Pusuana 3:17 - Syin Chin Bible

¹⁷ Nasia tak vawtsiat a thuakna Egypt pan amate ka pusua pui tu a, leihoi leiphana mun — Canaan mite, Hit mite, Amor mite, Periz mite, Hiv mi te le Jebus mite teenna ngam ah amate paipui tu in ka khensat zo hi.

Pusuana 3:17 Iomraidhean Croise

Pianciilna 46:4

Egypt ah nangma taw kong paikhawm tu a, na suan na paalte hi ngam le lei ah kong ciapui kik tu hi. Na thi ciang Joseph sia nangma taw om tu hi,” ci hi.

Pianciilna 50:24

Ama in a suapuite tungah, “Kei a thi nai tu ka hi hi, ahizong Pathian in note hong keam tatak tu a, hi ngam pan, Abraham, Isaac le Jacob te tungah a ciliap huai takin a kamciamna ngam ah hong paipui nanak tu hi,” ci hi.

Pianciilna 50:25

Tua zawkciang Joseph in a mite kiciamna khat vawt tu in sawl hi. Ama in, “Pathian in tua ngam ah hong paipui ciangin noma taw ka luang paipui tu khu hi ci in hong kamciam tavun,” ci hi.

1 Khangtaanghthu 1:15

Hiv te, Ark te, Sin te,

Psalm Late 102:21

Tua ahikom ama min sia Zion ah kithangsak tu a, Jerusalem ah ama kipok tu hi.

Pusuana 13:5

Topa in na taanghpupite tungah Canaan mite, Hit mite, Amor mite, Hiv mite, le Jebus mite teenna ngam piak tu in ciliap huai takin hong kamciam hi. Tua ngam leihoi leiphana ngam ah hong paipui ciang kum sim tha masabel sungin hi poai vawt nanak tu nu hi.

Pusuana 32:34

Tu in pai in kong sonna munah mihingte paipui in. Ka vantunglalang in lam hong lak tu phawkin a, ahizong a hun a cin ciang hi mihingte a mawna daan ka pia tu hi,” ci in zo hi.

Pusuana 33:3

Note ngampha le ngamnuam ah pai tu nu hi. Ahizong kei note taw kong pai buatu hi, banghang ziam cile mihing thinpuite na hi uh a, lampi ah kong mon tha tu hi,” ci hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Jeremiah 11:5

Tuabangin ahi uh le tu a amate ii neisa ngamhoi ngampha sia kong pia tu hi ci a, a taanghpupite tungah ka piak kamciam sia keima in ka taangtungsak tu hi,” hong ci hi. Keima in, “Hi hi, Topa awng,” ka ci hi.

Jeremiah 32:22

A taanghpupite tungah na kamciamsa bangma in, hi a hau ngam le leipha ngam sia amate na pia hi.

Ezekiel 20:6

Tuasia lai in amate Egypt ngam pan pusuapui in leitang teng po pan a phabel, leihoi lei phana ngam, amate atu ka tealsak sa ngam ah paipui tu ka kamciam hi.

Thiampite 20:24

Ahizong hi ngamhoi ngampha lua tu in, hong ciam zo ka hi ciang kong pia tu hi. Keima in Topa na Pathian ka hi a, minam dangte sung pan kong tuamkoi zo hi.

Mi Simna 13:27

Amate in Moses tungah, “Kote in ngam ka vil uh a, a hauna le a lei phatnate ka mu uh hi; a thingnga pawlkhat zongh hilai ah kong ciapui uh hi.

Thuhil kikna 26:9

Ama in hi munah hong paipui a, khuinoai le khuaitui a luanna hi ngampha le ngamnuam hong pia hi.

Thuhil kikna 6:3

Israel mihingte awng, tuate ngai in zui vun! Tuasia ciang na ma uh vang tu a, ih taanghpupite Topa Pathian ii hong kamciamsa bangin a thahat minam lian na suak tu uh a, tua ngamnuam le lei phana munah na teang tu uh hi.

Joshua 24:11

Jordan ngun kaantan in, Jericho khua theng nu hi. Jericho mite in Amor te, Periz te, Canaan te, Hit te, Girgash te, Hiv te le Jebus te ii hong do bangma in no hong do hi. Ahihang amate tung theampo ah zawna kong pia hi.

Joshua 9:1

Israel te ngalzawnate Jordan nitumna sang kumpi theampo — mualte, mualpeangte le Mediterranean Tuipi vaal zaangtam theampo saksang Lebanon dong kihe hi; hite sia Hit, Amor, Canaan, Periz, Hiv le Jebus kumpipa te uk sung ngamte ahi uh hi.