Pusuana 28:2 - Syin Chin Bible

² Na suapuipa Aaron sia a vaang nei natu le a et hoi natu in thiampi puante vawtsak in.

Pusuana 28:2 Iomraidhean Croise

Job 40:10

Tuabang ahile na vaang neina le na kisuantaak na taw ding in; nang le nang vaangletna le minthanna puan silh in.

Psalm Late 132:16

A thiampite sia a sepna theampo ah thupha ka pia tu a, ama mihingte in lasa in lungdamna taw a au tu uh hi.

Psalm Late 132:9

Na thiampite in a maan sepnate vawt tawntung tahen; na mihingte in lungdamna taw au tahen!

Psalm Late 149:4

Topa in a mite tungtaang ah thinnopna nei hi; ama in a kiniamkhiak te zawna taw patoai hi.

Psalm Late 96:6

Minthanna le vaangletna in ama kiim uum hi; a Biakinnpi sia vaangletna le hoina taw kidim hi.

Pusuana 28:40

“Aaron tapate ii vaang nei natu le et hoi natu in, laktong, kawngsawmna le lukhu vawt in.

Pusuana 29:28

Hi thu a kikheal ngawl ka thukhenna hi a, ka mite in kipawlkhop biakpiakna a nei ciang, nganno awmsa le a pheisate thiampite neisa hi tu hi. Tua sa sia amate ii keima Topa tungah hong piak letsong ahi hi.

Pusuana 31:10

Aaron le a tapate ii thiampi a sep ciang a silh tu thiampi puan manphate,

Pusuana 40:13

Aaron in keima na a seam thiampi a sep thei natu in thiampi puante silhsak in, sathau buakin, hi bangin ama aap in.

Isaiah 4:2

Topa in ngam sungah a om ankung le thingkung theampo a khantosak tu le, a limciitsak tu hun hong thetheng tu hi. A nungta lai Israel mihing theampo in a ngamsung pan a piang an kungte hu in lungpilna le kiphatsak puina nei tu uh hi.

Isaiah 52:1

Jerusalem awng, thahat in a, lian kik in! Pathian ii a thiangtho khuapi awng, puan et hoi silh in! Pathian um ngawl mite na kongpite sungah tum kik ngei nawn ngawl tu uh hi.

Isaiah 61:10

Topa sepna hangin Jerusalem lungdam hi. Jerusalem sia mothak khat pasal a nei ni in a kizeam bang ahi hi. Pathian in ama sia ngupna le ngalzawna taw tuam zo hi.

Isaiah 61:3

Zion ah a om a khuangai mite tungah Heena luangin thinnopna le lungdamna, khuangaina luangin pokna la khat puak tu in kei hong paisak hi. Amate sia Topa mama ii suan sa Thingkungte taw kibang tu hi. Amate theampo in a maan sia seam tu uh a, Pathian sia ama ii sepnate hu in kipok tu hi.

Isaiah 64:6

Eite theampo ih maw siat zo hi. Ih ngamtatna a phabelte ngawngawn a nincip hi siat hi. Ih mawnate hangin vui ii letkeak thingteekote taw ih kibang hi.

Thiampite 8:30

Moses in noi sathau tawm le biaknatau tungah a om sachi tawm la in, Aaron le a tapate le a puante tungah the hi. Hi bangin amate le a puante Topa tungah aap hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

Romete 13:14

Tuate taangin Topa Jesus Christ ngalhiamte zamhin, cii le sa deina a lungkimsak thei lungngulnate na kheal tavun.

Romete 3:22

Pathian in mihingte sia Jesus Christ a upna uh tungtawnin thutang suaksak hi. Christ a umte theampo tungah Pathian in hi bangin vawt hi, banghang ziam cile kuama a kilamdang tuatuan a om bua uh hi.

Galatia te 3:27

Note Christ taw na kipumkhatna sungah na ki baptize uh a, tuaciang Christ ama mama ii nuntakna taw puan bangin hong kisilhsak zo cinopna hi.

Hebrew te 2:9

Ahihang Pathian ii thuthiamna tungtawnin, mihing theampo atu a thi tu in, vantunglalangte sangin tawmvei hunsung teng a niamzaw in a kivawt Jesus ih mu hi. Thina a thuak hu in tu in minthanna le upatna lukhu a khuk ih mu hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

2 Peter 1:17

A vaanglianbel Pa in, “Hisia ka it ka Tapa hi a, dik ka sak pa ahi hi!” ci a, Pa Pathian in patoaina le minthanna a piak laitak, tua munah ka om uh hi.

1 John 3:2

Ka it lawmte awng, ei sia tu in Pathian ii tate ih hi hi, ahihang bang suak tu hi ziam ci in kician ngawl lai hi. Ahihang Christ hong kilaak ciangin eite sia ama taw kibang tu ih hi hunlam ih he hi, banghang ziam cile ama sia ahi bang tatakin ih mu tu hi.

Thupualaakna 19:8

Ama ii silh tu in a thiang, a tee vazia puante kipia zo hi,” ci uh hi. (A puanneal in Pathian ii mihingte ii na pha a septe ahi hi.)

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”