Pusuana 27:1 - Syin Chin Bible

¹ “Acacia thing taw biaknatau khat vawt in. Tua in king li nei tu a, a sauna metre 2.2, a zaina metre 2.2, a saanna metre 1.3 hi tu hi.

Pusuana 27:1 Iomraidhean Croise

2 Samuel 24:18

Tua ni ma in Gad sia David kungah hong pai a, “Araunah ii ancilna munah va pai ta'n a, tua munah biaknatau khat Topa atu sa ta'n,” ci hi.

2 Kumpite 16:14

Taau taw kivawt biaknatau Topa tungah a ki aapsa sia biaknatau thak le Biakinnpi kilaklaw ah koi uh a, tua ahikom Ahaz in biaknatau thak sia ii saksang ah khiin hi.

1 Khangtaanghthu 6:49

Aaron le a suan a paalte in ngimnamtui biakpiaknate pia in biaknatau tungah a kihal sangaw biakpiaknate pia uh hi. Thiangthobel Mun ah biakna theampo atu le Pathian ii Israel te mawna khialna a maisak natu in sangaw biakpiaknate atu sia amate nasep hi. Amate in hi nasep teng sia Pathian naseampa Moses ii thupiak nate bangin seam uh hi.

2 Khangtaanghthu 4:1

Solomon kumpipa in king khat metre 9 veu a zai, a saanna metre 4.5 a pha, king li nei biaknatau khat taau taw vawtsak hi.

Ezra 3:2

Jehozadak ii tapa Joshua, a thiampi puite le Shealtiel ii tapa Zerubbabel le a beete teng in Pathian ii mihing Moses ii Thukham sungah a ki at hilnate bangin sangaw biakpiaknate a hal thei natu in Israel ii Pathian biaknatau sa kik uh hi.

Pusuana 17:15

Moses in biaknatau khat sa a, a min phuakin, “Topa sia ka Zawna Dial hi “Jehovah Nissi” ci hi.

Pusuana 24:4

Topa thupiak theampo Moses in at siat hi. A zing ciang zing tuungin mualpeang ah Moses in biaknatau khat sa in, Israel minam sawm le niite atu in suangtum sawm le nii phut hi.

Pusuana 31:9

meihal piak natu biaknatau le a na zak theampo, khut silna kuang le a ngakna,

Pusuana 35:16

meihal biakpiak natu biaknatau le a saaksai, a zawnna thingpumte le a vanh teng; kisilna kuang le a ngakna;

Pusuana 39:39

taau saaksai taw kithua biaknatau, a thingpumte, a vanhzak theampo; khut silna kuang le a ngakna;

Pusuana 40:10

Tua zawkciang biaknatau le a vanhte theampo a thiangtho sathau noina taw aap in, tua hile thiangtho sinsen tu hi.

Pusuana 40:29

tua mun puankhai mai ah meihal biakpiak natu in biaknatau koi hi. Topa thupiak bangin tua biaknatau tungah ama in sangawna taw meihal biakpiakna le antang taw biakpiakna te seam hi.

Pusuana 40:6

Puanbuk mai ah meihal biakpiak natu in biaknatau koi in.

Mi Simna 3:31

Amate in Thuciamna Thingkuang, Sabuai, meidetna khuam, biaknataute, Mun Thiangtho ah thiampite ii zak vanhte le Thiangthobel Mun sung tumna ah puankhai vaipuak la tu uh hi. Amate in hi nate taw a kipee-aw nasep theampo vaipuak la tu uh hi.

Mi Simna 4:13

Amate in sathau a nel vutte biaknatau pan luak tu a, a tungah puan sandup khat pha tu hi.

Mi Simna 4:14

Amate in biaknatau nasepna ah a kizangh vanhte: meihalna kuangte, thikkoaite, kawkeaute le kisilna kuangte theampo tua tungah koi tu uh hi. Tuaciang amate in savun pha khat tua tungah koi tu uh hi, tuaciang a zawnna thingpumte thun tu uh hi.

Hebrew te 13:10

Jew te ii biakna munah thiampi seamte in, ih biaknatau tungah a om sate a neak thei natu thu nga ngawl hi.