Pusuana 32:1 - Syin Chin Bible

¹ Moses mual tungah ngei hialma om in hong tuaksuk ngawl sia mipite in a mu ciang Aaron kungah kikhawmin ama tungah, “Egypt pan lam hong pui Moses hisia pa bang tat ziam ih he bua hi; tua ahikom eite lam hong pui tu in pathian khat hong vawtsak ta'n,” ci uh hi.

Pusuana 32:1 Iomraidhean Croise

Pianciilna 19:14

Tuaciang Lot va pai in a tanute ii a teenpui tu pasal, a maak tute tungah, “Manlang in hi mun pan pai vun; Topa in hi mun lalcipsak tu hi,” ci hi. Ahihang amate in ama ciammui thu son in ngaisun uh hi.

Pianciilna 21:26

Abimelech in, “Akua in hong sut ziam, ka he bua hi. Nangma nong son bua a, tu a sia ka zaak ciilna hi,” ci hi.

Pianciilna 39:8

Ama in nial a, “En in, hi sungah keima om ka hikom ka topa in inn sungah bangma thintoi ngawl hi. A neisa theampo ka et tu in hong aap siat hi.

Pianciilna 44:15

Joseph in, “Bang seam thong nu ziam? Keima dinmun ah a om mihing khat in aisaanna zanghin note hong man zo veve tu cisia he ngawl nu ziam?” ci hi.

Pianciilna 44:4

Khuapi pan tawm a pai zawkciang Joseph in ama inn uk naseampa tungah, “Manlang in tua pasalte del ta'n. Na phak ciang amate tungah, ‘Thupha sia banghang a sia taw hong thuk nu ziam?

Psalm Late 106:19

Amate in Sinai ah khamh taw khuitalno lim khat vawtin tua milim bia uh hi;

Pusuana 13:21

Amate sun ahizong, zan ahizong a khualhaw thei natu in sun hunin lam a lak tu meeikaai khuam khat taw, zan hunin khuavak a pia tu in meitaang khuam khat taw amate mai ah Topa pai hi.

Pusuana 14:11

Amate in Moses tungah, “Egypt ah thaan om ngawl ziam? Hi lai sennealngam ah a thi tu in nang hong paipui kul ziam? Egypt pan nong pusuapuina, na nasepna sa teng en in!

Pusuana 16:3

amate tungah, “Topa in Egypt ah hong that le uuk zaw ung. Tualai ah thildang a vaal lai, to in sa le an ka du za ka ne thei tu uh hi. Ahizong noma in hi lai sennealngam ah a pukthi tu in hong paipui nu hi,” ci uh hi.

Pusuana 20:23

Keima nong biak banah note biak tu in ngunn le khamh pathiante vawt heak vun.

Pusuana 24:12

Topa in Moses tungah, “Keima kung mual tungah hong kaato ta'n a, hi lai ah na om sungin mihingte kihil natu in keima at sa thukham teng theampo a om suangpheak nii kong pia tu hi,” ci hi.

Pusuana 24:18

Mualtung meei sungah Moses kaato hi. Tua munah Moses sun sawmli le zan sawmli om hi.

Pusuana 32:11

Ahizong Moses in Topa a Pathian tungah hesuak ngenin, “Topa awng, na thahatna le na vaangletna taw Egypt pan na suatak, na mite tungah banghangin na thin uuksak mama thong ni ziam?

Pusuana 32:22

Aaron in, “Kei tungah hong thin uuk heak in; hi mihingte ii siatna a vawt nop hamtang sia he ni hi.

Pusuana 32:23

Amate in kei tungah, ‘Egypt pan hong pusuapui hi mipa Moses bang tat ziam, ih he bua hi; tua ahiciang kote hong lampui tu in pathian khat hong vawtsak ta'n, hong ci uh hi.’

Pusuana 32:7

Topa in Moses tungah, “Manlang in ciasuk ta'n, banghang ziam cile Egypt pan na paipui na mite khialin kei hong nial uh hi.

