Pusuana 32:14 - Syin Chin Bible

¹⁴ Tua ahiciang Topa in a ngaisutna khealin, a mite tungah a tawn bangin tuasiatna tungsak ngawl hi.

Pusuana 32:14 Iomraidhean Croise

Pianciilna 6:6

amate vawt a leitung ah a koisia khuangai hi. Ama hee mama a,

2 Samuel 24:16

Topa ii vantunglalang in Jerusalem lalcipsak tu in a kipat ciangin Topa in mihingte daan a piak huvau a thin kheal kik a, amate a that vantunglalang munah, “Tawp in! Pha zo!” ci hi. Vantunglalang sia Jebus mi Araunah ii ancilna nai theng hi.

1 Khangtaanghthu 21:15

Topa in Jerusalem susia tu in vantunglalang khat paisak a, ahihang a thin kheal kikin vantunglalang tungah, “Tawlnga in! Tu a za pha zo hi!” ci hi. Vantunglalang sia Jebus mi Araunah ii ancilna hui ah ding nginge hi.

Psalm Late 106:23

Pathian in a mite ka lalsak tu a ci ciangin ama ii teal a naseampa, Moses in Pathian mai ah dingin a thin uukna taw amate a lalsak ngawl natu in khaam hi.

Psalm Late 106:45

Amate atu in a thuciamna phawk a, ama ii itna lianpi hu in amate maisak hi.

Pusuana 33:13

Tu in tuabang na hile, na tupnate hong son ta'n, tua hile nangma na seamin, kong lungkimsak tawntung tu hi. Hi minam nangma atu in na tealsa a hina thu zongh phawk in,” ci hi.

Jeremiah 18:8

tua minam in ngitlona panin a kikheal kik a ahile vawt tu ka ci sa sia ka vawt buatu hi.

Jeremiah 26:13

Na nuntakzia le na sep uhte kheal nanak vun a, Topa na Pathian thu ni vun. Tuabangin na hi uh le, no tungah siatna thengsak tu in a sonsa sia pan Topa in a thin kheal tu hi.

Jeremiah 26:19

Hezekiah kumpipa le Judah mite in Micah thatlum ngawl uh hi. Hezekiah in Topa zatak vawtin Topa ii mai pha a nga natu in hanciam zaw lai hi. Amate tungah tuasiatna ka thengsak tu hi a ci sia Topa in a thin kheal kik hi. Tu in eima in a lauhuai tuasiatna khat eima tung ma ah ih thengsak dektak hi!” ci uh hi.

Joel 2:13

Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Amos 7:3

Topa in a thin kheal kik a, “Na mu bang piang ngawl tu hi,” ci hi.

Amos 7:6

Topa in a thin kheal kik a, “Hi sia zongh piang ngawl tu hi,” ci hi.

Jonah 3:10

Pathian in amate vawt teng mu a; a ngitlo ngamtatna nusia zo hi ci in mu hi. Tua ahikom ama in a thin khealin daan pia tu a ci bangin pia ngawl hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Mi Simna 14:20

Topa in, “Nong nget bangma in amate mawna ka maisak tu hi.

Thuhil kikna 10:10

“A masa lai bangma in mual tungah sun sawmli le zan sawmli ka om hi. Topa in khatvei ka thu hong ngai lai a, note hong mot ngawl tu thukim hi.

Thuhil kikna 32:26

Keima in amate ka mon siat tu a, tua hile kuama in amate ciamtee ngawl tu hi.

Thuhil kikna 32:36

A thahatna teng a bo a mu ciang Topa in a mite suatak tu hi. Ama in a naseamte a panpui tu a om ngawl hunlam a mu ciang, ama na a seamte hesuak tu hi.

Thukhente 2:18

Israel te tungah Topa in lampui khat a piak simin, tua lampui pa ii nuntak lai teng Topa in ama hu a, mite sia ngalte khut sung pan hung hi. Nenniamna le ngim thuakna taw a tau hu in Topa in amate hesuak hi.

1 Samuel 15:11

“Saul sia kumpipa in ka koi sia khuangai khi hi; ama in kei hong nusia a, tuaciang ka thupiakna hong ni ngawl hi,” ci hi. Samuel thin uuk a, zan khua in Topa tungah pakaai hi.