Pusuana 23:12 - Syin Chin Bible

¹² “Nipi khat sung ni luk naseam in, ahizong ni sali ni in naseam heak vun, tua hile note na hong sepsak na silate le ngamdangmite, na ngannote zongh tawlnga thei tu uh hi.

Pusuana 23:12 Iomraidhean Croise

Nehemiah 13:16

Tyre khuapi mite pawlkhat Jerusalem ah teang a, tuate in Sabbath ni in ka mite tungah a zuak tu ngasate le vanh tuatuamte khuapi sungah hong paipui uh hi.

Pusuana 16:23

Moses in amate tungah, “Topa in zing ciang sia ama tungah a ki aap tawlngakna ni thiangtho ni khat hi, ci in thu hong pia hi. Tuni in na em nop teng le na huan nop teng em in huan tavun. A taanglai teng peuma zing ciang atu in koituam vun,” ci hi.

Pusuana 23:11

Ahizong kum sali kum sia tawlngasakin tua lo pan a piangte bangma la heak vun. Lo sung pan a lipote mizawngte in ne tahen a, a taanglai teng ngamsate in ne tahen. Na sapithuan le na olive kungte zongh tuabang ma in hi tavun.

Pusuana 34:21

Ni luk sung noma na sep tu hun na nei uh a, ahizong lothaw hun le anlaak hun ngawngawn in ni sali ni in naseam heak vun.

Pusuana 35:2

ni luk sung noma na, na seam tu uh a, ahizong ni sali ni sia ni thiangtho hi tu a, keima, na Topa atu a kikoituam, a ciliaphuai tawlngak ni hi tu hi. Tua ni in na a seam peuma kithatlum tu hi.

Pusuana 35:3

Sabbath ni in na inn uh ah mei ngawngawn thut ngawl tu nu hi,” ci hi.

Isaiah 58:3

Mite in, “Topa in hong phawk ngeingawl ahile eite in banghangin an tang tu hi ziam? Ama in hong awlmawk ngawl ahile banghangin eite in an ne ngawlin om tu hi ziam?” ci in dongh uh hi. Topa in amate tungah, “A maan tak ci leang an na tan kawmin noma aituam phattuam natu te na del uh a, na naseamte na zawthawk vawt uh hi.

Thiampite 23:3

Note in na nasep natu in ni luk sung nei nu hi, ahizong ni sali ni, Sabbath sia tawlngakna ni ahi phawk vun. Tua ni in naseam heak vun, ahizong biakpiakna vawt tu in kikhawm vun. Koisung po na teang uh zong Sabbath sia Topa neisa ahi hi.

Mark 2:27

A thukhupna ah Jesus in, “Sabbath sia mihingte ii phat natu in a kivawt hi a, mihing sia Sabbath atu a kivawt a hi bua hi.

Luke 13:14

Synagogue keam upa pa in Sabbath ni a, Jesus ii ciina a damsak hu in, a thin uuk hi. Tua ahikom mipite tungah, “Nipi khat sungah na ih sep natu ni luk om hi. Tua ahiciang, tua nite ah ciidam nga tu in hong pai tavun a, Sabbath ni in hong pai heak vun” ci hi.