Pusuana 23:21 - Syin Chin Bible

²¹ Ama thudon in, a thu ni tavun. Ama leedo heak vun, banghang ziam cile keima sawl hi a, tuabang leedona sia hong maisak ngawl tu hi.

Pusuana 23:21 Iomraidhean Croise

Psalm Late 2:12

ama mai ah liinna taw kun vun; tua ahibuale ama thin uuk vat tu a, thakhat thu in na thi tu uh hi. Ama a bealte in a lungdamte ahi uh hi.

Psalm Late 72:19

Ama min tuanngen sia a tawntungin pok vun! Ama ii minthanna in leitung bup ah dim tahen. Amen! Amen!

Psalm Late 78:40

Sennealngam sungah amate in ama bang tanvei langpan in, bang tanvei ama heesak ziam!

Psalm Late 78:56

Ahihang amate in Vaanglianbelpa Pathian langpan in, a zia en uh hi. Amate in a thupiakte a zui bua uh hi,

Psalm Late 83:18

Nangma bekma in Topa na hi hunlam, leitung bup a lianbel ukpa na hi hunlam amate in he tahen.

Pusuana 3:14

Pathian in, “Keima sia Keima ka hi hi. Amate tungah hisia na son hamtang tu hi: ‘KEIMA a kici khat in note kungah kei hong paisak hi.’

Pusuana 32:34

Tu in pai in kong sonna munah mihingte paipui in. Ka vantunglalang in lam hong lak tu phawkin a, ahizong a hun a cin ciang hi mihingte a mawna daan ka pia tu hi,” ci in zo hi.

Pusuana 6:3

A Vaanglianbel Pathian in Abraham, Isaac le Jacob tungah ka kilangh a, ahizong Topa ci in ka min thiangtho taw amate ka hesak bua hi.

Isaiah 42:8

“Keima bekma Topa na Pathian ka hi hi. Pathian dang khat tungah ka vaangletna kihawm ngawl tu hi; kei hong kipoknate sia milimte ka hawm buatu hi.

Isaiah 45:6

Leimong khat pan leimong khat dongah a om mihing theampo in keima sia Topa ka hina thu le pathian dang om ngawl a hina thu a heak thei natu in hi bangin ka vawt ahi hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Isaiah 9:5

Ngalsim a hong kuan ngalkapte ii peangdapte le chi baang amate puante theampo sia mei taw kihal tu hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Jeremiah 23:6

Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Jeremiah 5:7

Topa in, “Ka mite ii mawnate banghangin maisak tu khi ziam? Amate in kei hong nusia in pathian tatak ahi ngawlte bia zo uh hi. ka mite sia a ngilva dong ka vaak a, ahihang amate in palngul khialna vawtin pumpi kizuakte taw a hun zangh uh hi.

Malachi 3:1

Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.

Mi Simna 14:11

Topa in Moses tungah, “Hi mipite in bang tanvei kei hong nial lai tu ziam? Amate sungah nalamdang lakna tam mama vawt zo napi, hong muang ngawlin bang tanvei hong nial tu ziam?

Mi Simna 14:35

Kikaikhawm in kei hong langpan no mi seksolte tungah hisia kong tungsak tatak tu hi, ci in ka kiciam hi. Hi lai duisung ah note theampo thi siat tu nu hi. Keima, Topa pau zo khi hi,’ ci in ka zona teng na son in,” ci hi.

Matthew 1:23

Ngaknu thiangtho khat naungil om tu a, tapa khat hing tu hi, a min Immanuel kiphuak tu hi.” (Tua in “Eite taw Pathian omkhawm hi,” a cinopna hi.)

Matthew 17:5

Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

John 10:30

Pa le keima in pumkhat ka hi uh hi,” ci in zo hi.

John 10:38

Ahihang tuate ma ka seam nale, Pa sia kei sungah om a, kei sia Pa sungah om ka hina thu na up thei natu in, kei nong um bua uh zong, ka septe beak na up tu uh ahi hi,” ci in zo hi.

John 5:23

tua thu sia mihing theampo in Pa a zatak bangma in, Tapa a zatak natu ahi hi. Tapa a zakta ngawl po in ama a sawl ahi Pa sia zakta ngawl hi.

Ephesus te 4:30

Pathian ii suatak hong piak tu Ni kipsakna le Pathian neisa na hina hong ciamtee Pathian Thaa Thiangtho khuangaisak heak vun.

Thuhil kikna 18:19

Ama in ka min suangin thuson tu a, ama thu a nial peuma daan ka pia tu hi.

Thuhil kikna 9:7

“Sennealngam ah Topa na Pathian na thin uuksaknate mangil ngei heak vun. Egypt na nusiat ni a kipan, hi lai na thet uh dong ama langpanin na leedo zo uh hi.

Colossae te 2:9

Banghang ziam cile thaa pianzia sia Christ le ama ii mihing a hina sung mama ah a cing takin teang a,

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!

Hebrew te 3:16

Pathian aw za a, ama a langpante a kuate ziam? Moses ii Egypt ngam panin a pusuapui theampo ahi hi.

Joshua 24:19

Joshua in mipite tungah, “Ahihang Topa na seam zo ngawl tha tu nu hi. Ama sia a thiangtho Pathian hi a, ama in na mawnate uh hong maisak ngawl tu hi. Ama in ama a demte kuama dual ngawl hi,

1 John 5:16

Na suapuipa in thina dong a then thei tu ahi ngawl mawna khat a vawt le ama nuntakna a pia tu Pathian munah thu ngetsak in. Hi sia in thina hong then thei mawnate ngawl buang atu in a kizangh thei thu ahi hi. Ahihang thina dong hong then thei mawna om a, tua tungtaang ah Pathian munah thungetsak tu kong ci bua hi.

Thupualaakna 1:8

“Keima in a masabel le a khakbel ka hi hi,” ci in a om nginge, a omsa, le hong pai pheang tu, Vaanglianbel Topa Pathian in ci hi.

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.

Thupualaakna 2:8

“Smyrna khua pawlpi ii kamtai vantunglalang tungah hi bangin at in: “Hisia in a masa phitbel le a khakbel ahi, a thisa a nungta kikpa tung pan kam hong vaithak hi.

Thupualaakna 3:7

“Philadelphia khua pawlpi ii vantunglalang tungah hi bangin at in: “Hi kamvaithak sia a thiangtho le a thumaanpa tung pan ahi hi. Ama in David ii neisa tawtang nei a, kongkha a hon ciang kuama in a khak thei bua hi, tuaciang kongkha a kha ciang kuama in a hong thei bua hi.

Thukhente 13:18

Vantunglalang in zo a, “Banghangin ka min he nuam ni ziam? Ka min sia a lamdang min hi,” ci hi.