Pusuana 23:1 - Syin Chin Bible

¹ “A maan ngawl kamdawn kizelsak heak vun a, a maw sia hu nuamin leilot tetti pang heak vun.

Pusuana 23:1 Iomraidhean Croise

Pianciilna 39:17

Tuaciang a pasal tungah ama in thupiang a son ngei teng ma son a: “Hi lai ah nong ciapui Hebrew sila pa in ka inndoi sungah tumin, kei hong zawnsak vawt hi.

2 Samuel 16:3

Kumpipa in, “Na topa Saul ii tupa Mephibosheth koisung a om ziam?” ci in dongh hi. Ziba in, “Ama Jerusalem ah om hi, banghang ziam cile tu in a pu Saul ii neisa theampo, Israel te in ama tungah pia tu in um tatak hi,” ci in zo hi.

2 Samuel 19:27

Ama in kei huvau Kumpipa nangma tungah leilot hi, ahihang nang sia Pathian ii vantunglalang taw na kibang hi, tua ahikom maan na sak bangin ngamta in.

Psalm Late 101:5

Ngualdang khat po a thimtham in a ngensia thei te ka pawlvawt buatu hi; a kiphasak a kisathei mihing khat sia ka dual zo buatu hi.

Psalm Late 120:3

No a leilot theite awng, Pathian in bang hong law tu ziam? Bangbangin daan hong pia tu ziam?

Psalm Late 15:3

tuaciang ama in ngualdangte ngensia ngawl tu hi. Ama in a lawmte tungah tat khialna nei ngawl tu a, a innpaamte huvau kamleang kizelsak ngawl tu hi.

Psalm Late 27:12

Leilot thu le tawnna taw hong ngalvawt ka ngalte khut sungah hong nusia heak in.

Psalm Late 35:11

Mi ngilote in kei lang ah tetti in hong ding uh a, ka heak ngawl khialna liante hong suan hi.

Pusuana 20:16

“A maan ngawlin khat pawpo mawsiat heak vun.

Pusuana 23:7

A maan ngawlin ngual mawsiat heak vun a, mawnei ngawl khat that heak vun, banghang ziam cile tuabangin a sia a vawt peuma ka mawsak tu hi.

Paunakte 10:18

Mihing khat ama ii etsatna a phualseal sia in leilot pa ahi hi. Thu nawnsan a kizelsak sia in mihing mawmaw ahi hi.

Paunakte 12:17

Thumaan na son ciangin thutang khenna piang hi; ahihang leilotna in a kikhaikim ngawl thukhenna piangsak hi.

Paunakte 14:5

A muan taak tetti khat in thutak son tawntung a, ahihang a muan thamman ngawl khat in leilot thu simngawl a dang a son bua hi.

Paunakte 17:4

Mihing ngilote in ngitlo ngaisutnate diksa a, leilot theite in leilot thu diksa hi.

Paunakte 19:28

Tetti khat in mihing khat pawpo supna baina pia nuamin a khensat zawkciang thumaan thukhenna om thei nawn ngawl hi. A seksol mihingte in a sia nate sin tu lamnai hi.

Paunakte 19:5

Thukhenzum sungah leilot thu na son le daan na thuak tu hi — suatakna a om buatu hi.

Paunakte 19:9

Thukhenzum sungah leilot thu a sonte peuma daan piakna pan suakta ngawl tu hi; ama a lal ahi hi.

Paunakte 21:28

A leilot khat ii tetti panna sia ki um ngawl hi, ahihang thu a ngaisun kaak mihing khat ii kammal sia kisaang hi.

Paunakte 24:28

A thu om ngawlin ngualdang khat langpanin tetti pang heak in, ahibuale zong ama ii huvau telkhial thei thute phuang heak in.

Paunakte 25:18

A maan ngawl kimawsakna sia, namsau, moltawng, ahibuale thaltang hiam bangin kiitakhuai hi.

Paunakte 25:23

Saksang vui in ngua hong puak bangma ngual ngensiatna in thin uukna hong puak takpi hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Thiampite 19:11

“Nguta heak vun a, ngualtheam ahibuale leilot thu son heak vun.

Thiampite 19:16

Khat pawpo taw kisai in leilot thu sonsawn heak vun a, mihing khat ii nuntakna le thina thu a kison ciang na tetti panna in ama a hu thei tu a ahile, son khe in. Keima in Topa ka hi hi.

Matthew 19:18

Ama in “A bang thupiakte ziam?” ci in dongh hi. Jesus in “Mihing that heak in, palngul mawna vawt heak in, ngu heak in, leilot thu taw ngual suanhkhial heak in;

Luke 19:8

Zacchaeus ding a, Topa tungah hi bangin ci hi. “En in, Topa awng! Ka neisa a lang mizawngte ka pia tu hi; tuaciangin khat po ka theam ngei le a zaa li in ka lo kik tu hi,” ci hi.

Luke 3:14

Ngalkap pawlkhat in, “Ko zongh bangbang a ngamta tu khu ziam?” ci in dongh uh hi. Amate tungah, “Zawthawk thu taw kuama tung pan sum la heak vun, leilot thu taw kuama tungah thu zong heak vun. Na thasum uh taw lungkim vun,” ci hi.

John 7:51

“Ih Thukham bangin ci leang, mihing khat sia bang ngamtatna teng nei ci, ih sit ih mu mateng in, ih mawsak thei bua hi,” ci hi.

Romete 3:8

Tua ahile banghangin “Thupha pianna tu in thusia vawt tawng,” ci ngawl hi ziam? Mihing pawlkhat in tu a ka ci bangin pau hi ci in mawsiatin hong lang hi! Tuabang mihingte in a kiphu bangin puavawkna thuak tu hi.

Ephesus te 4:25

Tua ahiciang, leilot thu son nawn heak vun! Mihing sim in a thu uppuite tungah thumaan son tahen, banghang ziam cile eite in Christ ii pumpi sungah nate ih hi khawm siat hi.

Thuhil kikna 5:20

“ ‘A maan ngawlin khat pawpo mawsiat heak vun.

2 Timothy 3:3

Amate sia dikna nei ngawl, hesuakna sel, ngual min siasak, ngoltol, kiitakhuai, a phate ensan,

1 Peter 3:16

ahihang tuabang na son uh ciang, cikna thiamna le kithasiana nei tavun. Na thinsung ah, kithasunna omsak heak vun, tua hile hong kiselno ciangin, Christ nungzuite na hina uh taw na ngamtat phate hong sonsiate sia, amate pauna taw a maizum tu uh hi.

Thupualaakna 12:10

Tua zawkciang, vantung ah aw a nging tatak khat ka za a, “Tu in Pathian ngupna sia hong theng zo hi! Tu in Pathian in Kumpipa a hina, a vaangletna hong lak zo hi! Tu in ama Messiah in a thuneina hong lak zo hi! Banghang ziam cile Pathian mai ah ding a, ih suapuite sun taw zan taw a mawsakpa sia, vantung panin kivawk zo hi.