Pusuana 24:8 - Syin Chin Bible

⁸ Tuasia ciang Moses in kuangte sung pan chisan la in mipite the hi. Ama in, “Hi chisan sia Topa ii hi thu teng hong piak lai in, ama ii note taw a vawt thuciamna a kipsak chisan ahi hi,” ci hi.

Pusuana 24:8 Iomraidhean Croise

1 Kumpite 8:21

Egypt ngam panin ih taanghpupite a pusua pui lai in Topa in amate taw thuciamna suangpheak nii a om Thuciamna Thingkuang koi natu mun khat zongh Biakinnpi sungah ka vawtsak hi,” ci hi.

1 Kumpite 8:9

Thuciamna Thingkuang sungah, Egypt ngam panin Israel mite a pusua lai in Sinai mual tungah Topa in amate taw thuciamna a vawt ciangin Moses ii koi tua suangpheak nii te simngawl, nadang bangma om ngawl hi.

Psalm Late 78:36

Ahihang a pauna uhte leilot thu vive hi a, bangma ci takpi thu a om bua hi.

Pusuana 24:6

Moses in nganhing te ii chisan a lang la in kuang sungah koi a; a lang sia biaknatau ah the hi.

Isaiah 52:15

Ahihang tu in minam tam mama in ama lamdang sa tu uh a, kumpite sia lamdang sa in pau thei ngawl liang tu uh hi. A heak ngeingawl na pawlkhat amate in mu in tel tu uh hi,” ci hi.

Jeremiah 31:32

Tua thuciamna sia a taanghpupite a khut uh pan kai in Egypt ngam pan ka pusua pui lai a, a taanghpupite taw ka vawt uh thuciamna lui taw kibang ngawl tu hi. Keima sia amate ii a pasal bang hi napi amate in tua thuciamna zui ngawl uh hi.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Thiampite 8:30

Moses in noi sathau tawm le biaknatau tungah a om sachi tawm la in, Aaron le a tapate le a puante tungah the hi. Hi bangin amate le a puante Topa tungah aap hi.

Haggai 2:5

Egypt ngam pan nong pusua uh lai in a tawntung note taw kong omkhawm tu hi ci in kamciam kong pia hi. Tu zonghin note taw kong omkhawm nginge lai hi, tua ahikom lau heak vun.

Zechariah 9:11

Topa in, “Sangaw biakpiakna chisan taw a kikipsak ka thuciamna hangin na saltanna mun, tui om ngawlna dum sung pan note kong suaktasak tu hi.

Matthew 26:28

hi sia in ka chisan hi a, Pathian thuciamna a kipsak, mihing tam mamate mawna a kimaisak natu a bua ka chisan ahi hi.

Mark 14:24

“Hisia in mihing tam mamate atu a kibua ka chisan hi, Pathian thuciamna a kipsak ka chisan ahi hi.

Luke 22:20

Tuasia bangma nitak anneak zawkciang, amate hai pia a, hi bangin ci hi. “Hi hai sia Pathian thuciamna thak no atu a hong kibua ka chi taw, a kikipsak sia ahi hi.

1 Corinth te 11:25

Tuasia bangma zan an a neak zawkciang ama in hai la in, “Hi hai in ka chi taw a kikipsak Pathian ii thuciamna thak ahi hi. Na dawn uh simin, kei nong phawna in na dawn vun,” ci hi.

Ephesus te 1:7

Banghang ziam cile Christ ii chisan hangin eite kisuakta a, tua thu in ih mawna kimaisak hi, cinopna hi. Pathian ii thuthiamna bangza in lian ziam,

Thuhil kikna 5:2

Topa ih Pathian in Sinai Mual tungah thuciamna khat vawt a,

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Hebrew te 13:20

A nuntakna biakpiakna in a piak hu in Tuucing Lian ahi Topa Jesus sia Pathian in thina pan tho kiksak zo a, tuaciang a chisan hu in a tawntung thuciamna sia kikipsak zo hi. Kilemna Pathian in ama ii dei sia na vawt thei natu in na kisap uh vanh pha theampo hong pia tahen a, tuaciang ama diksak sia Jesus Christ tungtawnin ei sungah hong seam tahen. Christ tungah minthanna a tawntung a tawntungin om tahen! Amen.

Joshua 24:25

Tua ahikom Joshua in tua ni in mipite atu thuciamna khat vawt a, Shechem ah thukhamte le ngeina zui tute pia hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.