Pusuana 3:7 - Syin Chin Bible

⁷ Tua zawkciang Topa in, “Egypt ah ka mite bang zata vawtsiatna thuak cisia ka mu zo hi, sila ukte khut sung pan suakta nuam in a kaana aw zongh ka za zo hi. A ngim thuakna theampo ka he siat hi,

Pusuana 3:7 Iomraidhean Croise

Pianciilna 16:11

Tapa khat na nei tu a, a min Ishmael na phuak tu hi, banghang ziam cile thinngim in na kaana Topa in za zo hi.

Pianciilna 18:21

A kimawsiatna ka zaak teng maan ziam maan ngawl ziam kantel tu in ka paisuk kul tu hi,” ci hi.

Pianciilna 21:17

Pathian in patang kaana aw za hi. Pathian vantunglalang in vantung pan Hagar paupui a, “Hagar awng, bang in nang hong thinngimsak ziam? Lau heak in! Pathian in patang kaana aw za zo hi.

Pianciilna 29:32

Leah ngai in tapa khat nei hi. Ama in, “Ka thinngimna Topa in hong mu a, tu in ka pasal in hong it tu hi,” ci a, tua ahiciang a min Reuben phuak hi.

Pianciilna 31:12

Tuaciang ama in, ‘En in’ kealpuite a ompui kealtalte sia a ngial, a pawl vive hi. Hi bang a piang tu in, keima vawt hi, banghang ziam cile nang tungah Laban ii hong vawtna teng ka mu zo hi.

Pianciilna 31:42

Ka pate ii Pathian, Abraham le Isaac ii Pathian in kei taw omkhawm buathong le khut hawm nguakin nong hawlkhia zo tu hi. Ahizong Pathian in ka thinngimna le ka nasepna te mu zo a, tu zanin nang tungah thukhenna hong pia hi.”

2 Samuel 22:28

A kiniamkhiakte na ngum a, ahizong a kiphasakte na kiniamkhiaksak hi.

2 Kumpite 13:4

Tua zawkciang Jehoahaz in Topa tungah thungen a, tuaciang Topa in Syria te ii kumpipa in Israel mite nasia takin a kinengcip a mu ciang a thungetna zo hi.

2 Kumpite 20:5

Topa in mite a ukpa Hezekiah kungah Isaiah pai kik in sawl a, ama munah, “Kei, Topa, na taanghpupi David ii Pathian in na thungetna kong za zo a, na thitui luan ka mu zo hi. Nang hong damsak tu khi hi, tuaciang tu zo ni thum ciangin Biakinnpi ah pai tu ni hi.

Nehemiah 9:9

“Egypt ah koma ii taanghpupite ii thuakna na mu a; San Tuipi ah hu hong ngetna na za hi.

Psalm Late 106:44

Ahizong amate ii au in a biapui ciang Topa in za a, amate ii dongtawnate phawsak hi.

Psalm Late 12:6

Topa kamciamte in muanhuai hi; tuate in pummei sungah salivei a kithiangsak ngunn tatakte taw kibang hi.

Psalm Late 142:3

A cimaw hi zo ing ci tu in ka kithoai ciang, ama in ka ngamtat natu he hi. Ka lampi totna ah ka ngalte in kei thaang hong sia ku zo hi.

Psalm Late 145:19

Ama a zaktate ii kitaangsapnate ama in sik hi; amate auna za in hun hi.

Psalm Late 22:24

Ama in a zawngte ngaingon in ahibuale amate thuaknate awlmawk ngawlin a om bua hi; amate a nungngat bua a, hu ngenin a biapui uh ciang ama in zo hi.

Psalm Late 34:4

Topa tungah thu ka ngen a, ama in hong zo hi; ama in ka launa theampo panin hong suaktasak hi.

Psalm Late 34:6

A cimawte in ama biakpui a, tuaciang ama in zo hi; amate ngimna theampo panin ama in hun hi.

Psalm Late 35:22

Ahihang, Topa awng, nangma in hite sia na mu sa ahi hi. Tua ahikom om thim heak in, Topa; a khuala na ah hong kiheam heak in!

Psalm Late 9:14

tua hi le Jerusalem mihingte mai ah ding thei a, nangma kong pokna thute theampo ka son thei tu hi. Nangma in kei nong hut manin ka lungdam tu hi.

Pusuana 1:11

Tua ahikom, Egypt te in a thinno thei natu in nasep ham seamsak a, amate tungah sila ukte koi hi. Kumpipa an khol natu in Israel te in Pithom le Rameses khuapite saat uh hi.

Pusuana 1:8

Tua zawkciang Joseph ii thu a he ngeingawl kumpi thak khat Egypt ngam ah hong khang hi.

Pusuana 22:23

Na vawtsia uh le Keima Topa in amate ih hu hong ngetna aw ka zaak ciang ka zo tu a,

Pusuana 33:13

Tu in tuabang na hile, na tupnate hong son ta'n, tua hile nangma na seamin, kong lungkimsak tawntung tu hi. Hi minam nangma atu in na tealsa a hina thu zongh phawk in,” ci hi.

Pusuana 5:10

Sal ukte le Israel naseam ukte pai in Israel te tungah, “Kumpipa in taangphaw ka pia nawn buatu hi.

Pusuana 5:6

Tua ni ma in kumpipa in sal a uk Egypt te tung le Israel naseam ukte tungah thupia a:

Isaiah 63:9

a thuakna theampo panin, ngum hi. Amate a ngum sia vantunglalang khat hi ngawl a, Topa ama mama ahi hi. A itna le a hesuakna taw amate suatak hi. Ama in a bosa hun sungah amate keamcing tawntung hi,

Mi Simna 20:16

Topa tungah hu ngenin ka kiko uh hi. Ama in kote ngetna aw za a, vantunglalang khat hong puak in Egypt pan hong pusua pui hi. Tu in, na ngamngi Kadesh khua ah ka om uh hi.

Sawltakte 7:34

Ka minamte Egypt ngam ah vawtsiat a thuakna teng ka mu zo hi. Amate tauna ka za a, amate suatak tu in kong paisuk zo hi. Tu in hong pai ta'n; Egypt ngam ah hong paisak tu khi hi,’ ci hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.

1 Samuel 9:16

“Zing ciang tubang hunin Benjamin nam mihing khat na kungah hong puak tu khi hi, ka mi Israel te a ukpa tu in sathau na noai in, tuaciang ama in amate sia Philistine te khut sung pan suatak tu hi. Ka mite thuakna ka mu zo a, hu ngenin a auna ka za zo hi,” ci hi.