Pusuana 3:6 - Syin Chin Bible

⁶ Keima in na taanghpupite ii Pathian, Abraham, Isaac le Jacob te ii Pathian ka hi hi,” ci hi. Tua ahiciang Moses in a mai hum hi, banghang ziam cile Pathian en ngam ngawl hi.

Pusuana 3:6 Iomraidhean Croise

Pianciilna 12:1

Pathian in Abram tungah, “Na ngam, na bee le phungte le na pa inn nusia in a, kong lak natu ngam ah pai in.

Pianciilna 12:7

Abram kungah Topa kilangh a, “Na suan le na paalte tungah hi ngam ka pia tu hi,” ci hi. Tua zawkciang Abram in, ama ii kungah a kilangh Topa atu in biaknatau khat vawt hi.

Pianciilna 17:3

Abram sia a maitang lei a phak dong kunsuk a, Pathian in,

Pianciilna 24:12

Ama thungen a, “Ka topa Abraham ii Pathian, Topa awng, ka topa tung na kamciam kholet in tuni in hong taangtungsak ta'n.

Pianciilna 26:24

Tua zanin Topa ama tungah kilangh a, “Keima in na pa Abraham ii Pathian ka hi hi. Lau heak in; nang taw kong omkhawm hi. Nang thupha kong pia tu a, suan le paal tam mama kong pia tu hi, banghang ziam cile ka naseampa Abraham tungah ka kamciamna hang ahi hi,” ci hi.

Pianciilna 28:13

Tuaciang ama kungah Topa ding hi. Ama in, “Keima in Abraham le Isaac te ii Pathian, Topa ka hi hi. Nang le na suan na paalte tungah na lupna hi leitang kong pia tu hi.

Pianciilna 28:17

Ama lau in, “Hi mun bangza in lauhuai ziam! Hi sia Pathian inn hi nanak tu hi; hi mun in vantung tum natu kongpi hi nanak tu hi,” ci hi.

Pianciilna 31:42

Ka pate ii Pathian, Abraham le Isaac ii Pathian in kei taw omkhawm buathong le khut hawm nguakin nong hawlkhia zo tu hi. Ahizong Pathian in ka thinngimna le ka nasepna te mu zo a, tu zanin nang tungah thukhenna hong pia hi.”

Pianciilna 32:9

Tuasia ciang Jacob thungen a, “Ka pu Abraham ii Pathian le ka pa Isaac ii Pathian awng hong ngai ta'n! Topa awng, nangma in kei tungah na ngam na lei le na beete kungah cia kik in, tua hile nang atu na theampo phasak in na ma kong vangsak tu hi, nong ci hi.

1 Kumpite 18:36

Nikai sang sangaw biakpiakna hun tak ciang Elijah in biaknatau neak in thungen hi. “Oh Topa, Abraham, Isaac le Jacob te ii Pathian awng, tu in nang Israel ii Pathian hi a, tuaciang kei sia na naseampa ka hina taw nong sawl bangin hi bang teng ngamta ka hina thu sia hong lak ta'n.

1 Kumpite 19:13

Elijah in tua a zaak ciang a maitang a puantual taw sealin pusuak a suanghawngkua mai ah ding hi. Aw khat in ama tungah, “Elijah, hi sungah bang hi ni ziam?” ci hi.

Nehemiah 9:9

“Egypt ah koma ii taanghpupite ii thuakna na mu a; San Tuipi ah hu hong ngetna na za hi.

Esther 3:4

amate in ni khat zawk ni khat a zui natu sawsawl napi Mordecai in thudon nuam tuan ngawl hi. Ama in, “Keima in Jew mi hi a, Haman mai ah ka kun thei buatu hi,” ci in thiang son hi. Tua ahiciang amate in Mordecai ii ngamtatna a thuak zo ka tawm ci in ngaisun kawm ma in Haman tungah hi thu son uh hi.

Psalm Late 132:2

Topa awng, a vaanglian Jacob ii Pathian, nangma tungah hong kamciamna, hong kiciamnate phawk in:

Pusuana 15:2

Topa sia a thahat hong dalpa hi a; Ama in kei hong hunpa hi. Ama in ka Pathian hi a, ka pok tu hi, ka pa ii Pathian hi a, ama ii letna thu la in ka sa tu hi.

Pusuana 29:45

Israel mite sungah ka teang tu a, amate ii Pathian ka hi tu hi.

Pusuana 3:16

Pai in a, Israel lampuite kaikhawmin, Keima Topa a taanghpupite ii Pathian, Abraham, Isaac le Jacob te ii Pathian in note mai ah hong kilangh ka hi sia amate tungah son in. Amate kungah ka pai zo a, Egypt te ii amate tungah a vawtna teng ka mu hunlam amate son in.

