Pusuana 3:12 - Syin Chin Bible

¹² Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Pusuana 3:12 Iomraidhean Croise

Pianciilna 15:1

Hi teng zawkciang Abram in mukholna nei a, Topa in, “Abram awng, lau heak in, Keima in lauhuaina panin nang kong dal tu a, thaman lian khat kong pia tu hi,” a cisia za hi.

Pianciilna 15:8

Ahizong Abram in, “Vaanglianpipa Topa awng, tua ngam teng kei atu ahi sia bangbangin he thei tu khi ziam?,” ci in dongh hi.

Pianciilna 26:3

Hi lai ah teang in, nang taw kong omkhawm tu a, thupha kong pia tu hi. Nang le na suan na paalte tungah hi ngam theampo kong pia tu hi. Na pa Abraham tungah ka kamciam ka kholet tu hi.

Pianciilna 31:3

Tuasia ciang, Topa in ama tungah, “Na beete kung le na pate ii ngam le lei zuan kik in. Nang taw kong omkhawm tu hi,” ci hi.

2 Kumpite 19:29

Tua zawkciang Isaiah in Kumpipa Hezekiah munah, “Hong piang tu thu ii lim sia hisia hi. Tu kum le mai ciangin ngamh ante bek na ne tu uh hi, ahizong a kum kik ciang na ciin sa uh ante na at tu a, na suan sa uh sapitngate na ne tu hi.

1 Khangtaanghthu 9:20

Eleazar ii tapa Phineas in amate khatvei lai in uk hi. — Topa in ama taw om tahen!

Psalm Late 86:17

Na phatna a kitelna hong lak ta'n, Topa awng; kei hong ensante in heenepna le huna nong piak a mu uh ciangin a maizum tu uh hi.

Pusuana 18:5

Moses ii ngiaphual saatna mual thiangtho, sennealngam ah Jethro sia Moses ii zi le a tapate nii taw hong pai uh hi.

Pusuana 3:1

Moses in Midian thiampi, a sunghpa Jethro ii tuu le kealte cingin a om laitak ni khat ni in a ngannote sennealngam kaantanpui in mual thiangtho Sinai theng hi.

Pusuana 3:13

Ahizong Moses in, “Kei Israel te kungah pai in, ‘Na taanghpupite ii Pathian in note kungah kei hong paisak hi,’ ka ci ciang, ‘Ama min akua ziam’ ci in amate in kei hong dongh tu hi. Tua ahikom bangbang son thei tu khi ziam?” ci kik hi.

Pusuana 33:14

Topa in, “Nang taw ka paikhawm tu a, zawna kong pia tu hi,” ci hi.

Pusuana 4:12

Tu in, va pai ta'n! Na kampau kong hu tu a, na thuson tu kong hil tu hi,” ci hi.

Pusuana 4:15

Ama tungah thu son thei tu ni hi, a son tu teng hil in. Na nii in na thuson kong hu tu a, na vawt tu uh teng kong hil khawm tu hi.

Pusuana 8:27

Ama hong thupiak bangin Topa ka Pathian tungah sangaw biakpiakna pia tu in, ni thum khualhaw in sennealngam sungah ka pai uh kul tu hi,” ci in zo hi.

Isaiah 37:30

Tuaciang, Isaiah in Hezekiah kumpipa tungah, “Hi thu in maisang hong piang tu lakna lim ahi hi. Tu kum le mai kum ciangin ngamh an bek na ne tu uh hi; ahizong kum kik ciangin thaicii tu in an na la tu uh a, sapitkung suanin a nga na ne tu uh hi.

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Isaiah 43:2

Tui thukte na kaantan ciang, nang taw kong omkhawm tu hi; ngim na thuaknate in hong zo zo ngawl tu hi. Meikuang na kaantan ciang, na kaangh buatu hi; na thuak haksatnate in nang hong nasak ngawl tu hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Jeremiah 1:8

Amate kiita heak in, banghang ziam cile keima in nangma hong dal tu in kong ompui tu hi, Topa, keima in kong son zo hi!” hong ci hi.

Mi Simna 16:28

Moses in mipite tungah, “Hi bang teng seam tu in Topa in kei hong sawl a, keima deiteal bangin a seam ka hi ngawlna thu na heak natu uh ahi hi.

Mi Simna 23:21

Israel te mai sangah bangma kaamsiatna ahibuale ngimna a thuak tu ka mu kholsak bua hi. Topa a Pathian in amate ompui a; Ama sia a kumpipa hi ci in thangsak uh hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Mark 16:20

Nungzuite mun theampo ah pai in, thuhil uh hi, tuaciang Topa in amate taw naseam khawm a, amate thuhilnate sia maan hi ci in a kilak natu in, nalamdang laknate vawtsak thei hi.]

Sawltakte 11:21

Topa vaangletna sia amate taw kop a, mihing tam mama in thu um in, Topa sangah kiheak uh hi.

Sawltakte 7:7

Ahihang a silate tungah a kilawm thukhenna ka tungsak tu a, tua zawkciangin amate tua ngam panin pusuak in, hi sungah amate in kei hong bia tu hi,’ ci hi.

Romete 8:31

Hi teng zawkciangin ih son tu, bang om lai tu ziam? Pathian ei sangah hong pang le akua in eite hong langpan thei tu ziam?

Thuhil kikna 31:23

Tua zawkciang Topa in Nun tapa Joshua a paupuina sungah, “Kimuang in a, na thin khosak in. Ka khapsa ngam sungah Israel mite lam na pui tu a, nangma taw kong omkhawm tu hi,” ci hi.

Hebrew te 13:5

Na nuntakna uh sia sum le vanh manpha deina taw na kipealsak vun a, tuaciangin na nei uh sia taw na lungkim vun. Banghang ziam cile Pathian in, “Bangma hunin kong taisan ngei buatu a, kong nusia ngei buatu hi,” ci hi.

Joshua 1:5

Joshua awng, na nuntak lai teng nang sia kuama in hong zo zo ngawl tu hi. Moses ka ompui bangma in nang kong ompui tu hi. Nang taw a tawntungin kong omkhawm tu hi; nang kong nusia buatu hi.

Thukhente 6:12

Topa ii vantunglalang sia tua mun ama mai ah hong kilaak a, “Topa sia nang taw omkhawm hi, ngalhang, a thahat pa awng!” ci hi.

Thukhente 6:16

Topa in, “Suatak thei tu ni hi, banghang ziam cile keima in hong hu tu khi hi. Midian te sia mihing khat vawt tu bang bekin ol takin na sucip tu hi,” ci in zo hi.

Thukhente 6:17

Gideon in, “Kei dik nong sa le nang sia Topa na hi takpina tawm hong lak ta'n.

Thukhente 6:21

Tua zawkciang Topa vantunglalang in ama ii toai ciangkang ii dawn taw sa le anluumte kithuthasak hi, tuaciang suang sung panin meikuang pusuak a, sa le anluum kaanghtum hi. Tuasia ciang vantunglalang bo hi.

Thukhente 7:11

Amate ci teng na za tu a, tuasia ciang sim natu na thin hong lian tu hi,” ci hi. Tua ahikom Gideon le a naseampa Purah sia ngalte ngiaphual mong dong hong pai uh hi.

1 Samuel 14:10

Ahihang amate kungah pai in hong sawl le ih pai tu hi, banghang ziam ci le tuasia sia Topa ii ngal zaw natu lim hong piakna hi tu hi,” ci hi.