Pusuana 3:8 - Syin Chin Bible

⁸ tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Pusuana 3:8 Iomraidhean Croise

Pianciilna 11:5

Tuasia ciang tua mite ii a vawt khuapi le tausaang a en tu in Topa hong paisuk a,

Pianciilna 11:7

Eite paisuk in khat le khat a kam kitel ngawl natu in a kampau toknoaisak tawng,” ci hi.

Pianciilna 15:13

Topa in ama tungah, “Na suan na paalte ngamdang ah khualmi suak tu hi; amate sia tua munah kum zali sung sila kaai in kivawtsia tu hi.

Pianciilna 15:14

Ahizong amate sila in a khoai minam sia daan ka pia tu a, tua ngamdang a nusiat ciang nei le lam tam mama hong ciapui tu uh hi.

Pianciilna 18:21

A kimawsiatna ka zaak teng maan ziam maan ngawl ziam kantel tu in ka paisuk kul tu hi,” ci hi.

Pianciilna 43:11

A pa in amate tungah, “Tuabang hi tu ahile ngamsung pan a piang a phabel te: thingnaai tawm, khuaitui tawm, hel namtui tawm, pistachio nga le almond ngate tun in ngamukpa tungah piak tu in keng tavun.

Pianciilna 46:4

Egypt ah nangma taw kong paikhawm tu a, na suan na paalte hi ngam le lei ah kong ciapui kik tu hi. Na thi ciang Joseph sia nangma taw om tu hi,” ci hi.

Pianciilna 50:24

Ama in a suapuite tungah, “Kei a thi nai tu ka hi hi, ahizong Pathian in note hong keam tatak tu a, hi ngam pan, Abraham, Isaac le Jacob te tungah a ciliap huai takin a kamciamna ngam ah hong paipui nanak tu hi,” ci hi.

1 Khangtaanghthu 1:15

Hiv te, Ark te, Sin te,

Nehemiah 9:8

Na tungah hong thumaanna na mu a, ama taw thuciamna khat na vawt hi. Nangma in Canaan te ngam, Hit te le Amor te ngam, Periz te, Jebus te, Girgash te ngam teng a suan a paalte teenna ngam tu in ama piak tu in kamciam na pia hi. Nangma thumaan na hikom na kamciam na len hi.

Psalm Late 12:5

“Ahihang tu in hong pai tu khi hi,” Topa in ci hi, “Banghang ziam cile a cimawte kizothaw a, vawtsiatna a thuakte in na a sakna taw tau uh hi. Amate ii dei ngammuanna ka pia tu hi.”

Psalm Late 12:6

Topa kamciamte in muanhuai hi; tuate in pummei sungah salivei a kithiangsak ngunn tatakte taw kibang hi.

Psalm Late 34:8

Topa sia bangza in pha ziam ci sia noma le noma in zong tavun. Ama sungah ngammuanna a ngate in mihing lungdamte ahi uh hi.

Psalm Late 91:15

Kei hong biapui ciangin amate ka zo tu hi; ngim a nga ciangin amate taw ka omkhawm tu hi. Amate ka suatak tu a, ka upat tu hi.

Pusuana 12:41

Kum 430 a bo ni in Topa mite ii minam theampo in Egypt nusia uh hi.

Pusuana 12:51

Tua ni in, Topa in Israel minamte Egypt pan pusuapui hi.

Pusuana 13:5

Topa in na taanghpupite tungah Canaan mite, Hit mite, Amor mite, Hiv mite, le Jebus mite teenna ngam piak tu in ciliap huai takin hong kamciam hi. Tua ngam leihoi leiphana ngam ah hong paipui ciang kum sim tha masabel sungin hi poai vawt nanak tu nu hi.

Pusuana 3:17

Nasia tak vawtsiat a thuakna Egypt pan amate ka pusua pui tu a, leihoi leiphana mun — Canaan mite, Hit mite, Amor mite, Periz mite, Hiv mi te le Jebus mite teenna ngam ah amate paipui tu in ka khensat zo hi.

Pusuana 34:11

Tuni in kong piak thukhamte zui vun. Note maisang na manaw uh ciangin Amor te, Canaan te, Hit te, Periz te, Hiv te le Jebus te ka notkeak tu hi.

Pusuana 5:23

Nangma atu thu son tu in kumpipa kung ka pai pan kipan amate vawtsia hi. Tua hi a, nangma in amate hu natu bangma na seam bua hi!” ci hi.

Isaiah 36:17

sapittui nei natu in sapitkung om a, anluum vawt natu in an omna, na ngam uh taw a kibang ngam khat ah kumpilianpa ii hong om kik sak mateng tuabangin na om tu uh hi.

