Pusuana 25:8 - Syin Chin Bible

⁸ Amate sungah ka teen thei natu in, kei atu in mite in puanbuk thiangtho khat vawt tahen.

Pusuana 25:8 Iomraidhean Croise

1 Kumpite 6:13

Tu a na sak hi Biakinnpi sung, Israel ka mite sungah kong teang tu a, tuaciangin amate ka nusia ngei buatu hi,” ci hi.

1 Khangtaanghthu 22:19

Tu in na thinsung theampo le na thaa theampo taw Topa na Pathian na seam in. Topa Thuciamna Thingkuang le ama biakna ah a kizangh vanh thiangtho dangte theampo a sungah na koi thei natu in tua Biakinnpi sak kipan in,” ci hi.

Pusuana 15:17

Nangma in amate paipui in na mual tungah na omsak hi, Topa awng, tua mun sia nangma tatak ii na saksa Biakinnpi, na inn atu in na tealna mun ahi hi.

Pusuana 15:2

Topa sia a thahat hong dalpa hi a; Ama in kei hong hunpa hi. Ama in ka Pathian hi a, ka pok tu hi, ka pa ii Pathian hi a, ama ii letna thu la in ka sa tu hi.

Pusuana 29:45

Israel mite sungah ka teang tu a, amate ii Pathian ka hi tu hi.

Pusuana 29:46

Israel mite sungah ka teen thei natu in keima in Egypt pan amate a pusuapui Topa a Pathian ka hina amate in he tu uh hi. Keima in amate ii Pathian Topa ka hi hi.

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Ezekiel 37:26

Amate a tawntung ngammuangin a omsak thuciamna khat amate taw ka vawt tu hi. Amate ka kipsak tu a, a mite pungsakin, ka Biakinnpi sia a ngam sungah a tawntung a om tu in ka koi tu hi.

Ezekiel 37:28

Ka Biakinnpi sia amate sungah a tawntung atu ka phu ciang, minamte in Keima, Topa in Israel sia keima mi in ka teal hunlam hong he tu uh hi,” hong ci hi.

Ezekiel 43:7

“A thithei mihing awng, hi lai ah ka kumpi tokhum om hi. Hi lai Israel mite sungah teangin, amate a tawntung ka uk tu hi. Israel mite le a kumpite in pathian dangte biakna taw ahizong, a kumpite luang hi munah phumna taw ahizong, ka min thiangtho daisak kik nawn ngawl tu hi.

Thiampite 10:4

Moses in Aaron pano, Uzziel tapate ahi, Mishael le Elzaphan sam a, amate tungah, “Hi sungah hong pai tavun a, a thiangtho Puanbuk sung pan ngiaphual pua sangah na suapuisealte ii luang pusuapui tavun,” ci hi.

Thiampite 26:11

A thiangtho ka Puanbuk sungah note taw ka teang tu a, note kong nungngat ngei buatu hi.

Thiampite 4:6

Ama in a khutme, chi sungah pap tu a, a thiangtho puankhai mai ah salivei the tu hi.

Zechariah 2:10

Topa in, “Jerusalem mite awng, lungdamin lasa vun! Note sungah a teang tu in kong pai hi!” ci hi.

Zechariah 8:3

Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi.

Mi Simna 5:3

Amate sungah ka teenna hi ngiaphual, a nitsak ngawl natu in biakna taw kisai a thiang ngawl hi mihingte theampo hawlkhia in,” ci hi.

Sawltakte 7:44

“Ih taanghpupite in Pathian ompuina a kilakna Puanbuk sia sennealngam sungah keng kawkoai hi. Tua Puanbuk sia Moses tungah Pathian sawl bang le a kilak lim bangin a kivawt ahi hi.

2 Corinth te 6:16

Pathian ii biakinn sia doai biakna milimte taw bangbangin thukimna vawt thei tu ziam? Banghang ziam cile eite sia a nungta Pathian biakinn ih hi hi! Pathian in: “Ka mite sungah ka inn ka vawt tu a, amate sungah ka teang tu hi; keima in amate Pathian ka hi tu a, amate in keima mihingte ahi tu uh hi,” ci hi.

Thuhil kikna 12:11

Topa in ama a kibiak natu in mun khat tealtuam tu a, kong thupiak bangin tua munah na theampo na puak tu uh hi: tuate in meihal biakpiakna le a dang sangaw biakpiaknate, na sawm a khat le na sumpite le Topa tungah na kamciam a tuam vilvel letsongte ahi hi.

Hebrew te 3:6

Ahihang Christ sia Pathian inn uk Tapa bangin thumaan hi. Eite in, ih lametnate sungah thinletna le kimuanna ih kholet le ama inn ih hi hi.

Joshua 22:31

Eleazar thiampipa ii tapa Phinehas in amate tungah, “Tu in ka heak uh thu pan Topa sia ei taw hong omkhawm hi, tua ahikom noma in Topa ii daan hong piak natu panin Israel mite hong suatak nu hi,” ci hi.

Thupualaakna 21:3

Kumpi tokhum pan a ngingin a pau khat ka za hi: “Tu in Pathian omna inn sia mihingte taw omkhawm zo hi! Ama in amate taw teang khawm tu a, ama mihingte a hi tu hi. Pathian mama in amate taw omkhawm tu a, ama in amate ii Pathian ahi tu hi.