Pusuana 28:1 - Syin Chin Bible

¹ “Na suapuipa Aaron le a tapate Nadab, Abihu, Eleazar le Ithamar te sam in. Keima tungah thiampi na a sep thei natu in amate Israel mite sung pan tuamkoi in.

Pusuana 28:1 Iomraidhean Croise

1 Khangtaanghthu 23:13

A tapa lianbel Amram sia Aaron le Moses ii pa hi. (Aaron le ama suan le paalte sia biakna vanh thiangthote a keam tawntung tu, Topa a biak uh ciang paaknamtui hal tu, ama naseam tu le ama min taw mite thupha pia tu in kikoituam hi.

1 Khangtaanghthu 6:10

Azariah (Jerusalem ah Solomon kumpipa ii sak Biakinnpi sungah naseam pa)

1 Khangtaanghthu 6:34

Elkanah, Jeroham, Eliel, Toah,

2 Khangtaanghthu 11:14

Israel kumpipa Jeroboam le a zalaihte in Levi mite sia Topa thiampite bangin a sepsak nop ngawl hu in Levi te in nganthana le a leitang dang teng nusia in Judah ngam le Jerusalem ah kikhiin uh hi.

Psalm Late 115:10

No, Pathian thiampite awng Topa muang vun. Ama in no hong hu a hong dal hi.

Psalm Late 99:6

Moses le Aaron in ama ii thiampite hi a, Samuel sia ama tungah thu ngen pa ahi hi; amate in Topa biakpui a, ama in zo kik hi.

Pusuana 24:1

Topa in Moses tungah, “Nangma le Aaron, Nadab, Abihu le Israel lampui sawmsalite ka kung mual tungah hong kaato tavun a; a khuala thithimna ah na om uh laitak kunin hong bia tavun.

Pusuana 24:9

Moses, Aaron, Nadab, Abihu le Israel lampui sawmsalite mual tungah kaato a,

Pusuana 28:41

Hi puante na suapuipa Aaron le a tapate silhsak in. Tuaciang amate in ka na a seam thei thiampite ahi natu in thupha piak kipsakna le aapna in olive thau taw zut in.

Pusuana 29:1

“Aaron le a tapate ka na a seam thiampi tu in na aap ciang hi bangin na vawt tu hi. A mealhem ngawl khuital moi khat le tuutal nii keng in.

Pusuana 29:44

Puanbuk le biaknatau ka thiangthosak tu a, Aaron le a tapate in thiampi na seam tu in ka tuam koi tu hi.

Pusuana 29:9

a kawng ah kawngsawmna khau sawm in, a lu tungah lukhu khusak in. Hi bangin Aaron le a tapate thiampi naseam tu in thupha pia in kipsak tu hi. Amate le a suan a paalte in a tawntungin thiampi panmun taw ka na seam tu uh hi.

Pusuana 30:30

Tuaciang Aaron le a tapate sathau noai in a, keima na a seam thiampi tu in thupha taw kipsak in.

Pusuana 31:10

Aaron le a tapate ii thiampi a sep ciang a silh tu thiampi puan manphate,

Pusuana 35:19

Tuaciang Thiangtho Mun ah thiampite in na a sep ciang a silh tu a tuanngen, a et hoi puante — thiampi Aaron le a tapate atu puan thiangthote a vawt tu ahi hi.

Pusuana 6:23

Aaron in Amminadab ii tanu, Nahshon ii suapuinu Elisheba teenpui a; Nadab, Abihu, Eleazar le Ithamar nei hi.

Thiampite 10:1

Aaron ii tapate Nadab le Abibu in amate mei lakna kuang tek la in a sungah meikam koi a, ngimnamtui helin Topa tungah pia hi. Ahizong tua mei thiangtho ngawl hi, banghang ziam cile Topa in tuasia a piak tu in amate thupia ngawl hi.

Thiampite 10:12

Moses in Aaron le a taanglai a tapa niite Eleazar le Ithamar tungah, “Topa tungah a kipia ante sung pan a taanglai antang biakpiakna teng la vun a, tol saw ngawl anluum vawtin, biaknatau pangh ah ne vun, banghang ziam cile biakpiakna sia thiangtho mama hi.

Thiampite 7:35

Hisia in Aaron le a tapate thiampi in a kikipsak ni a, Topa tungah a kipia an sung pan amate a kipia an khen khat ahi hi.

Thiampite 8:1

Topa in Moses tungah,

Thiampite 8:2

“Aaron le a tapate ka ompuina Puanbuk kongbiang ah paipui in, tuaciang thiampi puante, noi sathau, mawphel biakpiak natu in khuital moi sia, tuutal niite le tol saw ngawl anluum khum sia hong paipui ta'n.

Mi Simna 18:7

Ahizong nangma le na tapate bek in biaknatau le Thiangthobel Mun ah a om sia taw kisai thiampi nasep teng theampo khuangkhim tu nu hi. Nang, thiampi za letsong in hong pia zo ka hikom hi teng nangma ii vaipuak tu ahi hi. Hi nasepte seam tu a kiphu ngawl khat pawpo hong pai in, vanh thiangthote a neak le kithisak tu hi,” ci hi.

Mi Simna 26:61

Nadab le Abihu te sia Topa tungah a thiangtho ngawl meihal biakpiakna a piak ciang thi khawm hi.

Luke 1:8

Ni khat Zechariah sia Biakinn sungah a thiampi nasep seam a, ni sim biakpiakna hunzeakna sungah ama ii hun hong tung hi.

Thuhil kikna 10:6

Israel te sia Jaakan mite ii tuikhukte pan pai in Moserah zuan uh hi. Tua munah Aaron thi in kivui a, a tapa Eleazar in a thiampi za laih hi.

Thuhil kikna 18:5

Topa in noma nam theampo sung pan Levi nam sia ama atu thiampi a seam tawntung tu in teal hi.

1 Samuel 2:28

Israel minam theampo ii sung pan keima thiampi tu, biaknatau ah a seam tu, ngimnamtui hal tu, ephod silh a, keima thu hong dongh tu in amate innkuan ka teal hi. Tuaciangin biaknatau tungah a kihal sangaw biakpiakna te tel khat sia amate tan thei natu thu ka pia hi.