Pusuana 30:8 - Syin Chin Bible

⁸ Ama in nitakin mei a det ciang tuabang ma in vawt tu hi. Hi ngimnamtui biakpiakna sia hong pai tu hun theampo tatsat ngawlin a vawt tu ahi hi.

Pusuana 30:8 Iomraidhean Croise

2 Khangtaanghthu 26:18

kumpipa nalh tu in a nung pan zui uh hi. Amate in, “Uzziah awng! Topa tungah ngimnamtui hal tu sia nang sep tu hi ngawl hi. Aaron suan thiampite bek sia hi na seam tu in ki aaptuam hi. Hi mun thiangtho nusia in. Topa Pathian tungah khial zo na hikom ama thupha na saang nawn bua hi,” ci uh hi.

Psalm Late 141:2

Kong thungetna a namtui biakpiakna in hong saang ta'n a, ka khutte kong lapto sia nitak sangaw biakpiakna khat bangin hong saang ta'n.

Pusuana 12:6

Tuaciang tua tha ni sawm le ni li nitak ciang Israel mi bup in tua ngante ngo tu uh hi.

Pusuana 25:37

A mai sang a taan thei natu in tua meivak khuam tungah meivak sali de in.

Pusuana 27:21

Kong ompuina Puanbuk sung, Thuciamna Thingkuang mai, puankhai pua sangah Aaron le a tapate in meiinn koi tu uh hi. Tua mun keima omna ah nitak pan zingsang dong mei de tu uh hi. Hi thupiak sia Israel te le a suan a paalte in a tawntung a zui tu uh ahi hi.

Pusuana 30:7

Aaron in zing simin meivakte kinging tu hong pai ciang biaknatau tungah ngimnamtui hal tu hi.

Pusuana 30:9

Hi biaknatau tungah a kikhaam ngimnamtui biakpiakna, nganhing biakpiakna ahibuale, antang taw biakpiakna bangma pia heak vun, Sapittui biakpiakna zongh buak heak vun.

Romete 8:34

Tua ahile amate akua in maw pusak thei tu ziam? Thina thuak a, a kinungtasak kik pa, Pathianziatsang ah to a, Pathian tungah ei atu in hong ngetsakpa Christ Jesus in hong mawsak ngawl tu hi.

1 Thessalonica te 5:17

hun theampo sungah thu ngen tawntung vun,

Hebrew te 7:25

Tua ahikom ama in, tu le a tawntungin, ama tungtawn a, Pathian kung a zuante sia hun thei hi, banghang ziam cile ama in amate atu Pathian munah thu ngetsak tu in, a nungta tawntung hi.

Hebrew te 9:24

Banghang ziam cile, Christ in a tatak sia ii lim ahi mihingte vawt Thiangtho Mun sungah a tum bua hi. Ama in vantung tatak ma ah tumin Pathian mai ah eite luangin, tu in a na kilak tawntung hi.

1 Samuel 2:28

Israel minam theampo ii sung pan keima thiampi tu, biaknatau ah a seam tu, ngimnamtui hal tu, ephod silh a, keima thu hong dongh tu in amate innkuan ka teal hi. Tuaciangin biaknatau tungah a kihal sangaw biakpiakna te tel khat sia amate tan thei natu thu ka pia hi.