Pusuana 32:22 - Syin Chin Bible

²² Aaron in, “Kei tungah hong thin uuk heak in; hi mihingte ii siatna a vawt nop hamtang sia he ni hi.

Pusuana 32:22 Iomraidhean Croise

Pianciilna 44:18

Judah in Joseph kungah paito a, “Topa awng nong hesuakna in, na tungah hi vahial in thu hong sonsak ta'n. Kei tungah hong thin uuk heak in; Nang sia kumpipa tatak bang na hi hi.

Psalm Late 36:4

Lupna tungah a lup laitak zong ngitlo vai veu amate in ngeal uh hi; a sep pawpo a pha om ngawl a, a sia khat beak zongh nial ngeingawl hi.

Pusuana 14:11

Amate in Moses tungah, “Egypt ah thaan om ngawl ziam? Hi lai sennealngam ah a thi tu in nang hong paipui kul ziam? Egypt pan nong pusuapuina, na nasepna sa teng en in!

Pusuana 15:24

Mipite in Moses phunsan in, “Bang tui ne tu khu ziam?” ci in dongh uh hi.

Pusuana 16:20

Ahizong pawlkhat in Moses thu ngai ngawlin pawlkhat koikhol uh hi. A zing ciang tuasia thanh dimin muat nam a, amate tungah Moses thin uuk hi.

Pusuana 16:28

Tuaciang Topa in Moses tungah, “Banghun dong ka thupiakte note in hong nial lai tu nu ziam?

Pusuana 32:1

Moses mual tungah ngei hialma om in hong tuaksuk ngawl sia mipite in a mu ciang Aaron kungah kikhawmin ama tungah, “Egypt pan lam hong pui Moses hisia pa bang tat ziam ih he bua hi; tua ahikom eite lam hong pui tu in pathian khat hong vawtsak ta'n,” ci uh hi.

Pusuana 32:21

Ama in Aaron munah, “Amate in tuabang a cizathuai mawna na vawtsak natu in nang bang hong law ziam?” ci hi.

Paunakte 4:16

Mi seksolte sia a maan ngawl ngamtatna khat peuma a vawt bua uh le mutthip thei ngawl uh hi. Khat po a liamsua bua uh le amate mutthip thei ngawl uh hi.

Thuhil kikna 31:27

Amate bang zata thinpui in bangbang hong langpan nuam cisia ka he hi. Ka nuntak sungin amate in Topa sia hi zata langpan ahile ka thi zawkciang langpan seseam tu uh hi.

Thuhil kikna 9:24

No kong heak pan kipan Topa na langpan uh hi.

Thuhil kikna 9:7

“Sennealngam ah Topa na Pathian na thin uuksaknate mangil ngei heak vun. Egypt na nusiat ni a kipan, hi lai na thet uh dong ama langpanin na leedo zo uh hi.

1 Samuel 15:15

Saul in, “Ka mite in Amalek te tung pan la hi. Tuu le khui a phabel teng la in Topa na Pathian tungah sangaw biakpiakna in nei sawm uh hi, a dang teng sia maaimot siat hi,” ci in zo hi.

1 Samuel 15:21

Ahihang ka mite in tuu le khui a matte sung pan a phabel teng a thatlum bua uh hi; tuabang ahi luangin Topa na Pathian tungah sangaw biakpiakna tu in, hi sung Gilgal ah hong paipui uh hi,’ ci in zo hi.

1 Samuel 15:24

“Hi hi, maw zo khi hi,” ci in Saul in zo kik hi. “Topa thu piakna le nong hilna te ni ngawl khi hi. Ka mite ka kiitak manin amate dei bangin ngamta khi hi.