Pusuana 22:21 - Syin Chin Bible

²¹ “Ngamdangmi khat vawtsia ahibuale zothaw heak vun; Egypt ah ngamdangmite na hina uh phawk vun.

Pusuana 22:21 Iomraidhean Croise

Job 6:27

Tanga silate na nga natu in aisaanna nuangtangte ngawngawn na lawn uh a, tuaciang na lawm phabelte duupin na hau natu zong nu hi!

Psalm Late 146:9

Ih ngam sungah khualmi hong teangte ama in sungsia hi; ama in meingongte le tangate hu hi, ahihang a seksolte sia siatcip natu munah then hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 23:9

“Ngamdangmi khat vawtsia heak vun; ngamdangmite ii a thinsung thuakzia na he uh hi, banghang ziam cile Egypt ah note ngamdangmite na hi uh hi.

Isaiah 1:17

tuaciang a maan sep tu kisin vun. Thukhaikim thu omsak vun — a kizawthawk vawtte hu vun, tangate ii nga tuakte pia vun a, meingongte panpui vun” ci hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Jeremiah 7:6

Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Thiampite 19:13

“Noma meet natu in midangte vanh suttol heak vun. Noma cial sa mihing khat ii thamante, zan khat bek zongh khak heak vun.

Thiampite 19:33

“Noma ngam sungah hong teang ngamdangmite vawtsia heak vun.

Thiampite 19:34

Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Thiampite 25:35

Na nai a, a teang Israel mipui khat zawngin ama le ama a kivaak zo buale na nai ah hong teen suak thei natu in na cial naseampa khat bangin sum na puk tu hi.

Zechariah 7:10

No sungah hong teang ngamdangmite, meingong tangate ahizong, a cimaw dangte ahizong, zothaw ngawl tu nu hi. Khat le khat kisuksiat natu a nanamin sawm ngawl tu nu hi.’

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Thuhil kikna 1:16

“Tualai in amate tungah, ‘Na mite sung pan thu kisik ngawl na thu hong sonnate pha tak ngaisak vun a, na mite bek ahizong, note sungah a teang nam dangte a kihel zong pha takin thukhen vun.

Thuhil kikna 10:18

Ama in tangate le meingongte a pha in vawt a, eite sungah a teang ngamdangmite it in, an le puansilhte pia hi.

Thuhil kikna 10:19

Tua ahikom tua ngamdangmite tungah itna lak vun, banghang ziam cile note khatvei Egypt ngam ah ngamdangmi ma hi ngei nu hi.

Thuhil kikna 15:15

Noma Egypt ngam ah sal na tanna uh le Topa na Pathian ii hong suataksakna thu phawk vun; tua ahi hu in hi thupiakna tu in kong pia hi.

Thuhil kikna 23:16

Amate ii tealna khua khat pawpo ah teang thei tu a, vawtsia ngawl tu nu hi.

Thuhil kikna 23:7

“Edom te zawngsak heak vun; na beete uh hi. Tuaciang Egypt te zawngsak heak vun; amate ngam ah teang ngei nu hi.

Thuhil kikna 24:17

“Ngamdangmite le tangate ii a nga tu te khaktan heak vun a; meingong nu ii puansilh sia leiba khapna in la heak vun.

Thuhil kikna 27:19

“ ‘Ngamdangmite, tangate le meingong nupite ii nga tute a khaktan pawpo tungah Pathian haamsiatna tung tahen.’ “Tuasia ciang mipi theampo in, ‘Amen!’ ci in zo tu uh hi.