Pusuana 32:15 - Syin Chin Bible

¹⁵ Mualtung pan Moses tuaksuk a, thupiakte a mai lang le lang ah a ki at suangpheakte nii toai hi.

Pusuana 32:15 Iomraidhean Croise

Psalm Late 19:7

Topa thukham sia cialcing a; thahatna thak a pia hi. Topa thupiaknate sia muan thamman a, a kitaangsamhte atu in ciimna pia hi.

Pusuana 16:34

Topa in Moses tungah a thupiak bangin tuasia a kikepcing natu in Aaron in Thuciamna Thingkuang mai ah koi hi.

Pusuana 24:12

Topa in Moses tungah, “Keima kung mual tungah hong kaato ta'n a, hi lai ah na om sungin mihingte kihil natu in keima at sa thukham teng theampo a om suangpheak nii kong pia tu hi,” ci hi.

Pusuana 24:18

Mualtung meei sungah Moses kaato hi. Tua munah Moses sun sawmli le zan sawmli om hi.

Pusuana 31:18

Sinai Mual tungah Pathian in Moses a paupui zawkciang, Pathian ama tatak ii thupiak teng a tungah a at sa suangpheakte nii sia Moses pia hi.

Pusuana 32:16

Hi suangpheakte Pathian vawt hi a, a tungah thupiakte ama mama ii khet sa ahi hi.

Pusuana 34:29

Moses in Thupiak Sawmte toai in, Sinai Mual pan hong tuaksuk ciang Topa taw kipaupui ahikom a maitang taang hi; ahihang ama in a taan hunlam he ngawl hi.

Pusuana 40:20

Tuaciang ama in suangpheakte nii la in Thuciamna Thingkuang sungah koi hi. Ama in a zawnna thingpumte a bilvang sungah thun in, Thuciamna Thingkuang sitna khak hi.

2 Corinth te 3:3

Christ ama mama in hi laithak at in kote puak tu in hong thaak a hina thu kitel mama hi. Tua lai sia laitui taw ki at ngawlin, a nungta Pathian ii Thaa taw ki at a, suangpheak tungah ki at ngawlin, mihingte lungtang tungah ki at hi.

2 Corinth te 3:7

Thukham sia suangpheak tungah a kikhuak laimalte hi a, a kipiak laitakin, Pathian ii vaangletna kilangh hi. Moses ii maitang tungah a taang sia mial vaial ahihang nasia takin taang ahikom, tua laitak Israel mite in a maitang a salh zo bua uh hi. Thina hong puak Thukham in, ama hun sung tua za in vaangletna taw hong pai ahile,

Thuhil kikna 5:22

“Hite sia mual tungah na kikhop uh lai in Topa ii note theampo tungah hong piak thupiakte ahi hi. Meikuang sung pan le meeisaa te sung panin ama in a vaanglian aw taw hong paupui a, hi thupiakte hong pia in thudang hong son ngawl hi. Tuaciang ama in tua teng suangpheak nii tungah at in, kei tungah hong pia hi.

Thuhil kikna 9:15

“Tua ahiciang thuciam ki atna suangpheakte nii toai in mualtung pan ka tuaksuk hi. Mualtung panin meikuang hong pai hi.

Hebrew te 9:4

Tua ii sungah sathau namtui halna, khamh biaknatau le, khamh taw a kituam Thuciamna Thingkuang om a, a sungah manna koina khamh uum le a teeno a suak Aaron ciangkhut le thupiakte a ki atna suangpheak niite om uh hi.

Thupualaakna 5:1

Kumpi tokhum tung a to pa ziatsang khut sungah laizial khat ka mu hi; tuasia in a lang le lang dim lai ki at a, tepteena sali taw kituum hi.