Pusuana 27:21 - Syin Chin Bible

²¹ Kong ompuina Puanbuk sung, Thuciamna Thingkuang mai, puankhai pua sangah Aaron le a tapate in meiinn koi tu uh hi. Tua mun keima omna ah nitak pan zingsang dong mei de tu uh hi. Hi thupiak sia Israel te le a suan a paalte in a tawntung a zui tu uh ahi hi.

Pusuana 27:21 Iomraidhean Croise

Pianciilna 1:5

ama in khuavak sia ‘Sun’ ci a, khuazing sia ‘Zan’ ci hi. Nitak hun bo in zingsang hong theng a — a ni khat ni ahi hi.

Pianciilna 1:8

Ama in mun kuampi sia “Van” ci hi. Nitak hun bo in zingsang hong theng a — a ni nii ni ahi hi.

2 Khangtaanghthu 13:11

Zing sim nitak simin amate in ama tungah ngimnamtui biakpiakna le nganno taw pumhal sangaw biakpiaknate nei uh hi. Amate in zeksa ngeina bangin a thiangtho sabuai tungah anluum biakpiakna pia a, tuaciang nitak simin khamh meivak khuam tungah meiinnte de uh hi. Kote in Topa thupiak bang ka seam uh hi, ahihang note in ama na nusia uh hi.

Psalm Late 134:1

Zan hun sung Biakinn sungah a naseam, ama ii naseamte theampo awng, hong pai tavun a, Topa pok vun!

Pusuana 12:14

Keima Topa in bang vawt khi ziam ci na phaw natu in hi ni sia biaknapoai khatin vawt tu nu hi. Mailam hun theampo ah tua poai vawt suak tavun,” ci hi.

Pusuana 16:34

Topa in Moses tungah a thupiak bangin tuasia a kikepcing natu in Aaron in Thuciamna Thingkuang mai ah koi hi.

Pusuana 25:16

Tuaciang nang kong piak tu thupiak teng a ki at suangpheak niite thingkuang sungah koi in.

Pusuana 28:43

Aaron le a tapate in a sealno teng a kimu hu in, thalupna a thuak ngawl natu in ka omna Puanbuk ah hong pai ciang ahibuale Mun Thiangtho ah thiampi naseam tu in biaknatau hong neak ciang tua ngoaipuan teang tawntung tu hi. Tua in Aaron le a suan a paalte atu in a zui tu ngeina kip ahi hi.

Pusuana 29:28

Hi thu a kikheal ngawl ka thukhenna hi a, ka mite in kipawlkhop biakpiakna a nei ciang, nganno awmsa le a pheisate thiampite neisa hi tu hi. Tua sa sia amate ii keima Topa tungah hong piak letsong ahi hi.

Pusuana 29:42

Hong pai tu hun theampo ah hi meihal biakpiakna sia ka ompuina Puanbuk tumna kongbiang, keima mai ah hong kipia tu hi. Tua munah ka mite kong mu tu a, kong paupui tu hi.

Pusuana 29:44

Puanbuk le biaknatau ka thiangthosak tu a, Aaron le a tapate in thiampi na seam tu in ka tuam koi tu hi.

Pusuana 30:21

Amate a thi ngawl natu in a khut le a peangte a sil kul hi. Hi ngeina sia amate le a suan a paalte in a tawntung a zui tu ahi hi,” ci hi.

Pusuana 30:36

Aheap sia suuvui in a, ka ompuina Puanbuk ah paipui in, Thuciamna Thingkuang mai ah the in. Hi ngimnamtui sia a thiangtho sinsen in ngaisun in.

Pusuana 30:8

Ama in nitakin mei a det ciang tuabang ma in vawt tu hi. Hi ngimnamtui biakpiakna sia hong pai tu hun theampo tatsat ngawlin a vawt tu ahi hi.

Pusuana 40:3

Thupiak Sawmte koina Thuciamna Thingkuang tua buk sungah koi in, a mai ah puankhai khai in.

Thiampite 10:9

“Nangma le na tapate sapittui ahibuale beer na neak zawk uh ciang kong ompuina Puanbuk sungah tum ngawl tu nu hi; na tum uh le thi tu nu hi. Hi thukham na suan na paalte theampo ii zui tu ahi hi.

Thiampite 16:34

Hi ngeinate maisang hun theampo ah zui tu ahi hi. Israel mite mawna theampo thiansua natu in hi zeksa ngeina sia kum khat in khatvei kivawt hamtang tu hi. Tuabangin Moses in Topa thupiak bangin seam hi.

Thiampite 17:7

Israel mite in Topa tungah hong thumaan in, lo sung keal doaite biakna in sa ngo nawn ngawl tu hi. Israel mite in maisang hun theampo ah hi ngeina zui tu hi.

