Pusuana 27:19 - Syin Chin Bible

¹⁹ Puanbuk atu a kizangh vanh theampo le puanbuk atu le a doituam tu in, a kizangh khetphin theampo taau taw kivawt tu hi.

Pusuana 27:19 Iomraidhean Croise

Ezra 9:8

Tu in hun tomno sung teng kote Pathian, Topa awng, ko tungah nong thuthiam a, mi pawlkhat sila pan nong suatak a, hi mun thiangthona ah thin muang takin nong teangsak hi. Saltanna pan nong suaktasak a, nuntakna thak nong pia hi.

Pusuana 27:18

A doituam sia metre 44 sau, metre 22 a zai le metre 2.2 a saang hi tu hi. Puankhaite puanneal taw kivawt tu a, a taw teng taau taw kivawt tu hi.

Pusuana 27:20

“Nitak simin meiinn a kidet thei natu in olive thau phabelte nang kung hong puak natu in Israel mite thupia in.

Pusuana 27:3

Sathau baang vut koi natu in bealpeute le kawkeaute, kuangte, thikkoaite le meikam luana daalpheakte vawt in. Hi nazakte theampo taau taw kivawt tu hi.

Pusuana 35:18

Puanbuk le doituam atu khetphinte le khaute;

Pusuana 38:20

Puanbuk le doituam kiimkot letna khetphin theampo taau taw kivawt hi.

Pusuana 38:31

Doituam kiim le a tumna kongbiang tawdapte le Puanbuk le doituam kiimkot letna in a kizangh khetphin theampo ama in taau taw vawt hi.

Pusuana 39:40

doituam atu puankhaite, a khuamte le a tawdapte; kongbiang puankhai le a khaute; Puanbuk khetphinte; puanbuk sungah a kizangh tu vanhzak theampo;

Thuhilsya 12:11

Mihing ciimte ii paunakte sia tuucingte ii tuute a cinna tu a, a zak ciangzumte bang hi a, a khoptua paunakte sia kho takin a kikhen thikpimte bang ahi hi. Tuate sia eite theampo hong cing ih tuucingpa Pathian ii hong piak ahi hi.

Isaiah 33:20

Ih biakna poaite khaamna khuapi ahi, Zion khua en vun. Jerusalem khua en vun! Teen natu in bang zata in a muanhuai a bitna mun khat ahi ziam? Tua in a khetphinte a kidok ngeingawl, a sawmna khaute a tattan ngeingawl, a kikhiin ngeingawl puanbuk khat taw kibang tu hi.

Zechariah 10:4

Amate sung panin ka mite a uk tu ngamukte, lampuite le ngalkap maangte hong piang tu hi.

Mi Simna 3:37

Amate in khuamte, tawdapte, khetphinte le a puasang kikhopna mun atu khaute zongh vaipuak la tu uh hi.

Mi Simna 4:32

tuaciang khuamte, tawdapte, khetphinte le puanbuk kiim kikhop na munah khaute, tuate taw a kizom nate theampo puak tu vaipuak nei uh hi. A puak tu vanhte mi simin vaipuak tekin nei tu hi.