Pusuana 24:7 - Syin Chin Bible

⁷ Tua zawkciang Moses in Topa thupiak teng a ki at, thuciamna laibu la in mipite tungah nging takin sim hi. Amate in, “Topa thu ka ni tu uh a, ama thupiak theampo ka vawt siat tu uh hi,” ci uh hi.

Pusuana 24:7 Iomraidhean Croise

1 Kumpite 8:9

Thuciamna Thingkuang sungah, Egypt ngam panin Israel mite a pusua lai in Sinai mual tungah Topa in amate taw thuciamna a vawt ciangin Moses ii koi tua suangpheak nii te simngawl, nadang bangma om ngawl hi.

2 Khangtaanghthu 15:14

Tua thuciamna a kepcing natu in Topa min taw awnging in kiciamna nei hi, tua zawkciang amate au in lemle tum uh hi.

Psalm Late 50:5

Ama in, “Sangaw biakpiakna nei in, kei taw thuciamna a vawt, a thumaan ka mihingte kei kungah hong khawmtua tavun” ci hi.

Psalm Late 78:36

Ahihang a pauna uhte leilot thu vive hi a, bangma ci takpi thu a om bua hi.

Pusuana 19:8

Tuasia ciang mi theampo in, “Topa ii ci theampo seam tu khu hi,” ci in zo a, Moses in Topa tungah hi a zona thu teng puak hi.

Jeremiah 34:13

Israel ii Pathian in mipite tungah thuson tu in keima hong sawl na pan in: “Keima in na taanghpupite uh a sila kaaina Egypt ngam pan ka suatak lai in amate taw thuciamna khat ka vawt hi.

Jeremiah 42:6

Koma dik ka sa a dik ka sa bua uh zong ama ii tungah thungetsak tu in kong sawl uh Topa, ih Pathian ii thu ka ni tu uh hi. Ama ii thu ka ni uhle ka mai uh vangin pha tu hi,” hong ci uh hi.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Malachi 2:10

Eite theampo in a kibang pa nei kana ngawl hi ziam? A kibang Pathian in eite theampo hong bitphua kana ngawl ziam? Tua ahile eite khat le khat, ih kamciamte banghangin paltan a, ih taanghpupite taw Pathian ii a vawt thuciam sia banghangin zawnsak vawt tu hi ziam?

Sawltakte 13:15

Moses Thukham le kamsaangte lai atte a sim zawk uh ciangin, synagogue uliante in: “Suapuite awng, hanthot nopna thupuak nong nei uh le, mihingte tungah nong son tu ka dei uh hi,” ci hi.

Colossae te 4:16

Hi laithak na sim zawk uh ciangin Laodicea pawlpite zongh in na simsak hamtang vun. Laodicea khua a om ih suapuite hong puak tu lai sia zongh na sim vun.

1 Thessalonica te 5:27

Thu um mi theampo tungah hi laithak na sim natu in Topa thuneina suangin kong thawn hi.

Joshua 24:24

Tuasia ciang Mipite in Joshua munah, “Topa ih Pathian naseam tu khu hi. A thu piakte ni tu khu hi,” ci uh hi.