Thiampite 23:14

Pathian tungah hi biakpiakna na piak uh mateng anthak peuma, a sial, a kan ahibuale anluum em ne heak vun. Hi ngeina sia na suan le na paalte theampo ii maisang hun theampo ah a zui tu ngeina ahi hi.

Thiampite 23:21

Tua ni in kuama in noma ii ni sim nasep bangma seam heak vun, ahizong biak kikhopna nei vun. Koisung po ah na teang uh zong na suan na paalte in hi ngeina sia maisang hun theampo ah zui tu uh hi.

Thiampite 24:2

Israel mite in Puanbuk sungah meiinnte a kidet ngei bangin a taan suak thei natu in olive thau phabelte hong paipui natu thupia in sawl hi.

Thiampite 24:3

Topa ompuina Thiangthobel Mun sungah a om Thuciamna Thingkuang mai puankhai pua sangah meite, nitak sim Aaron in de a, zingsang dong kuangtopsak tu hi. Hi ngeina sia maisang hun theampo ah zui tu ahi hi.

Thiampite 24:9

Hi anluumte Aaron le a suan a paalte neisa hi a, amate in mun thiangthona ah ne tu hi, banghang ziam cile thiampite atu in Topa tungah a kipia a thiangtho mama ante ahi hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Thiampite 3:8

tuu lu tungah a khut nga tu a, Puanbuk mai ah ngo tu hi. Thiampite in biaknatau pangh li ah a chi the tu a,

Thiampite 6:15

A vekpi in Topa tungah a kipia a hina thu heaksakna in ama in khutdim khat anvui le sathau, a tungah ngimnamtuite buakin, biaknatau ah hal tu hi. Hi biakpiakna ii ngim in Topa lungkimsak hi.

Thiampite 7:36

Tua ni in hi biakpiakna sung pan khen khat thiampite tungah piak tu in Israel mite tungah Topa in thupia hi. Hi sia in Israel mite ii mai sang hun theampo ah a zui tu ngeina khat ahi hi.

Malachi 2:7

Pathian a maan bang a heak takpi natu in hilna sia thiampite vaipuak ahi hi. Mite in amate kungah pai in ka deina a sin kul hi, banghang ziam cile amate sia Vaanglianbelpa Topa ii kamtaite ahi uh hi.

Mi Simna 18:23

Tu pan kipan Levi te bek in Puanbuk keamcing tu a, tua atu vaipuak theampo la siat tu uh hi. Hi thu na suan na paalte tung zongh ah a kizangh tu ngeina kip ahi hi. Levi te in Israel ngam sungah a kip a kho neisa bangma nei ngawl tu hi,

Mi Simna 18:5

Israel mite tungah ka thin uukna a puathap kik ngawl natu in nangma le na tapate bek in biaknatau le Mun Thiangtho vaipuak teng khuangkhim nanak tu nu hi.

Mi Simna 19:21

Hi zui tu thu sia maisang hun theampo ah na zui tu ahi hi. Kithiansuana tui a the pa in zongh a puante sawp nanak tu hi; tua tui a tham peuma nitak dongin biakna taw kisai in thiang ngawl lai hi.

Mi Simna 35:29

Hi ngeinate na teenna mun po ah nangma le na suan na paalte ii zui tu ahi hi.

Mi Simna 8:9

Tuaciang Israel taangpi bup khawm in a, ka ompuina Puanbuk mai ah Levi te dingsak in.

Matthew 4:16

Khuazing sungah a teang mihingte in, Khuavak taang lian mama khat mu tu hi. Thina khuazing ngamsung a teangte tungah khuavak a taang tu hi.”

Luke 12:35

“Hong tung tu thu khat pawpo atu in, a kingingta sa in om vun. A diang tawm tu in puansilh kholsa le meiinn vaak sa in om vun.

John 5:35

John sia meiinn taw kibang a, kuangin taang hi, tuaciangin tawmvei sung teng ama ii khuavak sia na leaplaw nuam uh hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

2 Peter 1:19

Tua ahikom kamsaangte son thute tungtaang ah thinmuanna ka nei seseam uh hi. Tua thute na thupi ngaisut tu pha hi, banghang ziam cile, tua Ni khua hong vak a, nikonghong aksi na thinsung uh ah hong taan dong in, khuazingna munah tua thu sia meivak taang taw kibang hi.

Thupualaakna 2:1

“Ephesus khua Pawlpi ii vantunglalang tungah hi bangin at in: “Hisia in a khut ziatsang ah aksi sali toai a, khamh meikhuam salite kawm ah a vakpa ii hong kamvaithak ahi hi.

1 Samuel 3:3

Samuel sia Thuciamna Thingkuang thiangtho omna biakpiakna munah mu in om hi. Khuavak ma, meiinn a taan laitak ma in,

1 Samuel 30:25

David in hi thuthun vawt a, tuate Israel ngam ah tua hun pan kipan kizui tan hi.