Pusuana 24:3 - Syin Chin Bible

³ Moses pai in a mipite tungah Topa thupiak teng le zui tu thu teng son a, mihing theampo in, “Topa ci theampo ka vawt siat tu uh hi,” ci in zo uh hi.

Pusuana 24:3 Iomraidhean Croise

2 Khangtaanghthu 15:14

Tua thuciamna a kepcing natu in Topa min taw awnging in kiciamna nei hi, tua zawkciang amate au in lemle tum uh hi.

2 Khangtaanghthu 15:15

A thin theampo uh taw hi thuciamna vawt zo ahikom Judah mite theampo lungdam uh hi. Topa a biakna ah amate a lungdam uh ciang ama in saang a, mun theampo ah amate kilemna pia hi.

Psalm Late 50:5

Ama in, “Sangaw biakpiakna nei in, kei taw thuciamna a vawt, a thumaan ka mihingte kei kungah hong khawmtua tavun” ci hi.

Pusuana 19:8

Tuasia ciang mi theampo in, “Topa ii ci theampo seam tu khu hi,” ci in zo a, Moses in Topa tungah hi a zona thu teng puak hi.

Pusuana 24:2

A dangte hi ngawl, nangma bek in ka kung nong pai tu hi, midangte kuama in hong neak ngawl tu hi. Mipite sia mualtung ngawngawn zong ah kaato ngawl tu hi,” ci hi.

Pusuana 24:7

Tua zawkciang Moses in Topa thupiak teng a ki at, thuciamna laibu la in mipite tungah nging takin sim hi. Amate in, “Topa thu ka ni tu uh a, ama thupiak theampo ka vawt siat tu uh hi,” ci uh hi.

Jeremiah 11:4

Hi thuciamna sia pummei lingh taw a kibang Egypt ngam pan amate ka paipui lai in, a taanghpupite taw ka vawt uh thuciamna ahi hi. Ka thu hong nit natu le ka thupiak theampo vawt tu in amate ka son hi. Ka thu hong ni uh le, amate sia ka mite hi tu uh a keima in amate ii Pathian ka hi tu hi ci in amate ka son hi.

Jeremiah 34:13

Israel ii Pathian in mipite tungah thuson tu in keima hong sawl na pan in: “Keima in na taanghpupite uh a sila kaaina Egypt ngam pan ka suatak lai in amate taw thuciamna khat ka vawt hi.

Haggai 2:5

Egypt ngam pan nong pusua uh lai in a tawntung note taw kong omkhawm tu hi ci in kamciam kong pia hi. Tu zonghin note taw kong omkhawm nginge lai hi, tua ahikom lau heak vun.

Malachi 2:10

Eite theampo in a kibang pa nei kana ngawl hi ziam? A kibang Pathian in eite theampo hong bitphua kana ngawl ziam? Tua ahile eite khat le khat, ih kamciamte banghangin paltan a, ih taanghpupite taw Pathian ii a vawt thuciam sia banghangin zawnsak vawt tu hi ziam?

Thuhil kikna 11:1

“Topa na Pathian it vun, a thukham theampo zui tawntung vun.

Thuhil kikna 4:1

Tuaciang Moses in mipite tungah, “Kong hil thukham theampo zui vun, tua hile na nungta tu uh a, Topa na taanghpupite ii Pathian ii note hong piak tu ngam na la tu uh hi.

Thuhil kikna 4:45

Hi thukhamte sia Egypt pan a pusua zawk, Bethpeor khua ii langkhat Jordan ngun nisuana sang kuam ah a om lai in pia hi. Tua mun sia Heshbon khua a uk Amor Kumpipa Sihon ii ngam sungah om hi. Egypt pan a pusua zawkciang Moses le Israel mite in ama zo uh hi.

Thuhil kikna 4:5

“Topa ka Pathian hong sawl bangin thukham theampo note kong hil zo hi. Na sim tu uh le na laak tu uh ngam ah hi thute zui vun.

Thuhil kikna 5:1

Moses in Israel mite theampo samin amate tungah, “Israel mite awng, tuni in kong piak thukham theampo ngai vun. Sin vun a, pha tak zui vun.

Thuhil kikna 5:31

Ahizong Moses awng, nang sia keima taw hi lai ah om in a, ka thukhamte le thupiakte theampo kong pia tu hi. Ka piak tu ngam sungah hi thute a zui thei natu in tua teng mipite hil in,’ hong ci hi.

Thuhil kikna 6:1

“Hi thukham theampo note kong hil tu in Topa na Pathian in thu hong pia hi. Note tumin na laak tu uh ngam sungah tua teng zui tavun.

Joshua 24:21

Mipite in Joshua munah, “Hi ngawl hi! Topa na seam tu khu hi,” ci uh hi.

Joshua 24:22

Joshua in amate munah, “Topa na seam tu a, na teal huvau in no mama a tetti hi tu nu hi,” a ci ciang, “Hi hi, koma tetti hi khu hi,” a ci uh hi.

Joshua 24:24

Tuasia ciang Mipite in Joshua munah, “Topa ih Pathian naseam tu khu hi. A thu piakte ni tu khu hi,” ci uh hi.