Pusuana 30:1 - Syin Chin Bible

¹ “Paaknamtui hal natu in biaknatau khat acacia thing taw vawt in.

Pusuana 30:1 Iomraidhean Croise

1 Kumpite 6:20

Hi inn sungsang inndoi sia metre 9 sau a, metre 9 zai in, metre 9 saang hi, a buppi in khamh ciitak taw kituam hi. Biaknatau sia cedar thingpheakte taw kituam hi.

1 Kumpite 6:22

Biakinnpi sungsang buppi khamh taw kituam a, Thiangthobel Mun aa biaknatau sia zongh khamh taw kituam hi.

1 Kumpite 7:48

Solomon in Biakinnpi atu khamh vanhzakte zongh vawtsak hi: biaknatau, Pathian tung anluum piakna sabuai,

1 Khangtaanghthu 28:18

tuaciang ngimnamtui halna biaknatau le Topa Thuciamna Thingkuang tungah a thate phalin a om Cherubim tona leang vawt natu in khamh ciitak bangza kizangh tu cisia thupia hi.

1 Khangtaanghthu 6:49

Aaron le a suan a paalte in ngimnamtui biakpiaknate pia in biaknatau tungah a kihal sangaw biakpiaknate pia uh hi. Thiangthobel Mun ah biakna theampo atu le Pathian ii Israel te mawna khialna a maisak natu in sangaw biakpiaknate atu sia amate nasep hi. Amate in hi nasep teng sia Pathian naseampa Moses ii thupiak nate bangin seam uh hi.

2 Khangtaanghthu 26:16

Ahihang Uzziah kumpipa a tha a hat ciang a kisakthei vaial na in ama puksak hi. Ama in ngimnamtui halna biaknatau tungah ngimnamtui hal tu in Biakinnpi sungah a tumna taw Topa a Pathian melsia hi.

Pusuana 30:10

Mawphelna in a kipia nganhing chi, tua biaknatau dok lite tung a noina taw Aaron in kum khatin khatvei a zeksa biaknatau thiansuana vawt tu hi. Hi biakpiakna sia hong pai tu hun theampo kum simin kivawt tu hi. Keima Topa tungah hong ki aap hi biaknatau sia thiangtho sitset tu hi,” ci hi.

Pusuana 30:2

A sau centimetre 45, a zai centimetre 45, le a saang centimetre 90 hi tu a, a pangh kikim in kiing li nei tu hi. A kiing li in a dokte biaknatau taw sakhat hi tu hi.

Pusuana 31:8

sabuai le a vanhte, khamh ciitak taw kivawt meikhuam le a vanh theampo, ngimnamtui hal natu biaknatau,

Pusuana 35:15

ngimnamtui halna tu biaknatau le a puakna thingpumte; noi sathau; ngimnamtui; Puanbuk kongbiang puankhai;

Pusuana 39:38

khamh biaknatau; noi sathau; ngimnamtui; Puanbuk kongbiang puankhai;

Pusuana 40:5

Thuciamna Thingkuang mai ah ngimnamtui hal natu in khamh biaknatau koi in a, Puanbuk kongbiang ah puankhai khai in.

Ezekiel 41:22

thing biaknatau taw kibang na khat om hi. Tuasia sia metre 1.5 saang a, metre 1 zai hi. A king khuamte, a bul le a pangh theampo thing taw kivawt hi. Tua pa in kei tungah, “Hi sabuai sia Topa ompuina ah a ding sia ahi hi.” hong ci hi.

Thiampite 4:18

Ama in Puanbuk sung ngimnamtui biaknatau king, a dokna tengah chi tawm noai tu a, a taanglai teng Puanbuk kongbiang ah a om, meihal biakpiakna in a kizangh biaknatau bul ah sung tu hi.

Thiampite 4:7

Tuaciang ama in chi pawlkhat, Puanbuk sung ngimnamtui biaknatau kingte ii a dokna teng noai tu hi, a taanglai chi teng Puanbuk kongbiang ah a om, meihal biakpiakna in a kizangh biaknatau bul ah sung tu hi.

Mi Simna 3:31

Amate in Thuciamna Thingkuang, Sabuai, meidetna khuam, biaknataute, Mun Thiangtho ah thiampite ii zak vanhte le Thiangthobel Mun sung tumna ah puankhai vaipuak la tu uh hi. Amate in hi nate taw a kipee-aw nasep theampo vaipuak la tu uh hi.

Mi Simna 4:11

Tua zawkciang amate in vancii puan khat taw khamh biaknatau siin tu a tua tungah savun pha khat koi in, tuaciang zawn natu thingpumte thun tu uh hi.

Hebrew te 9:4

Tua ii sungah sathau namtui halna, khamh biaknatau le, khamh taw a kituam Thuciamna Thingkuang om a, a sungah manna koina khamh uum le a teeno a suak Aaron ciangkhut le thupiakte a ki atna suangpheak niite om uh hi.

Thupualaakna 8:3

Vantunglalang dangkhat khamh taw kivawt ngimnamtui halna, a neipa, hong pai in biaknatau mai ah ding hi. Pathian ii mihingte thungetna a belapsak natu in, ama sia ngimnamtui tam mama kipia a, kumpi tokhum mai a, a om khamh biaknatau tungah piak tu ahi hi.