Pusuana 20:17 - Syin Chin Bible

¹⁷ “Midang khat ii inn lungngul heak vun: a zi, a silate, a khuite, a laate ahibuale a neisa khat pawpo lungngul heak vun,” ci hi.

Pusuana 20:17 Iomraidhean Croise

Pianciilna 14:23

khauzam khat ahizong, peangdap khau ngawngawn ahizong, na neisa bangma ka la buatu hi, ci in ciliapna taw ka kiciam hi. Tuasia ahibuale nangma in, ‘Abram a hausak pa keima khi hi,’ ci tha tu ni hi.

Pianciilna 3:6

Numei in thingkung hoizia le a nga a limtuakziate mu a, tuaciang miciim sua tu sia bangza in pha tu ziam ci in, ngaisun hi. Tua ahikom thingnga pawlkhat loin, ne hi. Tuaciang pawlkhat a pasal pia a, a pasal zongh in ne hi.

Pianciilna 34:23

A nganno teng le a neisa dang theampo ei aa hi lel tu ngawl ziam? Tua ahiciang thukim in amate ei sungah teangsak tawng,” ci hi.

Job 31:1

Ci le sa deina taw numei khat po ka et ngeingawl natu in a ciliap huai kamciam khat ka vawt zo hi.

Job 31:9

Ka innpaam pa ii zi ka dei a, a kongbiang pua sangah buu in ka ngak le

Psalm Late 10:3

A seksol pa in ama ii a sia deinate kiphatsak pui hi, a duhop pa in Topa haamsiat in nial hi.

Psalm Late 119:36

Hau natu sangin na thukhamte zui nopna thin hong pia zaw ta'n.

Paunakte 4:23

Na khua ngaisut dan kidawm in; na nuntakzia sia na khua ngaisutna in zeam hi.

Paunakte 6:29

Ngual zi a luppui sia tuabangza ma in lauhuai hi. Tuabang a ngamta theampo in ngimna thuak tu hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Isaiah 33:15

Thumaan son in a maan na seam uh le na suakta zo tu uh hi. Na vaang neina uh sia mizawngte theamna in zangh heak vun a, sumnguk sang heak vun. Mihing thalup a sawmte taw ahizong, a dang a sia vawt theite taw ahizong, kipawl heak vun.

Isaiah 57:17

Amate ii mawna le duhopna hu in amate tungah ka thin uuk hi, tua hu in amate daan pia in ka nusia hi. Ahihang amate a thin uh pui in a ngamtat ngei bangin ngamta veve uh hi.

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 5:8

Amate sia a innpaamte ii zite a lamnai, a pha tak a kivaak siphu tal lante bang ahi hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Micah 2:2

Amate in lote a dei uh ciang suttol uh hi; innte a dei uh ciang laksak uh hi. A kuama po ii innkuan, ahibuale neisa bit ngawl hi.

Habakkuk 2:9

Na lal zo hi! Ngongtatna taw na laak te taw na innkuan na hausak a, siatna le launa pan na inn ngam muang tu in na hanciam hi!

Matthew 20:15

Keima sum tungtaang ah ka uuk bang po in, zeak thei natu thunei hi kana ngawl khi ziam? Ngo takin ka piakte banghangin eang nu ziam?’ ci in zo hi.”

Matthew 5:28

Tu in hi bangin kong ci hi: khat po in numei khat khialpui nopna thin taw a en le a thinsung ah nupa palngul khialna vawt hi zo hi.

Luke 12:15

Amate tungah hi bangin ci thua hi. “Duhopna namcinte panin, noma le noma kikeam tavun. Banghang ziam cile bangza po in a haubel hangin mihing khat ii nuntakna tatak sia neisa lamhsate hi ngawl hi.”

Luke 16:14

Phariseete in hi thute a zaak uh ciangin Jesus sia ciammuina in nei uh hi, banghang ziam cile amate sum deite ahi uh hi.

Sawltakte 20:33

Khamh ahizong, ngunn ahizong, puansilhte ahizong, kuama ii neisa ka dungawk ngei bua hi.

