Pusuana 24:10 - Syin Chin Bible

¹⁰ amate in Israel te ii Pathian mu uh hi. A peang nuai ah vancii bang ahi, sapphire suangpheak khat taw a kibang om hi.

Pusuana 24:10 Iomraidhean Croise

Pianciilna 32:30

Jacob in, “Maitang kisi in Pathian ka mu zo a, ahizong kei hong kihingkhoai lai hi,” ci ahikom ama in tua mun sia Peniel ci in min phuak hi.

Pianciilna 32:31

Jacob ii Peniel a nusiat laitakin ni suak a, ama a khealbai hi, banghang ziam cile ama a khealngu kiloai hi.

1 Kumpite 22:19

Micaiah in zomto a, “Tu in Topa pauna teng ngai vun! Topa sia vantung a kumpi tokhum tungah to a, ama ii vantunglalangte a kiim ah a ding ka mu hi.”

2 Khangtaanghthu 6:17

Tua ahikom tu in Israel ii Topa Pathian awng, na naseampa David tungah kamciam na piakte theampo taangtungsak in.

Pusuana 24:11

Pathian in Israel lampuite bangma law ngawl hi; amate in Pathian mu a, tua zawkciang amate an nekhawm tui dawnkhawm uh hi.

Pusuana 3:6

Keima in na taanghpupite ii Pathian, Abraham, Isaac le Jacob te ii Pathian ka hi hi,” ci hi. Tua ahiciang Moses in a mai hum hi, banghang ziam cile Pathian en ngam ngawl hi.

Pusuana 33:20

Ka maitang kong musak buatu hi, banghang ziam cile ka maitang a mu peuma, nungta ngawl tu hi.

Pusuana 33:23

Tua zawkciang ka khut ka dok tu a, ka nung teng na mu tu hi, ahizong ka mai na mu buatu hi,” ci in zo hi.

Solomon ii La 5:14

A khutte sia a et hoi a pha in piang a, ama in suangmanpha khutzungbute bun hi. A pumpi sia suangmanpha taw a kizeam saiha neal taw kibang hi.

Solomon ii La 6:10

Zingsang khuavak taw a kibang hisia nu akua ziam? Ama a mealpha a, taang hiihee a, ni bang tha bangin tee hi.

Kaa late 4:7

Ih kumpi tapate sia kiihuai ngawl hi, vuuk bangin thiangtho a, thahat in taktai a ciidam sitset uh hi.

Ezekiel 1:1

Kum sawmthum kum a tha li na a ni nga ni in Babylon ngam Chebar ngunhui ah keima Buzi ii tapa thiampi Ezekiel in Judah mi saltaangte taw ka teang khawm hi. Van kihong a, tuaciang Pathian ii lak mukholna khat ka mu hi. (

Ezekiel 10:1

Cherub te ii lu tung san ah a kikhup siin sia ka en a, a tungah sapphire suang manpha taw a kivawt kumpi tokhum bang khat a om hi.

Daniel 10:17

A topa mai ah a ding sila khat taw ka kibang hi. Bangbangin hong paupui thei tu khi ziam? Thangui thatang ka nei bua hi, ka husamh hi,” ka ci hi.

Mi Simna 12:8

Tua ahikom ama taw kimaingat in kam soaiheamte zangh ngawlin thiang takin ka paupui hi; a ma in ka pianlim ngawngawn hong mu hi! Ka naseampa Moses langpanin bangbang pau ngam nu ziam?” ci hi.

Matthew 17:2

Amate mu tangin meal kikhealna sia Jesus tungah hong piang hi: a maitang sia ni bangin taang a, a puansilhte sia tee velvol hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 14:9

Jesus in, “No teng taw khuangei mama hong omkhawm zo khi hi; tua hi napi Philip awng, hong he ngawl lai ni ziam? Kei hong mu po in Pa a mu zo hi. Tua ahile banghangin ‘Ko, Pa hong lak tan’ ci ni ziam?

John 6:46

Hisia ka ci ciang, khat po in, Pa mu ngei hi, cinopna hi ngawl hi; Pathian kung panin, hong pai sia bek in Pa mu ngei hi.

1 Timothy 6:16

Ama bek thi maw a; kuama in a nai a neak thei ngawlna khuavak sungah teang hi. Kuama in ama mu ngeingawl a; kuama in ama mu thei ngeingawl tu hi. Ama ii tungah zatakna le tawntung ukzawkna om tahen! Amen.

1 John 4:12

Kuama in Pathian mu ngeingawl hi, ahihang eite khat le khat ih ki it le, Pathian sia ei taw pumkhat in hong omkhawm a, tuaciang ama ii itna ei sungah hong cialcingsak hi.

Thupualaakna 1:16

Ama in a khut ziatsang ah aksi sali toai a, tuaciang a kam sung panin a lang nii hiam namsau khat hong pusuak hi. A maitang sia sun lai nitaang bangin taang hi.

Thupualaakna 21:11

tua khuapi sia Pathian minthanna taw tee ziikzeak a, jasper suangmanpha bangin taangin, crystal suang bangin thiang sitset hi.

Thupualaakna 4:3

Ama maitang sia jasper le carnelian suangmanphate bangin, taang a, tuasia ciang a kumpi tokhum buppi kiimkot ah emerald suanghing bang ahi sangun khat om hi.