Pusuana 33:20

Ka maitang kong musak buatu hi, banghang ziam cile ka maitang a mu peuma, nungta ngawl tu hi.

Pusuana 4:5

Topa in, “Amate taanghpupite ii Pathian, Abraham, Isaac le Jacob te ii Pathian nang tungah hong kilangh ahi hunlam sia Israel te ii tel natu in hi bangin vawt in,” ci hi.

Jeremiah 24:7

Keima Topa ka hi hunlam heak nopna thin ka pia tu hi. Tuasia ciang amate sia ka mite hi tu a, keima in a Pathian ka hi tu hi, banghang ziam cile amate in a thin theampo taw ka kung hong zuan kik tu uh hi.

Jeremiah 31:33

Israel mite taw ka vawt tu thuciamna thak sia hi bang hi tu hi: amate sung sangah ka thukham ka koi tu a, a lungtang tungah tuate ka at tu hi. Keima in amate ii Pathian ka hi tu a, amate sia ka mite ahi tu uh hi.

Jeremiah 32:38

Tua zawkciang amate sia ka mite hi tu a, keima sia amate ii Pathian ka hi tu hi.

Ezekiel 11:20

Tuasia ciang amate in ka thukhamte zui tu a, ka thupiak theampo thumaanna taw zui tu hi. Amate sia ka mihingte hi tu a, keima sia a Pathian ka hi tu hi.

Zechariah 8:8

Jerusalem ah a teang tu in nisuana le nitumna panin amate ka paipui kik tu hi. Tuaciang amate ka mi hi tu a, keima in amate thumaan le thutang taw a uk a Pathian ka hi tu hi.

Matthew 17:6

Nungzuite in tua aw a zaak uh ciangin, amate sia lau mama ahikom lei ah bokcip uh hi.

Matthew 22:32

‘Keima in Abraham ii Pathian, Isaac ii Pathian, Jacob ii Pathian ka hi hi,’ ci hi. Ama in a nungtate Pathian hi a, a thisate Pathian ahi bua hi,” ci hi.

Mark 12:26

Tu in a thite phoktona taw kisai in: Moses ii Laibu sungah sawlpaang kuang sia ii thu, sim ngeingawl nu ziam? Tua ii sungah ki at a, Pathian in Moses tungah, ‘Kei sia Abraham ii Pathian, Isaac ii Pathian, Jacob ii Pathian ka hi hi,’ ci hi.

Luke 20:37

A thite nuntakna sungah kitho kiksak tu hi, ci in Moses in thiangtho takin lak hi. Sawlpaang kuang thu huvau a sonna munah Topa sia ama in, Abraham ii Pathian, Isaac ii Pathian, le Jacob ii Pathian,” ci hi.

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

Sawltakte 7:32

‘Kei sia na taanghpupi Abraham, Isaac le Jacob te ii Pathian ka hi hi’ ci hi. Moses lau in liing ngawp a, en ngam ngawl hi.

Sawltakte 7:34

Ka minamte Egypt ngam ah vawtsiat a thuakna teng ka mu zo hi. Amate tauna ka za a, amate suatak tu in kong paisuk zo hi. Tu in hong pai ta'n; Egypt ngam ah hong paisak tu khi hi,’ ci hi.

Thuhil kikna 6:3

Israel mihingte awng, tuate ngai in zui vun! Tuasia ciang na ma uh vang tu a, ih taanghpupite Topa Pathian ii hong kamciamsa bangin a thahat minam lian na suak tu uh a, tua ngamnuam le lei phana munah na teang tu uh hi.

Hebrew te 11:16

Amate ii lungngul sia ngam phazaw, vantung ngam hi zaw hi. Tua ahikom Pathian in amate ii Pathian hi a kici sia a mai a zum bua hi. Banghang ziam cile ama in, amate atu khuapi khat vawtkhol sa in koisak hi.

Hebrew te 12:21

Tua a muna sia lauhuai leilam ahikom, Moses in “Lau in ka liing vadil hi!” ci hi.

Thupualaakna 1:17

Ama ka mu ciangin mithi sa bangin, a peang ah ka puk hi. Ama in a khut ziatsang ka tungah hong nga a, “Lau heak in! Kei sia a masabel le a khakbel ka hi hi.

Thukhente 13:22

Manoah in a zi munah, “Eima ih thi kul tu hi, banghang ziam cile eima in Pathian ih mu zo hi,” ci hi.