Pusuana 20:6 - Syin Chin Bible

⁶ Ahizong kei hong it in, ka thukhamte a zuite ahile ka itna a khang tul tampite tungah ka lak tu hi.

Pusuana 20:6 Iomraidhean Croise

Nehemiah 1:5

“Vantung ah a mang Topa Pathian awng! Nang na lian a, nangma kiita in ka om uh hi. Nangma hong itte le na thupiak a zuite tungah na thuciamna thumaan takin na len hi.

Psalm Late 103:17

Ahihang Topa a zaktate atu in ama ii itna in a tawntungin kikhomsuan a, ama phatna sia khang tawntungin kikhom hi,

Pusuana 34:7

Ka kamciamte khang tul tam mama te tungah ka len a, siatna le mawna ka maisak hi; ahizong a pate a nute mawnate hangin tate le tute tungah, khang thum khang li dongin daan ka pia tu hi,” ci in pualaak hi.

Paunakte 3:1

Ka tapa awng, kong hilte mangil heak in. Vawt a, kong sawlte a tawntungin ciamtee in.

Jeremiah 32:18

Mihing tul tampi te tungah tawntung itna na lak zo a, ahihang a nu a pate ii mawna khialnate hu in mihingte daan na pia si hi. Nangma in a lian, a vaang nei Pathian na hi a; Vaanglianbelpa Topa na hi hi.

Daniel 9:4

Topa ka Pathian tungah thungen in ka mite ii mawna khialnate ka pualaak hi. Keima in, “Topa Pathian awng, nang na lian a kong zakta uh hi. Na thuciamna tungah na thumaan a, nang hong it te le na thupiakna bang a seamte a tawntungin na it hi.

Mi Simna 14:18

‘Keima Topa sia thin uuk hak a, itna lian le thumaanna a lak, mawna le leedona a maisakpa ka hi hi. Ahizong a pate mawna hangin tate le tute tungah khang thum, khang li dongin daan ka pia tu hi’ ci in nong ciamsate taangtungsak in.

John 14:15

“Nong it uh le ka thupiakte na ni tu uh hi.

John 14:21

“A kuama po ka thupiakte saangin, thu a nite sia kei hong it ahi hi. Ka Pa in kei hong it pawpo a it tu hi; kei zongh in ama ka it tu a, ama tungah keima le keima ka kilaak tu hi,” ci hi.

Sawltakte 2:39

banghang ziam cile Pathian kamciam sia, no le na tate le, a khualana ah a omte atu in a kivawt hi a, tuaciangin Topa Pathian ii ama kungah a samsa theampo atu ahi hi,” ci hi.

Thuhil kikna 4:37

Na taanghpupite a it manin note hong teal a, a vaangletna taw Egypt ngam pan hong pusuapui hi.

Thuhil kikna 5:29

Amate in hi bangin phawk tawntung thong le pha hi! Amate le a suan a paalte, a ma vangin a daupai thei tawntung natu in, keima hong zakta tawntungin ka thupiak theampo hong zui pole pha hi.

Thuhil kikna 7:9

Topa na Pathian sia Pathian khat bek ahi hunlam le ama ii thumaanna phawk vun. Ama in a thuciam keamcing tu a, ama a itte le a thupiakte a zui mihingte khang tulkhat dongin a itna kip lak tu hi,

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

1 John 4:19

Pathian in ei hong it masa ahikom eite in ama ih it hi.

1 John 5:3

Banghang ziam cile Pathian ih itna ii khiakna sia ama thupiakte ih zui hi cinopna ahi hi. Tuaciang ama thupiakte sia ei atu in a haksa lei bua hi,

2 John 1:6

Tu a ka son itna ii khiakna sia Pathian thupiakte zui in ih nuntak kul hi cinopna hi. A kipat pan na zaak siat sa uh bangma note theampo sia ki itna taw na nuntak uh kul hi, ci in thupiakna om hi.