Pusuana 23:2 - Syin Chin Bible

² Mihing a tamzawte ii khialna a vawt ciang le thutang khenna pan lam a pialsak tetti a pan ciang amate zui heak vun.

Pusuana 23:2 Iomraidhean Croise

Pianciilna 19:4

A zinte a lup ma in Sodom te in a inn kiim uum uh hi. Tua munah khuapi sung pan a moi a haam pasal theampo hong pai hi.

Pianciilna 6:12

Pathian in leitung en a, a sia in mu hi, banghang ziam cile mihing theampo siatna taw kidim in nungta hi.

Pianciilna 7:1

Topa in Noah tungah, “Na innkuan bupin teambaw sungah tum vun; leitung theampo ah a maanin a seam sia nangma bekma kong mu hi.

1 Kumpite 19:10

Ama in, “Topa Pathian Vaanglianbelpa awng, nangma ii na — nangma bekma ii na hong sepsak tawntung khi hi. Ahihang Israel mite in nang taw a thuciamna paltan in, na biaknataute baltham a, na kamsaangte thatlum siat hi. Keima bekma taanglai khi hi — tuaciang amate in kei hong that nuam in hanciam uh hi!” ci in zo hi.

Job 31:34

Mite ii hong ci tu sia ka kiita ngei bua hi; amate hong ci zazaan tu ka lau bua hi thim om in inn sungah ka omcip ngei bua hi,

Psalm Late 72:2

tua hile ama in na mite thutang taw uk tu a, a kizothawte thumaanna taw uk tu hi.

Paunakte 1:15

Ka tapa awng, mihing tuabangte taw kithawl heak in. Amate kung pan kiheam in.

Paunakte 18:5

A mawte angvan a, a maw ngawlte tungah a kikhaikim in thukhen ngawlna sia maan ngawl hi.

Paunakte 4:14

Mi ngilote paina ah pai heak in. Mi seksolte ngamtatna ettee in zui heak in.

Jeremiah 37:15

Amate ka tungah thin uuk mama in hong saatsak in zum thuzeakpa Jonathan ii inn, thonginn a, a kivawt inn sia sungah hong khum in taw hong kalhcip uh hi.

Jeremiah 37:21

Tua ahikom Zedekiah kumpipa in kumpi innhuang sungah kei hong kikhum natu in thu hong pia hi. Tua munah ka om a, khua sungah anluum a bo siat dong ni simin anluum lum khat veu anluum vawtna panin kei hong kipia hi.

Jeremiah 38:9

“Kumpipa awng, hi mihingte ngamta khial hi. Amate in Jeremiah sia tuikhuk sungah khia uh a, tua munah ngilkial in thi tu hi, banghang ziam cile khua sungah an om nawn ngawl hi,” ci hi.

Ezekiel 9:9

Pathian in, “Israel le Judah mite in a lauhuai mama mawna khialnate nei uh hi. Amate in ngamsung theampo ah mihing that a, Jerusalem sia khialna lian taw kidimsak hi. Amate in Keima Topa in amate ngam nusia zo a, amate mu ngawl hi hong ci hi.

Thiampite 19:15

Zum tung thusonnate na khen uh ciang “Thumaan le thutang taw thu khen vun; mizawngte ngum tuan heak vun, ahibuale sumhaute kiita heak vun.

Haggai 1:4

“Ka mite awng, ka Biakinnpi a siacip sa in a om laitakin pha tak a kisa innte sungah banghang teang tu nu ziam?

Mark 15:15

Pilate in mihonpite lungkimsak nuam ahikom Barabbas tha hi. Tua zawkciangin Jesus velsak a thinglamtee tungah thalup tu in aap hi.

Luke 23:51

Ama Council Upa khat ahihang, a lawmte ii thukhenna le, ngamtatnate a thukim bua hi.

Sawltakte 24:27

Kum nii a kan zawkciangin, Porcius Festus in ngamuk mangpa Felix ii za laih hi. Felix in Jew te tung pan, maipha nga nuam ahikom, Paul sia thong sungah nusia hi.

Sawltakte 25:9

Festus in Jew te ii maipha nga nuam ahikom, Paul munah “Jerusalem ah pai in, hi maw kisotnate huvau sia, tualai keima mai ah thusitna na thuak nuam ziam,” ci in dongh hi.

Romete 1:32

Hi bangin a nungtate sia Pathian thukham in thidaan thuak hen a ci hunlam zongh amate in he uh hi. Ahitazong, a ngamtatna kheal ngawl bek dom ngawlin, tuabang a ngamtate zongh thukimpui lai uh hi.

Thuhil kikna 1:17

Thukhenna te ah nguptuam paaituam nei heak vun; akua akua ahizong a vekpi a kibangin khensak vun. Kuama kiita heak vun, banghang ziam cile na thukhenna te sia Pathian kung pan hong pai hi. Thu khat pawpo note atu in a haksa lei le, hong paipui tavun a, keima ka khen tu hi,’ kong ci sa ahi hi.

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

Thuhil kikna 24:17

“Ngamdangmite le tangate ii a nga tu te khaktan heak vun a; meingong nu ii puansilh sia leiba khapna in la heak vun.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”

1 Samuel 15:24

“Hi hi, maw zo khi hi,” ci in Saul in zo kik hi. “Topa thu piakna le nong hilna te ni ngawl khi hi. Ka mite ka kiitak manin amate dei bangin ngamta khi hi.

1 Samuel 15:9

Ahihang Saul le a mite in Agag ii nuntakna sia khoaikhe a, tuaciang a tuu le a khui a phabel teng, khuino le tuuno a phabel teng le na a pha theampo khe in, a man nei ngawl le a mannung ngawl teng bek susia uh hi.