Pusuana 21:2 - Syin Chin Bible

² Hebrew mi sila in na lei uh le, kum luk sung na hong sepsak tu hi. Kum sali kumin bangma pia ngawlin kisuaktasak tu hi.

Pusuana 21:2 Iomraidhean Croise

Pianciilna 27:28

Pathian in na tungah vantung daaitui hong pia hen a, na lote lei phasak tahen! An le sapittui tam mama hong pia tahen!

Pianciilna 27:36

Esau in, “Tu a sia kei hong theam a nii veina hi. A min Jacob ahi sia lamdang ngawl hi. Ama in ka taciil innluaza la zo a, tu in ka thupha hong laksak leleau hi. Kei atu in thupha khat khe ngawl ni ziam?” ci hi.

2 Kumpite 4:1

Kamsaang honkhat sung a kihel khat ii zi meingong nu sia Elisha kungah pai in, “Topa awng, ka pasal thi zo hi! Na heak bangma in ama sia Pathian kiita pasal khat hi, ahihang tu in a leibatna pasal khat in, ka pasal ii leiba taangin ka tate nii sila in a la tu hong pai zo hi,” ci in son hi.

Nehemiah 5:8

amate tungah, “Ngamdangte tungah amate le amate a kizuak ih Judah mealheakte sia ih hi theiza in ih tan kik hi. Tu in Judah a mipuite ahi note tungah amate le amate hong kizuak natu in na mealheakte zawthawk vawt nu hi!” ka ci hi. A lampuite thim dide in om a, bangma son thei ngawl uh hi.

Pusuana 12:44

ahizong na leisa sila pawpo a vunteap atsak masa po le uhte ne thei tu hi.

Pusuana 21:3

Na silapa sia na sila a sua lai in zi nei ngawl ahile hong nusiat ciang a zi tonpui ngawl tu a, ahizong zi neisa ahile a zi tonpui thei tu hi.

Pusuana 21:7

“Mihing khat in a tanu sia sila tu in a zuak le, pa silate bangin suakta thei ngawl tu hi.

Thiampite 25:54

Hi bang lam khat pawpo taw a kisuaktasak buale ama le a tate sia Piakkikna Jubilee kum kik ciang kisuaktasak nanak tu hi.

Matthew 18:25

Naseampa in a liau tu sum nei ngawl hi. Tua ahikom Kumpipa in, tua pa ii zi taw a tate taw a neisa theampo taw sila a zuak tu in thupia hi. A leiba kilo natu ahi hi.

1 Corinth te 6:20

ama in note man pia a, hong leisa na hi uh hi. Tua ahikom na pumpi uh sia Pathian minthan natu in zangh tavun.

Thuhil kikna 15:1

“Kum sali a cin simin note tungah sum hong kiba theampo maisak tu nu hi.

Thuhil kikna 15:18

Na sila khat na suataksak ciang na thinnasak heak vun; a tatakin ci leang a kicial naseam khat ii thaman lang taw ama in kum luk sung na hong sepsak zo hi. Hi bangin vawt vun, tua hile, Topa na Pathian in na nasepna theampo ah thupha hong pia tu hi.

Thuhil kikna 31:10

Moses in amate thupia a, “Kum sali a cin sim, leiba maisak kum hong thet ciang Buk Poai ah hisia a ngingin sim vun.