Sawltakte 5:4

Na neisa na zuak ma in, nangma aa ahi hi; tuaciang na zuak zawkciangin, tua sum sia nangma aa ma ahi hi. Tua hikasap banghangin tuabang ngamtat tu khensat ni ziam? Mihingte a theam na hi bua hi — Pathian a theam suak zo ni hi!” ci hi.

Romete 13:9

Thupiak sungah, “Na kipalngul heak vun; mihing na that heak vun; na nguta heak vun; midangte neisa dungawk thin na nei heak vun,” hite theampo le a dangte sia, “Na innpaamte nangma na ki it bangin na it in,” ci thukham in huam siat hi.

Romete 7:7

Tua ahile bang ih ci tu ziam? Thukham mama pha ngawl hi ih ci tu ziam? Hi ngawl het hi! Thukham in mawna a ci sia hong hesak hi zaw hi. Thukham in, “Ngual khat ii neisa na dungawk heak vun,” ci buale dungawk ci sia bang ziam ci in ka he buatu hi.

1 Corinth te 6:10

na ngu theite, a duhopte, zukhamte, ngual ngensia theite, ngutate, hite kuama in Pathian Ngam lua ngawl tu hi.

Ephesus te 5:3

Note in Pathian ii mihingte na hi bangma in, numei le pa paktatna, a thasiathuai nuntakna le duhopnate note sungah son tu in zongh na nei vet heak vun.

Ephesus te 5:5

A kuama po a paktatte, a thasiathuai a, a kithoaite le a duhopte (duhop sia milim biakna nam khat hi) in Pathian le Christ Ngam lua ngeingawl tu hi ci sia pha takin na he uh hi.

Thuhil kikna 5:21

“ ‘Midang khat ii zi lungngul heak vun, a inn, a lo, a silate, a khui, a laa, ahibuale a neisa khat pawpo lungngul heak vun.

Thuhil kikna 7:25

A milimte hal vun. Tua milim tungah a om khamh le ngunnte dei heak vun a, noma atu in la heak vun. Na la uh le note atu in thina piang tu hi, banghang ziam cile, milim biaknate Topa in huatsa hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

Colossae te 3:5

Note in na sungah na hong seam leitung deinate na thisak uh kul tu hi, tuate sia numei le pa khialna, kiihuai ngamtatna, cii le sa deina zui nopna, ngamtat sia tatnopna, duhopna (duhopna sia milim biakna nam khat ahi hi) te ahi hi.

Hebrew te 13:5

Na nuntakna uh sia sum le vanh manpha deina taw na kipealsak vun a, tuaciangin na nei uh sia taw na lungkim vun. Banghang ziam cile Pathian in, “Bangma hunin kong taisan ngei buatu a, kong nusia ngei buatu hi,” ci hi.

Joshua 7:21

Vanh ih mat te sungah Babylon te puantungsilh hoi mama khat, ngunn kilogramme nii tu khawng le khamh tawn kilogramme lang vaal ka mu hi. Tuate dei leilam ka hikom ka la hi. Ka tuipuan buk sungah kiphumin a ngunn teng sia a tawbel ah na mu tu hi,” ci in zo hi.

1 Samuel 12:3

Hi sungah om khi hi. Ka sep ka vawt khat po ahi ngawl a om le tu in Topa le a tealsa kumpipa mai ah maw hong suan tavun. Mihing khat po ii khui ahizong, laa ahizong kong laaksak ngei ziam? Akua khat po kong theam ngei, kong nengniam ngei ziam? Khat po tung pan sumnguk kong saang ngei ziam? Hi bang khat pawpo ka ngamta ngei le ka laak babang pia kik tu khi hi,” ci hi.

1 Samuel 15:19

Tua ahile banghangin a thu ni ngawl ni ziam? Banghangin a neisa uhte phuul tu in kinaw liang in Topa ii diksak ngawl tu in ngamta ni ziam?” ci in zo hi.