Pusuana 3:13 - Syin Chin Bible

¹³ Ahizong Moses in, “Kei Israel te kungah pai in, ‘Na taanghpupite ii Pathian in note kungah kei hong paisak hi,’ ka ci ciang, ‘Ama min akua ziam’ ci in amate in kei hong dongh tu hi. Tua ahikom bangbang son thei tu khi ziam?” ci kik hi.

Pusuana 3:13 Iomraidhean Croise

Pianciilna 32:29

Jacob in, “Tua le na min hong son ta'n,” ci hi. Ahizong ama in, “Banghangin ka min he nuam ni ziam?” ci in zo hi. Tua zawkciang ama in Jacob thupha pia hi.

Pusuana 15:3

Topa sia ngalhangpa hi a; ama min Topa ahi hi.

Pusuana 3:12

Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Pusuana 3:14

Pathian in, “Keima sia Keima ka hi hi. Amate tungah hisia na son hamtang tu hi: ‘KEIMA a kici khat in note kungah kei hong paisak hi.’

Pusuana 3:15

Keima, Topa a taanghpupite ii Pathian, Abraham, Isaac le Jacob te ii Pathian in amate kungah nang kong paisak sia Israel te tungah son in. Hi sia in a tawntung ka min hi; maisang hong piang tu khang theampo in hi bangin keima hong sam tu hi.

Pusuana 7:16

Tua zawkciang kumpipa tungah, ‘Topa Hebrew te Pathian in amate ii sennealngam sungah ama a biak thei natu in, a mihingte na paisak natu a son tu in kei hong sawl hi. Ahizong tu dong ciang a thu na ni bua hi.

Paunakte 30:4

Akua in vantung thu heaknate a cingin nei ngei ziam? A kua in vui sia, a khut sungah man ngei ziam? Tua ahibuale tui sia puanbek taw tun ngei ziam? Tua ahibuale leitung ngamngite phut ngei ziam? Na he le, ama akua ziam? Ama ii tapa sia akua ziam?

Isaiah 52:6

Khatvei ciangin note tungah thu hong sonpa, keima Pathian ka hina thu na tel tu uh hi,” ci hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Jeremiah 23:6

Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Matthew 1:21

Ama in tapa khat hong hing tu a, a min Jesus ci in na phuak tu hi — banghang ziam cile ama in a mite mawna pan a hun tu hi,” ci hi.

Matthew 1:23

Ngaknu thiangtho khat naungil om tu a, tapa khat hing tu hi, a min Immanuel kiphuak tu hi.” (Tua in “Eite taw Pathian omkhawm hi,” a cinopna hi.)

Sawltakte 3:13

Abraham, Isaac le Jacob te ii Pathian, ih taanghpupite ii Pathian in, a Naseampa Jesus sia Pathian piak minthanna pia hi. Noma in ama sia Jew lampuite tungah na aap uh hi. Pilate in ama suaktasak tu in, a khensat zawkciang zong, Pilate mai ah na nial uh hi.

Thukhente 13:17

Manoah in, “Na min hong son ta'n, tua hile na pauna teng a tun tak ciang, kong patoai thei tu uh hi,” ci in zo kik hi.

Thukhente 13:6

Tua zawkciang tua nu a pasal kungah pai in, “Pathian mi khat hong pai a, ama sia Pathian vantunglalang bangin kiitakhuai mama hi. Ama hong paina mun ka dongh bua a, a min hong son bua hi.