Pusuana 32:32 - Syin Chin Bible

³² Nong hesuakna in a mawna maisak in; ahizong na maisak zo buatu le, na mite min na khumna laibu sung pan ka min hong phiat ta'n,” ci hi.

Pusuana 32:32 Iomraidhean Croise

2 Samuel 18:33

Kumpipa khuangai mama hi. Kongpi suazoai tung inndoi sungah kaato in kap hi. A pai kawkawmin, “Aw, ka tapa! Ka tapa Absalom! Absalom ka ta awng! Nang ka tapa ii thi luangin kei thi zaw leng maw! Absalom ka tapa!” ci in au hi.

Psalm Late 139:16

Ka sua ma in kei nong mu zo hi. Kei atu hong kisee sa ni le hunte a kipat ma in na laibu sungah kiciamtee siat zo hi.

Psalm Late 56:8

Bangza in ngim nga ka hi sia nong he hi; nangma in ka thituite nong tepteesak zo hi. Na laibu sungah tuate kiciamtee hi ka na ngawl ziam?

Psalm Late 69:28

Nuntakna laibu sung pan amate min sia kimel tahen; na mite a kitepteena lai sungah amate kihel heak hen.

Pusuana 32:10

Tu in, kei hong tho tu hanciam heak in. Amate tungah ka thin uuk a, ka mongsak tu hi. Tua zawkciang nangma le na suan na paalte minam lian khatin kong vawt tu hi,” ci hi.

Isaiah 4:3

Jerusalem ah a taanglai, Pathian ii a nungta lai tu a tealsa theampo sia, a thiangtho kici tu hi.

Ezekiel 13:9

A maan ngawl mukholna te le lamkhialsak tu sonkholnate a nei no kamsaangte daan kong pia tu hi. Thukhen tu in ka mite a kikhop ciang, tua munah na om buatu hi; Israel ngammite tepteena lai sungah na min uh a kihel buatu hi. Na ngam uh ah na heak kik ngei buatu uh hi. Tuasia ciangin kei sia Vaanglianpipa Topa ka hi hunlam na he tu uh hi.

Daniel 12:1

Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Amos 7:2

Ka mukholna sungah khaumawte in ngam sungah a hing theampo netum a, tuasia ciang keima in, “Vaanglianpipa Topa awng, na mite mawna maisak in! Bangbangin amate nungta zo tu ziam? Amate tawm mama a, thazawm uh hi!” ka ci hi.

Malachi 3:16

Tuasia ciang Topa a kiitate khat le khat kipaupui hi, tuaciang Topa in amate son teng ngai in za hi. Ama mai ma ah Topa a kiitate le a zaktate tepteena sia laibu khat sungah ki at hi.

Malachi 3:17

Vaanglianbelpa Topa in, “Amate ka mite hi tu hi. Ka dian ni tak ciang amate mama keima neisa hi tu hi. A pa atu a seam tapa tungah pa khat in hesuakna a nei bangin amate hesuak tu khi hi.

Mi Simna 11:15

Hi bangin nong vawt tu ahile nong ngitlona ka thuak nawn ngawl natu in hong hesuak ta'n a kei hong that heu ta'n,” ci hi.

Mi Simna 11:25

Tuaciang Topa meei sungah tuaksuk in Moses paupui hi. Ama in Moses tungah a piaksa thaa pawlkhat la in, lampui 70 te tungah pia hi. Amate tungah tua thaa a pai ciang kamsaangte bangin amate au uh a, ahizong khuangei au ngawl uh hi.

Mi Simna 14:19

Tuaciang tu in Topa awng, a kikheal ngawl a lian, na itna taw kizui in Egypt ngam pan na pusuapui a kipan a mawna na maisak bangin, hi mite mawna na maisak natu in thu kong ngen hi,” ci hi.

Luke 10:20

Ahizong thaa ngilote ii na thu uh hong nit sia, lungdam heak vun, vantung a, na min uh a kiteptee hu in, lungdam zaw tavun,” ci hi.

Luke 23:34

Jesus in “Pa awng, amate mawna maisak in! Amate in bang vawt uh ci zongh a tel bua uh hi,” ci hi. Tuaciang amate in nuangtang lotna taw ama puante hawm uh hi.

Romete 9:3

a phattuamna om tu hi thong le amate atu in Pathian haamsiatna thuak leng a, Christ taw zong kikhen law leng zong ka uk hi.

Thuhil kikna 25:19

Tua ahikom, Topa na Pathian in ngam hong pia in, na kiim ah a teang na ngalte kung pan ngalmuanna hong piak ciang Amalek te theampo thatlum siat vun, tua hile kuama in amate phawk nawn ngawl tu hi. Tuasia mangil heak vun!

Thuhil kikna 29:20

Topa in tuabang mihing khat ii mawna maisak ngawl tu hi. Tua luangin Topa thin uukna sia tua pa atu in meileng bang hi tu a, Topa in ama a lalsak mateng in hi thubu sungah a ki at tuasiatnate theampo tung tu hi.

Thuhil kikna 9:14

Hong khaam heak in. Kuama ii a phawk nawn ngawl natu in amate lalcipsak tu ka sawm hi. Tuasia ciang amate sangin a lian zaw le a thahat zaw minam khat ii pa kong suaksak tu hi,’ hong ci lai hi.

Philippi te 4:3

Tuaciang a thumaan ka naseppui noma zongh in, hi numeite na hu tu uh ka dei hi; banghang ziam cile amate sia Pathian ii nuntakna laibu sungah a om Clement le ka naseppui dangte theampo taw kop in, lungdamna thu kizel natu in keima taw nasia tak a diangte ahi uh hi.

Thupualaakna 17:8

Nganhing sia khatvei lai nungta ngei ahihang tu in nungta nawn ngawl hi; ama sia a hawng thukpui sung panin, hong pusuak to dektak zo a, a kisusia tu in pai tu hi. Leitung bitphua ma in, nuntakna laibu sungah a min uh a kikhum ngawl, leitung ah a nungta mihing theampo in, nganhing sia a et uh ciangin, lamdang sa tu uh hi. Ama sia khatvei lai in nungta ngei hi; tu in nungta nawn ngawl hi, ahihang khatvei hong kilangh kik tu hi.

Thupualaakna 21:27

Ahihang a thiangtho ngawl, a maizumhuai a ngamtate le leilot theite kuama tua khuapi sungah a tum thei buatu uh hi. Tuuno nuntakna laibu sungah a min a kikhumte bek tua khuapi sungah tum thei tu uh hi.

Thupualaakna 22:19

Tuaciang khat pawpo in hi laibu sungah kamsaanna kammalte a dok le, Pathian in ama sia hi laibu sungah a kison nuntakna thingkung nga le Khuapi Thiangtho pan a nga tu tel teng taansak tu hi.

Thupualaakna 3:5

Zawna a ngate in hi bang puankaang a silh tu hi, tuaciangin amate min sia a nungtate min khumna laibu sung pan ka phiat buatu hi. Ka Pa le a vantunglalangte mai ah amate sia keima neisa ahi hi, ci in a kilangh takin ka thangsak tu hi.