Pusuana 28:41 - Syin Chin Bible

⁴¹ Hi puante na suapuipa Aaron le a tapate silhsak in. Tuaciang amate in ka na a seam thei thiampite ahi natu in thupha piak kipsakna le aapna in olive thau taw zut in.

Pusuana 28:41 Iomraidhean Croise

Pusuana 28:1

“Na suapuipa Aaron le a tapate Nadab, Abihu, Eleazar le Ithamar te sam in. Keima tungah thiampi na a sep thei natu in amate Israel mite sung pan tuamkoi in.

Pusuana 28:4

Amate in awmdal khat, ephod puan khat, puantual khat, thiamngel taw kizeam laktong khat, dialkhip khat le kawngsawmna khau khat a vawt natu in sawl in. Amate in ka na a seam thei thiampite a sua natu in khutthiamte in na suapui pa Aaron le a tapate atu in hi thiampi puante khuisak tu hi.

Pusuana 29:24

“Hi an theampo Aaron le a tapate khut sungah koi in a, kei tungah a letsong tuam khat in hong aap natu in son in.

Pusuana 29:35

“Aaron le a tapate atu in thupha piak kipsakna ngeinate kong thupiak bang linlian in ni sali sung vawt in.

Pusuana 29:7

Tuaciang noi sathau la in, a lu tungah buakin, noai in.

Pusuana 29:9

a kawng ah kawngsawmna khau sawm in, a lu tungah lukhu khusak in. Hi bangin Aaron le a tapate thiampi naseam tu in thupha pia in kipsak tu hi. Amate le a suan a paalte in a tawntungin thiampi panmun taw ka na seam tu uh hi.

Pusuana 30:35

Tua nate paaknamtui hel bangin, ngimnamtui vawtna ah zangh in. A sit ahi natu le a thiantho natu in ci saw in.

Pusuana 40:13

Aaron in keima na a seam thiampi a sep thei natu in thiampi puante silhsak in, sathau buakin, hi bangin ama aap in.

Pusuana 40:15

Tuaciang thiampite bangin keima na hong sepsak thei natu in, a pa sathau na buak bangma, a tate zongh sathau buak in. Hi bang sathau buakna in amate maisang hun theampo ah thiampi suaksak tu hi,” ci hi.

Isaiah 10:27

Tua hun hong thet ciang Assyria te ii khut sung pan note kong suaktasak tu a, amate hakkol sia note liangko tungah vanhngit hi nawn ngawl tu hi,” ci hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Ezekiel 43:26

Ni sali sung thiampite in biaknatau aap tu a, zak thei tu in kinging kholsak tu hi.

Thiampite 10:7

Puanbuk kongbiang nusia heak vun, na nusia uh le na thi tu uh hi, banghang ziam cile Topa ii noi sathau taw a ki aap sate na hi uh hi,” ci hi. Tua ahiciang amate in Moses ci bangin seam uh hi.

Thiampite 16:24

Ama in mun thiangtho ah kibual tu a, ama puante silh tu hi. Tua zawkciang pusuak in ama mawna le mite mawna teng a mai natu in meihal biakpiakna pia tu hi.

Mi Simna 16:5

Tuaciang ama in Korah le a nungzuite tungah, “Zing ciang zingsang in Topa in ama mihing sia akua ziam ei hong lak tu a; ama in a teal sa, a mi sia biaknatau ah ama kung neaksak tu hi.

Mi Simna 3:3

Amate thiampi suak tu in sathau kinoai a, thupha piak kipsakna a ngate ahi hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

Hebrew te 5:4

Thiampi lianbelpa za sia ama le ama kiteal a, a kipia kuama om ngeingawl hi. Aaron tungah a kipiak bangin — mihing khat sia Pathian ii samna bek taw thiampi lianbel kisuaksak hi.

Hebrew te 7:28

Moses Thukham in a cialcing ngawl mihingte thiampi lianbel tu in sep hi; ahihang Thukham om zawkciang hong piang, Pathian ii kiciamna taw a vawt kamciam in a tawntung atu in a cialcing Tapa sia Thiampi suaksak hi.

1 John 2:20

Ahihang Christ ii no tungah Thaa Thiangtho hong buak sia na saang zo uh hi, tua ahikom na vekpi in thumaan thutak na tel uh hi.

1 John 2:27

Ahihang note na hi uh le, Christ in a Thaa no tungah hong buak zo hi. Note sungah ama Thaa a om laitengin hong hil tu kuama dang na kitaangsamh bua uh hi. Banghang ziam cile ama Thaa in na theampo huvau hong hil a, hong hil teng sia thumaan hi a, khial ngawl hi. Tua Thaa ii hilna na ni vun a, Christ taw pumkhat in na om vun.