Isaiah 64:1

Banghangin vantung hongkeak in hong tuaksuk ngawl ni ziam? Mualte sia nang hong mu a, hong kiita in liing tu uh hi.

Jeremiah 11:5

Tuabangin ahi uh le tu a amate ii neisa ngamhoi ngampha sia kong pia tu hi ci a, a taanghpupite tungah ka piak kamciam sia keima in ka taangtungsak tu hi,” hong ci hi. Keima in, “Hi hi, Topa awng,” ka ci hi.

Jeremiah 2:7

Keima in amate thaw an laaknate le a dang a phate a nga natu in leiphana mun ka thetpui hi. Tua hi napi amate in ka ngam siasak zaw a; amate ka piaksa ngam ninsak uh hi.

Jeremiah 32:22

A taanghpupite tungah na kamciamsa bangma in, hi a hau ngam le leipha ngam sia amate na pia hi.

Ezekiel 20:6

Tuasia lai in amate Egypt ngam pan pusuapui in leitang teng po pan a phabel, leihoi lei phana ngam, amate atu ka tealsak sa ngam ah paipui tu ka kamciam hi.

Thiampite 20:24

Ahizong hi ngamhoi ngampha lua tu in, hong ciam zo ka hi ciang kong pia tu hi. Keima in Topa na Pathian ka hi a, minam dangte sung pan kong tuamkoi zo hi.

Amos 2:10

Egypt ngam pan kong pusuaksak a, sennealngam kaantanin kum sawmli sung lam kong pui a, noma atu in Amor te ngam kong pia hi.

Mi Simna 13:18

A ngam sia bangbang ngam hi a mihing bangza teang a, bangza thahat ziam cite hong tel tavun.

Mi Simna 13:19

A ngam pha ziam sia ziam, mite a dongdai khuate sungah teangzau ziam, a muanhuai a ki uum khuapite sungah teang ziam cite hong kantel tavun.

Mi Simna 13:27

Amate in Moses tungah, “Kote in ngam ka vil uh a, a hauna le a lei phatnate ka mu uh hi; a thingnga pawlkhat zongh hilai ah kong ciapui uh hi.

John 3:13

Tuaciangin vantung pan a hong paisuk Mihing Tapa simngawl kuama vantung ah kaato ngeingawl hi,” ci in zo hi.

John 6:38

banghang ziam cile keima aituam deina a seam tu in vantung pan hong pai ka hi bua a, hong sawlpa deina a seam tu in, hong pai ka hi hi.

Thuhil kikna 1:25

Amate in tualai ah a mu thingnga pawlkhat hong ciapui kik a Topa ih Pathian hong piak ngam sia lei pha mama hi, hong ci uh hi.

Thuhil kikna 1:7

Ngiabuk phelin kikhiin vun. Amor mualtung ngam le a kiimkot ngamkuamte theampo — Jordan Kuam, mualtung ngam le a lei niamnate, thangsang ngamkuam le Mediterranean tuipi vaal dongin pai tavun. Canaan ngam le Lebanon Mualte langkhat kalh in Euphrates Ngun lian dong pai tavun.

Thuhil kikna 27:3

tuate tungah hi thukhamte le hilnate theampo at vun. Na taanghpupite ii Pathian, Topa ii hong kamciamna ahi ngamnuam le ngampha sungah na tum uh ciang,

Thuhil kikna 28:11

“Topa in no tungah hong piak tu in na taanghpupite tungah a kamciamsa ngam sungah ta tam mama, nganno tam mama, le an tam mama hong pia tu hi.

Thuhil kikna 6:3

Israel mihingte awng, tuate ngai in zui vun! Tuasia ciang na ma uh vang tu a, ih taanghpupite Topa Pathian ii hong kamciamsa bangin a thahat minam lian na suak tu uh a, tua ngamnuam le lei phana munah na teang tu uh hi.

Thuhil kikna 7:1

“Topa na Pathian in na laak tu uh ngam ah hong paipui tu a, ama in tua ngam pan minam tam mama notkeak tu hi. Mainawt in na pai uh kawmin ama in note sang a lianzaw le a thahat zaw minam salite ahi: Hit te, Girgash te, Amor te, Canaan te, Periz te, Hiv te le Jebus te notkeak tu hi.

Joshua 9:1

Israel te ngalzawnate Jordan nitumna sang kumpi theampo — mualte, mualpeangte le Mediterranean Tuipi vaal zaangtam theampo saksang Lebanon dong kihe hi; hite sia Hit, Amor, Canaan, Periz, Hiv le Jebus kumpipa te uk sung ngamte ahi uh hi.

Joshua 9:7

Ahihang Israel te in, “A banghang peuma no taw kilemna kamciam kho khat vawt tu khu ziam? Note sia a nai no na ah a teangte po hi tha thei tu nu hi,” ci uh hi.