Pusuana 23:25 - Syin Chin Bible

²⁵ Topa na Pathian keima nong bia uh le an le tui taw thupha kong pia tu a, note natna theampo kong laaksak siat tu hi.

Pusuana 23:25 Iomraidhean Croise

Psalm Late 103:3

Ka mawna theampo ama in hong maisak a, ka natna theampo hong damsak hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Thuhilsya 5:20

Pathian in ama lungdamsak ahikom, a nuntakna a tom hunlam thinngim leilam ngawl tu hi.

Isaiah 33:16

Tua hile na ngammuang tu uh hi; a muanhuai kulh sungah om bangin thinmuang lungmuangin na om tu uh hi. Note in anneak tu le tuidawn tu na nei tu uh hi.

Isaiah 33:24

Ih leitang tungah a teang mite kuama in ka ciina hi ci in phun kik ngei nawn ngawl tu a, tuaciang mawna theampo kimaisak tu hi.

Jeremiah 8:2

A ngute khawmtua a, kiphumsak tu ci thada, lei ah eak vawk bangin pheang om tu hi. Tuate sia a it le a na a sepsak, thu a dok le a biak uh ahi ni, tha le aksite mai ah kipheangpha tu hi.

Daniel 1:15

A hun a cin ciang amate sia kumpi an a nete theampo sangin a ciidam tuak zaw, a tha hat tuak zaw uh hi.

Thiampite 11:44

Keima in Topa na Pathian ka hi a, keima thiangtho ka hikom note zongh na thiangtho uh kul hi.

Thiampite 26:3

“Ka thukham bang nungta in ka thupiakte na zui uh le,

Malachi 3:10

Biakinnpi sungah an tam mama a om thei natu in sawm a khat a cingin hong paipui tavun. Kei hong sin tavun, vantung khelkite ka hong tu a, na pha namcinte kicing takin no tungah kong buaksuk na mu tu uh hi.

Matthew 4:10

Tuasia ciang Jesus in, “Satan awng, tai in! Laithiangtho in, ‘Na Topa Pathian bek bia vun a, Ama atu bek sepsak vun!’ ci hi,” a ci hi.

Thuhil kikna 10:12

“Tu in Israel mite awng, Topa na Pathian ii note tungah hong nget thute pha tak ngai vun: Topa bia vun a, hong thupiak theampo zui vun. Na thin theampo uh taw ama it in, a na seam tavun a,

Thuhil kikna 10:20

Topa na Pathian ii thu ni in ama bek bia vun. Ama tungah thumaan in ama min bek suangin na kamciamna te vawt vun.

Thuhil kikna 13:4

Topa zui in zatak vawt vun; a thu ni in a thupiakte zui vun. Ama bia in, a tungah thumaan vun.

Thuhil kikna 6:13

Topa na Pathian zatak vawtin ama bek bia tavun a, ama min taw bekin kamciamnate vawt tavun.

Thuhil kikna 7:13

Ama in hong it in thupha hong pia tu a, pungin ta tam mama na nei tu uh hi; ama in na lote thupha pia tu a, lo ante, sapittui le olive thaute na nei tu uh hi; ama in khuite le tuu tam mama piakna taw thupha hong pia tu hi. Noma hong piak tu in na taanghpupite tungah a kamciamsa ngam le lei ah hi thupha theampo hong pia tu hi.

Thuhil kikna 7:15

Topa in natna theampo pan hong dal tu a, Egypt ah na thuak uh a kiitakhuai natnate khat zongh no tungah hong tungsak ngawl tu a, ahizong na ngalte theampo tungah tuate tungsak tu hi.

Joshua 22:5

Moses ii hong thupiak bangin thukham na zui natu khuangaisun hamtang tavun: Topa na Pathian it vun, ama deina bang ngamta vun, a thupiakte ni vun, ama tungah thumaan vun, tuaciang ama atu na thin theampo le na thaa theampo taw seam vun,” ci hi.

Joshua 24:21

Mipite in Joshua munah, “Hi ngawl hi! Topa na seam tu khu hi,” ci uh hi.

Joshua 24:24

Tuasia ciang Mipite in Joshua munah, “Topa ih Pathian naseam tu khu hi. A thu piakte ni tu khu hi,” ci uh hi.

1 Samuel 12:20

Samuel in, “Lau heak vun, siatna khaatna tuaza in vawt na hi uh hangin, Topa nusia heak vun, ahihang na thin theampo taw ama na na seam vun.

1 Samuel 12:24

Topa thu ni vun a, thumaan takin na thin theampo taw ama ii na seam vun. Na lianpi no atu hong sepsak te ciamtee vun.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.