Pusuana 20:23 - Syin Chin Bible

²³ Keima nong biak banah note biak tu in ngunn le khamh pathiante vawt heak vun.

Pusuana 20:23 Iomraidhean Croise

2 Kumpite 17:33

Tuabangin amate in Topa bia uh a, ahihang amate hong paina a ngamte ii ngeinate bangma in amate tek ii pathiante zongh bia uh hi.

2 Kumpite 17:41

Tua hi a, tua mite in Topa bia uh hi, ahihang amate ii a milimte zongh bia uh hi; tuni dong ma in a suan a paalte in tuabangin ngamta lai uh hi.

Pusuana 32:31

Tuaciang Topa kungah Moses heakkik in, “Hi mite in a cizathuai mawna vawt zo hi. Amate in khamh taw pathian khat vawt in bia uh hi.

Pusuana 34:17

“Thik taw kivawt pathiante vawtin bia heak vun.

Ezekiel 20:39

Vaanglianpipa Topa in, “Tu in no Israel mite awng, noma lungkim babangin om vun! Na milimte ma bia tan tavun. Ahihang kidawm tavun a, hisia zawkciang ka thu nong nit uh kul tu a, na milim biakpiaknate taw ka min thiangtho na daisak uh kheal tu nu hi.

Ezekiel 43:8

Kumpite in a kumpi inn kongkha khuamte le a saamkiilte sia ka Biakinnpi kongkha le kongkha saamkiilte nealin vawt a, tua ahikom ka kilaklaw uh pang khat bek in daa hi. Amate in a kiihuai a sep nate theampo taw ka min thiangtho daisak ahikom, ka thin uukna taw amate ka lalcipsak hi.

Daniel 5:23

Vantung Topa na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, khamh, ngunn, taau, thik, thing le suang taw a kivawt khuamu thei ngawl, khua za thei ngawl a, bangma a he ngawl pathiante na pok uh hi. Ahitazong na thi tu le na nun tu hong khensat a, na sep na vawt theampo hong uk Pathian na upat bua uh hi.

Daniel 5:4

khamh, ngunn, taau, thik, thing le suang taw a kivawt pathiante pok uh hi.

Thiampite 19:4

“Kei hong taisan in milim bia heak vun; pathiante thik taw vawt tawm in bia heak vun. Keima in Topa na Pathian ka hi hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Thuhil kikna 27:15

“ ‘Suang, thing ahibuale leisung sumpiangte taw milim vawt a, tuasia a bia ku pawpo tungah Pathian haamsiatna tung tahen; Topa in milim biakna ngaimaw hi.’ “Tuasia ciang mipi theampo in ‘Amen!’ ci in zo tu uh hi.

Thuhil kikna 29:17

Thing, suang, ngunn le khamh taw a kivawt a kiihuai a milimte na mu uh hi.

Thupualaakna 22:15

Ahihang lampialte, bum le ai toaite, a paktatte, mihing thatte, milim biate, leilot kampauna le ngamtatna taw ngualtheam theite khuapi puasia ah om tu uh hi.

Thukhente 17:3

Ama in a sum teng a nu piakik a, a nu in, “Haamsiatna ka tapa tung hong tun ngawl natu in, keima mama in tua ngunntang Topa tungah ciliap huai takin aaptuam khi hi. Ngunn taw a kituam thingngel milim khat vawtna in kizangh tu hi. Tua ahikom tu in tua ngunntang teng nang hong pia kik tu khi hi,” ci hi.