Pusuana 23:30 - Syin Chin Bible

³⁰ Tua sangin tua ngam a lua khom tu mihing na om thei mateng tawtawm in ka not tu hi.

Pusuana 23:30 Iomraidhean Croise

Thuhil kikna 7:22

Mainawt in na pai uh kawmin ama in hi minamte tawtawm, tawtawm in notkeak tu hi. Note in thakhat thu in amate theampo na mon thei buatu uh hi, banghang ziam cile tuabang na hi uh le ngamsate hong tam seseam tu a, note atu in lauhuai vaial tu hi.

Joshua 13:6

Hisia Lebanon Mualte le Misrephoth Maim kilaklaw mualtung ngam a teang Sidon te ngam theampo kihel hi. Israel mite a mai sang a nawk kawmin hi mite theampo ka notkhia tu hi. Kong sawl sa bangma in ngam le lei te sia Israel mite sungah na hawmsak tu uh hi.

Joshua 23:4

Ngamsung minam a taanglai te ii leitang sia noma namte atu kong pia zo a, nisuana Jordan ngun pan nitumna Mediterranean Tuipi dong ka zawthal sa minam teng ii ngam zongh kong khensak zo hi.

Joshua 23:5

Topa na Pathian in no kung pan amate nungkinsak tu a, tuaciang mai sang na manaw uh ciang amate hawlkeak tu hi. Topa na Pathian ii hong kamciamsa bangin amate ngam sia na tang tu uh hi.

Joshua 23:9

Topa in a thahat minam liante sia na mai sang na manaw uh ciang hong nawkeaksak zo a, kuama no hong nalh zo om ngeingawl hi.