Pusuana 23:8 - Syin Chin Bible

⁸ Sumnguk ne heak vun, banghang ziam cile sumnguk in mihingte a maan bang musak ngawlin, a maw ngawlte mailam lalsak hi.

Pusuana 23:8 Iomraidhean Croise

Psalm Late 15:5

Amate in a meet ngawl taw sum pukthaak hi, tuaciang a maw ngawlte langpanna tetti tu in sumnguk ne ngawl hi. A kuama po hi bang a, a ngamta sia in ngam muanna nei tawntung tu hi.

Psalm Late 26:10

ngitlona a vawt tawntungte le sumnguk a ne nuam tawntungte ii thuak tute hong thuaksak heak in.

Paunakte 15:27

Thumaan ngawlin meetna nga tu na sawm le na innkuan in ngimna sung na theng tu hi. Sumnguk ne heak in tua hile na khansauzaw tu hi.

Paunakte 17:23

A maan ngawl thukhenmangte in sumnguk ne ku hi, tuasia ciang a khaikim thukhenna kivawt nawn ngawl hi.

Paunakte 17:8

Mihing pawlkhat in sumnguk piakna sia mitbum bang hi thei tu in ngaisun uh hi; amate in sumnguk piakna taw na theampo seam thei tu in um hi.

Paunakte 19:4

Mihaute in ngualtamh thakte mu tawntung hi, ahihang a zawngte in ngualtamh tawmno a nei sun teng keam zo ngawl hi.

Thuhilsya 7:7

A ciim khat in mihing khat pawpo a theam ciang a mawmaw khat bangin ngamta na suak hi. Sumnguk na ne le na ngamtatzia lalsak, na hi hi.

Isaiah 1:13

Nong paipui uh biakpiaknate kimanna nei ngawl hi. Na hal uh paaknamtui ngim ka kii hi. Thadet Poaite, Sabbath nite le biakna kikhopnate ka thuak zo bua hi; tuate a vekpi in na mawnate uh in ninsak siat hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Isaiah 33:15

Thumaan son in a maan na seam uh le na suakta zo tu uh hi. Na vaang neina uh sia mizawngte theamna in zangh heak vun a, sumnguk sang heak vun. Mihing thalup a sawmte taw ahizong, a dang a sia vawt theite taw ahizong, kipawl heak vun.

Isaiah 5:22

Note a lal na hi uh hi! Sapittui ne in a hangsan te awng! Zu helin na neak tu uh hangsan in launa nei ngawlte awng!

Isaiah 5:23

Ahihang sumnguk khat po taw a maw mite na suaktasak zeang uh a, a maw ngawlte ii thukhaikim thu khenna a nga natu na khaam uh hi.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Hosea 4:18

Sapittui tam mama a neak zawkciang amate pumpi zuakna taw nuamsa in, minphatna saang in minsiatna dei zaw uh hi.

Amos 5:12

Na mawna uh bangza in kiitakhuai a, khialna lian bangza vawt zo nu ziam ci sia ka he hi. Mihing phate vawtsia in, sumnguk ne a, thukhenzum ah mizawngte atu in thukhaikim a kisep natu na khaam uh hi.

Micah 7:3

Amate siatna vawt tu thiam siat uh hi. Uliante le thukhenmangte in sumnguk ngen uh hi. Mihing ci thei khat in ama uuk teng amate tungah son a, tuabangin amate vaihawm khawm uh hi.

Thuhil kikna 10:17

Topa na Pathian sia pathiante theampo tung le a vaang nei theampo tungah thu neibel hi. Ama lian in thahat a, kiitak tu ahi hi. Ama in nguptuam nei ngawl a, sumnguk saang ngawl hi.

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

1 Samuel 12:3

Hi sungah om khi hi. Ka sep ka vawt khat po ahi ngawl a om le tu in Topa le a tealsa kumpipa mai ah maw hong suan tavun. Mihing khat po ii khui ahizong, laa ahizong kong laaksak ngei ziam? Akua khat po kong theam ngei, kong nengniam ngei ziam? Khat po tung pan sumnguk kong saang ngei ziam? Hi bang khat pawpo ka ngamta ngei le ka laak babang pia kik tu khi hi,” ci hi.

1 Samuel 8:3

Ahihang amate in a pa nasep bangin a seam bua uh hi; amate in sum vawt tu bek kin ahikom, sumnguk ne in thumaan thutang taw thu a khen bua uh hi.