Pusuana 22:14 - Syin Chin Bible

¹⁴ “Mihing khat in ngual ngan zawng a, a nei pa om ngawl sungin a liamsak ahibuale, a thisak le tua pa in liau tu hi.

Pusuana 22:14 Iomraidhean Croise

Nehemiah 5:4

A dangte in, “Koma lote le sapithuante tungtaang phiangshia piak tu in sum ka puk uh kul hi.

Psalm Late 37:21

Mihing seksolte in leitoai in, lo kik ngeingawl a, ahihang mihing phate in ngo takin pia hi.

Pusuana 21:34

ama in tua nganno ii man liau nanak tu hi. Ngan neipa tungah a sum pia tu a, tua nganhing thi sia ama in tang thei tu hi.

Pusuana 22:11

biakna munah ngan keampa paipui tu a, ngual ngan a nguksak ngawlna thu a kiciam kul tu hi. A kingu ahibuale a neipa a sumh hi tu hi, tua pa in liau ngawl tu hi;

Pusuana 22:13

Ngamsate ii thalup ahile a neakmongte tetti in a lak kul hi; ama in ngamsa ii thalup sia atu liau kul ngawl hi.

Pusuana 22:15

Ahizong a nei pa om sungin, tuabang thu piang ahile liau kul ngawl hi. Man piak tu in a kizawng ahile a zawn man teng taw kisi tu hi.

Thiampite 24:18

ngual nganno khat a that sia peuma in liau kik tu hi. Nuntakna khat sia nuntakna khat taw lo tu ci thu ahi hi.

Matthew 5:42

Khat po in na khat hong ngen le pia vun; khat po in na khat hong zawng nuam le zawn vun.

Luke 6:35

Tuabang hi ngawl hi! Na ngalte it vun, amate tungah thupha vawt vun; sum pukthaak tavun a lo kik tu na thangai heak vun. Tua hile no in thaman lian khat na nga tu uh a, a Saang Bel Pathian ii tate na suak tu uh hi, banghang ziam cile ama sia lungdamna a he thei ngawlte le mihing ngilote tungah thuthiam hi.

Thuhil kikna 15:2

Hi bangin vawt tu ahi hi. Israel a mipui khat pawpo tungah sum a puk sia in a sumpuk teng maisak tu hi; leiba siik nawn ngawl tu hi; banghang ziam cile Topa in tua leiba kimaisak zo hi, ci in thangsak zo hi.