Pusuana 30:10 - Syin Chin Bible

¹⁰ Mawphelna in a kipia nganhing chi, tua biaknatau dok lite tung a noina taw Aaron in kum khatin khatvei a zeksa biaknatau thiansuana vawt tu hi. Hi biakpiakna sia hong pai tu hun theampo kum simin kivawt tu hi. Keima Topa tungah hong ki aap hi biaknatau sia thiangtho sitset tu hi,” ci hi.

Pusuana 30:10 Iomraidhean Croise

1 Kumpite 1:50

Adonijah in Solomon kiita mama ahikom Topa ii ompuina puanbuk sungah pai a, biaknatau kiil lenin om hi.

1 Khangtaanghthu 6:49

Aaron le a suan a paalte in ngimnamtui biakpiaknate pia in biaknatau tungah a kihal sangaw biakpiaknate pia uh hi. Thiangthobel Mun ah biakna theampo atu le Pathian ii Israel te mawna khialna a maisak natu in sangaw biakpiaknate atu sia amate nasep hi. Amate in hi nasep teng sia Pathian naseampa Moses ii thupiak nate bangin seam uh hi.

Pusuana 30:11

Topa in Moses tungah,

Pusuana 30:9

Hi biaknatau tungah a kikhaam ngimnamtui biakpiakna, nganhing biakpiakna ahibuale, antang taw biakpiakna bangma pia heak vun, Sapittui biakpiakna zongh buak heak vun.

Thiampite 16:16

Tuabangin Israel mite ii thiantho ngawlna le mawna theampo ii nitsakna panin Thiang Bel Mun sia a zeksa thiansuana vawt tu hi. Biakna taw kisai in a thiang ngawl ngiaphual laizang ah tua Puanbuk om ahikom Aaron in Puanbuk sia tuabangin a thiansua kul tu hi.

Thiampite 16:18

meihal biakpiakna pia tu le biaknatau thiansua tu in biaknatau ah ama pai tu hi. Ama in khuital chi tawm le keal chi tawm la in biaknatau king a dokna teng noai tu hi.

Thiampite 16:2

Ama in, “Thiangtho Bel Mun sung puankhai ii nungah a hun lian ciang a tum natu in na suapuipa Aaron son in, banghang ziam cile tua mun sia Thuciamna Thingkuang sitna tung meei sungah ka kilaakna mun ahi hi. Tua thu a ni buale ama kithatlum tu hi.

Thiampite 4:18

Ama in Puanbuk sung ngimnamtui biaknatau king, a dokna tengah chi tawm noai tu a, a taanglai teng Puanbuk kongbiang ah a om, meihal biakpiakna in a kizangh biaknatau bul ah sung tu hi.

Thiampite 4:7

Tuaciang ama in chi pawlkhat, Puanbuk sung ngimnamtui biaknatau kingte ii a dokna teng noai tu hi, a taanglai chi teng Puanbuk kongbiang ah a om, meihal biakpiakna in a kizangh biaknatau bul ah sung tu hi.

Hebrew te 1:3

Ama in Pathian' minthanna ii vaangtaang hong lengsak a, ama sia Pathian ii hina zia bang tatak ma hi in, vaannuai bup ama ii a vaang nei a kammal taw khosak hi. Mihingte ii mawnate atu in mawmaitsakna a nga sak zawkciangin Vaanglianpipa Pathian ii ziatsang vantung ah to hi.

Hebrew te 9:25

Jew te Thiampi Lianbelpa in Thiangthobel Mun ah kum simin nganno chi taw tum hi. Ahihang Christ in ama le ama a kipia kikik bua hi,

Hebrew te 9:7

ahihang a sungnung doituam sungah, Thiampi Lianbelpa bek kum khatin khatvei tum hi. Ama ii mawna le a mihingte ii a phaw thaak ngawl mawnate atu in, chisan la in, Pathian bia hi.

Thupualaakna 9:13

Vantunglalang a lukna sia in, lemle tum hi. Pathian mai ah khamh biaknatau sia ii king li panin, aw khat hong nging ka za hi.