu uh hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Sawltakte 17:29

Ei sia Pathian ii tate ih hi zawk nungsang in, ama pianzia sia mihingte pilna le thiamna taw a kivawt khamh, ngunn le suang milim khat pawpo bangin ih ngaisun buatu hi.

Sawltakte 7:41

Tuasia ciangin, amate in khuital khat ii lim taw a kibang milim khat vawt a, sangaw biakpiakna nei in, amate vawttawm vangiat khat sia upat piakna in poaikhaam uh hi.

1 Corinth te 10:7

tua bek hi ngawlin, amate pawlkhat ii milim a biak bangin, ih biak ngawl natu in kidop natu hong piak ahi hi. Laithiangtho ci bangin, “Mihingte in zuneakna le numei le pa maitatna a om poai sungah kihel uh hi”.

Thuhil kikna 9:16

Topa na Pathian ii hong thupiak sia na zui ngawlna uh le leisung sumpiang khat taw khuitalno milim vawtin Topa tungah na mawna uh kong mu hi.

Thukhente 8:24

Ahizong ama in a kampau zomto a, “No tung pan na khat hong ngensak tavun. mi simin na bilbaa laak uhte kei hong pia tavun. (Midian te in sennealngam midangte bangma in bilbaa a baa uh hi.)

Thukhente 8:27

Gideon in khamh milim khat vawt a, a pianna khua Ophrah ah koi hi. Israel te theampo in Pathian nusia in tua munah milim bia tu in pai uh hi. Tuasia in Gideon le a bangkua atu in thaang khat hong suak hi.