Pusuana 3:11 - Syin Chin Bible

¹¹ Ahizong Moses in Pathian tungah, “Kei sia bangma ka hi bua hi. Kumpipa kungah pai in Israel te Egypt pan bangbang paipui thei thong tu khi ziam?” ci hi.

Pusuana 3:11 Iomraidhean Croise

2 Samuel 7:18

Tua zawkciang David kumpipa sia Topa ompuina Puanbuk sung zuan a, to in hi bangin thungen hi: “Vaanglianpipa Topa awng, kei tung ahizong ka innkuanpuite tung ahizong nong septe ka kiphu ka kilawmna uh om ngawl hi.

1 Kumpite 3:7

Oh Topa Pathian, keima sia ka khanmoi mama in ngam ukzia he ngawl ka hihang, nangma in ka pa ii kumpi za nong laihsak zo hi.

1 Kumpite 3:9

Tua ahikom na mite thutang khenna taw ka uk thei natu le a pha le a sia ka khentel thei natu in ciimna hong pia ta'n. Tua ahibuale bangbangin hi na mihonpite uk thei tu khi ziam?” ci hi

1 Khangtaanghthu 29:14

“Ahitazong kei le ka mite in a tatakin bangma kong pia thei bua uh hi; banghang ziam cile na theampo nangma ii nong piakthong hi a, nangma aa tengma hong pia kik hi bek khu hi.

Pusuana 6:12

Ahizong Moses in, “Israel te ngawngawn zongh in ka thuson hong ngai ngawl tu ci leang bangbangin kumpipa in hong ngai tu ziam? Kampau thiam ngawl mama pa ka hi hi,” ci kik hi.

Jeremiah 1:6

“Vaanglianpipa Topa awng, kei thusonzia tu he bong; moi lei lai ing,” ci in ka zo hi.

2 Corinth te 2:16

A mangthangte atu in tuasia in ngual a thisak thei a ui mama thina ngim hi a; ahihang ngupna a ngate atu in nuntakna a pia ngimnamtui ahi hi. Tua ahile tuabang nasepte a seam zo tu akua om ziam?

2 Corinth te 3:5

Hi nasep ka sep thei natu in koma sungah son ngam tu sep theina bangma ka nei bua uh hi. Tua sep theina ka nei uh sia Pathian kung panin hong pai ahi hi;

Thukhente 6:15

Gideon in, “Topa awng, bangbangin Israel suatak thei tu khi ziam? Ka bee ka phung sia Manasseh nam sung pan a zawngkhalbel hi a, keima zongh ka bangkua sung pan a thupi ngawlbel ka hi hi,” ci in zo kik hi.

1 Samuel 18:18

David in, “Kei akua hi a kumpipa ii maakpa ka sua natu ka bangkua bang hi na ziam?” ci in zo hi.