Pusuana 23:18 - Syin Chin Bible

¹⁸ “Nganhing khat taw biakpiakna nong vawt uh ciang tol saw anluum hong pia heak vun. Hi poaipi te sungah sangaw biakpiakna nong vawt uh ciang nganhing thaute sia a zingsang ciang dongin koi heak vun.

Pusuana 23:18 Iomraidhean Croise

Pusuana 12:10

Zingsang dongin neakmong peuma na omsak buatu uh hi; neakmong a om le na hal kul tu hi.

Pusuana 12:15

Topa in, “Ni sali sung tol kisaw anluum peuma na ne buatu uh hi — tol kisaw ngawl anluum bekma na ne tu uh hi. Ni masa ni in na inn uh pan tol theampo heam tu nu hi, banghang ziam cile tua ni sali hunsung khat po in tol kisaw anluum a ne le, ama keima mi in a kisim nawn buatu hi.

Pusuana 12:8

Tua zanin a sa na em tu uh a, tol saw ngawl anluum le a kha meeteete taw na ne tu uh hi.

Pusuana 16:19

Moses in amate tungah, “Kuama in zing ciang atu bangma koikhol ngawl tu nu hi,” ci hi.

Pusuana 29:34

Sa ahizong, anluum ahizong zingsang dongin neakmong a om lai le kihal tu hi; tuate sia an thiangtho ahikom kine ngawl tu hi.

Pusuana 34:25

Nganhing taw biakpiakna nong nei uh ciang tol saw anluum hong pia heak vun. Paisan Poaipi hunsung na ngaw uh nganhing sa peuma a zingsang ciang dong koi heak vun.

Thiampite 2:11

Topa a kipia antang taw biakpiaknate tol kisaw ngawl tu a; Topa tungah na piak an sungah khuaitui ahibuale tol na zangh ngei buatu hi.

Thiampite 7:12

Mihing khat in Pathian tungah lungdamko biakpiakna in hi biakpiakna a vawt le biakpiakna ah a zak tu nganhing taw in, tol saw ngawl anluum piakhawm tu hi, tuate anvui le olive thau a kihel a saa anluumte ahibuale olive thau taw a kizut muhte, ahibuale olive thau taw kihel muhte ahi hi.

Thiampite 7:15

Biakpiakna nganhing sa sia biakpiakna vawt ni in kine tu a; a zingsang ciang dong koi ngawl tu hi.

Thuhil kikna 16:4

Na ngam sungah kuama in a inn ah ni sali sung tol koi ngawl tu hi; a ni masabel ni, nitak a na ngaw uh nganno ii sa sia tua zan ma in ne siat tu nu hi.