Pusuana 23:27 - Syin Chin Bible

²⁷ “No hong langpan mihingte in keima hong kiitak natu in ka vawt tu hi; na do ngalte sungah buaina ka omsak tu a, note kung pan na ngalte theampo kilee in ka taisak siat tu hi.

Pusuana 23:27 Iomraidhean Croise

Pianciilna 35:5

Jacob le a tapate vaiding tu a kipat lai in, khua naina tengah a teang mite tungah launa lian tung ahikom khua mite in amate del ngawl uh hi.

2 Samuel 22:41

Ka ngalte ka kung panin na taisak a; kei hong ensan te ka mon hi.

2 Kumpite 7:6

Topa in Syria te ii zaakna ah siphu te le siphu ngalleangte taw ngalkap honpui kuan in a nging bang khat zasak a, tuaciang Israel kumpipa in Hit le Egypt kumpite ngalcialin, amate simsak hi ci in Syria te in ngaisun uh hi.

2 Khangtaanghthu 14:14

Tua munah a om mite in Topa a kiitak lei hu in ama te in Gerar kiim a om khuapite siasak thei uh hi. Tua khuapite theampo ngalkaphonpite in phuul in a vanh tam mama laaksak uh hi.

Psalm Late 18:40

Ka ngalte ka kung panin a tai natu in na vawt hi; kei hong ensante ka lalsak hi.

Psalm Late 21:12

Ama in a thaltangte taw amate kap tu a, nungsangah leetaisak tu hi.

Pusuana 33:2

Vantunglalang khat note lam hong lak tu in kong puak tu a, Canaan te, Amor te, Hit te, Periz te, Hiv te le Jebus te ka notkeak tu hi.

Pusuana 34:24

Note mai ah minamte notkeak in, na ngam kong keaksak zawkciang, poai khaam thumvei hun sung teng kuama in na ngam hong zaw tu hanciam ngawl tu hi.

Mi Simna 22:3

ama le a mihingte theampo patau mama uh hi.

Thuhil kikna 11:23

Tuasia ciang, mainawt in na pai uh kawmin tua minamte theampo ama in notkeak tu a, note sangin a lianzaw le a hatzaw mite ii leitang na la tu uh hi.

Thuhil kikna 11:25

Tua ngamsung na paina po ah Topa na Pathian ii hong kamciam bangin ama in, mihingte ii kiitak hong hisak tu uh a, kuama in note hong khaam zo buatu uh hi.

Thuhil kikna 2:25

Tuni a kipan mun theampo ah mihingte in note hong kiita tu in ka vawt tu hi. Na min uh a kilaw ciang mihing theampo lau in liing tu uh hi,’ hong ci hi.

Thuhil kikna 6:19

ama kamciam bangin na ngalte na notkeak tu uh hi.

Thuhil kikna 7:23

Topa in na ngalte na khut sungah hong pia tu a, amate a kilalcipsak siat mateng in amate patausak tu hi.

1 Samuel 14:15

Ngam sungah a om Philistine te theampo lau ngawp uh hi; a suttolte le ngiaphual a om ngalkapte lau in liing uh hi; lei liingin patauna lianpi om hi.