Pusuana 28:4 - Syin Chin Bible

⁴ Amate in awmdal khat, ephod puan khat, puantual khat, thiamngel taw kizeam laktong khat, dialkhip khat le kawngsawmna khau khat a vawt natu in sawl in. Amate in ka na a seam thei thiampite a sua natu in khutthiamte in na suapui pa Aaron le a tapate atu in hi thiampi puante khuisak tu hi.

Pusuana 28:4 Iomraidhean Croise

2 Samuel 6:14

David sia a kawngah dial khat teang bekin, Topa a patoaina in a tha neiza taw laam hi.

Pusuana 25:7

Thiampi Lianbel ii ephod tung le awmdal te tungah bul tu suangsante le suangmanpha dangte ahi hi.

Pusuana 29:6

A lu tungah dial khimsakin, tua tungah, ‘Topa atu Kitavaw’ a kici a thiangtho ki aapna lim kizepna sia suang in.

Pusuana 39:28

dial, lukhu, puanneal ngoaipuan tom le

Isaiah 11:5

Ama in a mite thukhaikim le thutak taw uk tu hi.

Isaiah 59:17

Ama in thukhaikimna sia ngaldalna thik laktong puasilh bangin silh tu a, ngupna vaangletna sia thik lukhu bangin khu tu hi. Ngimna a thuak mite luangin phulaakna le daan piakna, a pha ngawlte a pha vawt nopna thinsung sia, puan bangin silh tu hi.

Hosea 3:4

Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Ephesus te 6:14

Tua ahiciang, thumaan thutak sia na kawng ah kawngkhau bang, thutang suana sia awmdalna bang,

1 Thessalonica te 5:8

Ahihang eite in sun hun ii neisa ih hi a, ih pilvang kul tu hi. Eite in upna le ki itna sia awmdalna in ih silh tu a, ih lamet ngupna sia thik lukhu bangin ih khuk kul hi.

Thupualaakna 9:17

Ka mukholna sungah siphute le a tung tote ka mu hi; amate in awmdalna sia meikuang bangin a san, sapphire suangmanpha bangin vancii, kaan bangin a eng silh uh hi. A siphute ii lutang sia tawpi lutang taw kibang a, a kam sung pan meikuang, meikhu le kaante hong pusuak hi.

1 Samuel 2:18

Tua hun sungin patang Samuel sia puanneal kawngsawm thiangtho khat taw Topa na seam hi.

1 Samuel 22:18

Tua ahikom Saul in Doeg munah, “Amate nangma that in!” ci a — tuasia ciang Doeg in thatlum siat hi. Tua ni in ephod a silh thei sa thiampi 85 that hi.

1 Samuel 23:6

Ahimelech ii tapa Abiathar suakta in Keilah khua ah David a pop ciang ephod keng hi.

1 Samuel 30:7

David in Ahimelech ii tapa thiampi Abiathar munah, “Ephod hong paipui tavun,” ci a, Abiathar in ama kungah paipui hi.