Pusuana 30:13 - Syin Chin Bible

¹³ Mihing simna ah a kihel peuma in, a kizangh ngei khaikhin taw tee in a kinget za sum pia tu hi. A kuama po in tua sumte kei tungah biakpiakna in hong pia tu hi.

Pusuana 30:13 Iomraidhean Croise

Pianciilna 23:15

“Syapa awng, tua leitang in ngunntang zali bek manh a — nang le kei kilaklaw ah son thamman na ziam? Tua munah na zi phum ta'n,” ci in zo hi.

2 Kumpite 12:4

Joash in thiampite sam a, Biakinnpi sungah sangaw biakpiakna tungtaang sum a kipiate, hun maan a sangaw biakpiakna tung pan sumte ahizong amate tungah a thin zawna taw piakte ahizong, tua sumte a top natu in thupia hi.

2 Kumpite 12:5

Thiampi sim in ama ii sepsak mite tung pan a nga uh sumte vaipuak in a laak natu le a kisamh bangin Biakinnpi puua natu a kizak natu in thupia hi.

Pusuana 30:14

Kum kul pan a tungsia a pha peuma mihing simna ah a kihel theampo in kei tungah tua sum hong pia tu hi.

Pusuana 38:24

A thiangtho puanbuk atu Topa tungah a ki aap khamh teng a kizangh ngei khaikhin taw a kitee ciang kilogramme tul khat ngit hi.

Pusuana 38:26

Hite sia mihing kisim lai in mi sim ii 22 a piak teng kingawm in biakinn khaikhin taw a kitee ahi hi. Kum kul pan a tungsia teng a kisim ciang a vekpi mi 603,550 pha hi.

Ezekiel 45:12

“A ngit teenate a nuai a bang hi tu hi: 20 gerahs=1 shekel 60 shekels=1 mina

Thiampite 27:25

Biakinn zak ngei khaikhin taw kizui in na man theampo a man kitan tu hi.

Thiampite 27:3

Tua sumte Biakinn zak ngei khaikhin taw kitee hi: — pasal khanthin kum kul pan kum sawmluk dong: ngunntang 50 — numei khanthin: ngunntang 30 — pa a khangmoi, kum nga pan kum kul dong: ngunntang 20 — numei a khangmoi: ngunntang 10 — patangno kum nga nuaisia : ngunntang 5 — numeino: ngunntang 3 — Pasal kum sawmluk tungsia: ngunntang 15 — Nupi kum sawmluk tungsia: ngunntang 10

Thiampite 5:15

Mihing khat pawpo in tup khol ngawlin Topa tungah biakna taw kisai a thiangtho nate pia ngawlin a khial le ama in khialphel biakpiakna in a mealhem ngawl tuutal ahibuale kealtal khat Topa tungah pia tu hi. A man sia a khensat ngeina om bang kikhensat tu hi.

Mi Simna 18:16

Patangte tha khat a phak ciang, biakinn zakngei khaikhin taw kizui in ngunn dangkatang nga linlian taw kitan kik tu hi.

Mi Simna 3:47

Biakbuk ah a kizangh ngeina om bangin tapa khat ciang ngunntang nga pia in a,

Matthew 17:24

Capernaum khua ah Jesus le a nungzuite hong thet uh ciangin, Biakinn atu shiadongte hong pai a, Peter munah, “Na syapa in Biakinn atu shia a pia ziam?” ci in dongh hi.

Matthew 21:12

Biakinn sungah Jesus tumin vanh lei vanh zuak theampo notkeak hi. Sum theakte ii sabuai le vakhu zuakte ii tokhumte sawnthalsak hi,

Matthew 27:24

Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.