Pusuana 33:3

Note ngampha le ngamnuam ah pai tu nu hi. Ahizong kei note taw kong pai buatu hi, banghang ziam cile mihing thinpuite na hi uh a, lampi ah kong mon tha tu hi,” ci hi.

Ezekiel 20:8

Ahihang amate in kei hong nalh a, ka thuson hong ngai bua uh hi. Amate in a kiihuai milimte vawk ngawl, Egypt te pathiante nusia ngawl uh hi. Tua mun Egypt ngam ah ka thin uuk tutna theampo thuaksak tu in ka kinging zo hi.

Hosea 12:13

Egypt a saltanna pan Israel mite a suatak tu le a keam tu in Topa in kamsaang khat puak hi.

Micah 6:4

Egypt ngam pan kong pusuaksak hi; saltanna pan kong suatak hi; note lam hong pui tu in Moses, Aaron le Miriam kong puak hi.

Mi Simna 14:22

hi mite khat zongh Canaan ngam tum tu in nungta ngawl tu hi cisia kong kamciam hi. Amate in ka ompuina khuavak taang velvol sia le Egypt ngam le duisung ah nalamdang lakna ka vawtte mu zo napi ka thu ni nuam ngawlin hong nial a, pehial pehial in ka thin uai na hong ze et uh hi.

Matthew 24:43

Inn neipa khat in ngutate ii hong pai hun tu he le, mu ngawlin om tu a, ngutate in inn a phuulsak buatu hi, ci in na heak uh ahi hi.

Matthew 24:48

Ahihang tua naseampa sia a ngina ngawl khat ahile, a topa sia hong cia hak lai vak, ci in ama le ama kitheam tu a,

Sawltakte 17:29

Ei sia Pathian ii tate ih hi zawk nungsang in, ama pianzia sia mihingte pilna le thiamna taw a kivawt khamh, ngunn le suang milim khat pawpo bangin ih ngaisun buatu hi.

Sawltakte 19:26

Tu in hi Paul a ci sia pa ii ngamtatna babang noma tek in mu thei a, za thei nu hi. Ama in khut taw vawttawm pathian in pathian hi peuma ngawl hi ci a, hi sung Ephesus khua le Asia ngamkhen bup phialma ah mihing tam tatak umsak zo hi.

Sawltakte 7:40

Tua ahikom Aaron munah, ‘Eite hong lampui tu in milim pathian pawlkhat hong vawtsak ta'n. Egypt ngam pan hong pusua Moses sia bang tawk hi tu ziam he bua hing,’ ci uh hi.

Thuhil kikna 31:8

Topa ama mama in nangma lam hong pui in, hong ompui tu hi. Ama in nang hong nusia ngawl tu a, hong taisan ngawl tu hi, tua ahiciang thinno heak in a, lau heak in,” ci hi.

Thuhil kikna 9:1

“Israel mite awng, ngai vun! Tuni in Jordan Ngun na kaantan tu uh a, note sangin a lian zaw le a thahat zaw minamte neisa ngam le lei na la tu uh hi. Amate ii khuapite lian in, a luphungte van ban hi.

Thuhil kikna 9:9

Topa ii note taw thuciam a vawt sia a ki atna suangpheakte a saang tu in mual tungah ka kaato hi. Tualai ah sun sawmli le zan sawmli ka om a, an le tui ka ne bua hi.

Joshua 7:13

Thoto in! Mipite thiansua in a, ka mai ah hong pai tu in kingingsak in. Zing ciang a kinging kholsa in a om natu son in, banghang ziam cile Kei, Israel ii Topa, Pathian in hi teng son tu ka nei hi: ‘Israel awng, suksiat tu a thu kong piak vanh pawlkhat la nu hi! Hi nate na suksiat uh mateng na ngalte na zo buatu uh hi.’

2 Peter 3:4

hi bangin, hong dongh tu uh hi. “Hong pai kik tu ci in kamciam hong pia ahi bua ziam? Ama koisung om ziam? Ih taanghpupite sia thi siat zo hi, ahihang simlei kibitphua lai pan bangma in, na theampo kibang lai hi!”